რუსეთში ახალწვეულს 8 სამხედრო მოსამსახურის მკვლელობისთვის 24 წლითა და 6 თვით თავისუფლების აღკვეთა მიუსაჯეს
21-01-2021
რუსეთში ახალწვეულს 8 სამხედრო მოსამსახურის მკვლელობისთვის 24 წლითა და 6 თვით თავისუფლების აღკვეთა მიუსაჯეს
ჩიტას სამხედრო რაიონულმა სასამართლომ რუს ახალწვეულს, რამილ შამსუტდინოვს, რუსეთის ერთ-ერთ სამხედრო ბაზაზე 8 სამხედრო მოსამსახურის მკვლელობის გამო, 24 წლითა და 6 თვით თავისუფლების აღკვეთა მიუსაჯა, - ამის შესახებ ინფორმაციას რუსული მედია ავრცელებს.

შამსუტდინოვის ადვოკატების მტკიცებით, ახალწვეული ბულინგის მსხვერპლი იყო. ადვოკატებმა სოციალურ ქსელში გაავრცელეს შამსუტდინოვის ღია წერილი, სადაც ის სინანულს გამოთქვამს, რომ თავი ვერ შეიკავა, მაგრამ აღნიშნავს, რომ აღარ შეეძლო იმის ატანა, როგორც ექცეოდნენ და რამაც სიცოცხლე "ჯოჯოხეთად" უქცია.

ცნობისათვის, შემთხვევა
იმიერბაიკალეთის მხარეში გასული წლის 25 ოქტომბერს მოხდა, როდესაც რამილ შამსუტდინოვმა სამხედრო მოსამსახურეებს ცეცხლი გაუხსნა, რის შედეგადაც დაიღუპა 8 და დაშავდა 2 ადამიანი.

"ინტერპრესნიუსი"
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით
რუბრიკის სხვა სიახლეები
ემხრობით თუ არა ვადამდელი არჩევნების შესახებ პლებისციტს?
თქვენი აზრი მნიშვნელოვანია!
ემხრობით თუ არა ვადამდელი არჩევნების შესახებ პლებისციტს?
თვის კითხვადი სტატიები