73 წლის ჟერარ დეპარდიეს 20 წლის მსახიობის გაუპატიურების საქმეზე ბრალი წაუყენეს
საფრანგეთის პროკურატურამ ცნობილ ფრანგ მსახიობს, ჟერარ დეპარდიეს 20 წლის მსახიობის გაუპატიურებისა და მასზე ძალადობის საქმეზე ბრალი წაუყენა. ფრანგული მედიის ინფორმაციით, 2018 წელს დეპარდიე მსახიობ ქალს კარიერის აწყობაში დახმარებას დაჰპირდა, პარიზში საკუთარ სახლში რეპეტიციაზე დაიბარა და მასზე იძალადა.
საქმეზე გამოძიება 2019 წელს მტკიცებულებების სიმცირის გამო შეჩერდა, 2020 წელს კი მსახიობმა ქალმა გამოძიების განახლება გადაწყვიტა.
73 წლის ჟერარ დეპარდიე ძალადობის ფაქტს კატეგორიულად უარყოფს.