"ეს დიდებული ვაქცინაა, უსაფრთხოა და კარგად მოქმედებს" - დონალდ ტრამპი მხარდამჭერებს ვაქცინაციისკენ მოუწოდებს
"ეს დიდებული ვაქცინაა, უსაფრთხოა და კარგად მოქმედებს" - დონალდ ტრამპი მხარდამჭერებს ვაქცინაციისკენ მოუწოდებს
აშშ-ის ყოფილი პრეზიდენტი დონალდ ტრამპი საკუთარ მხარდამჭერებს კორონავირუსის საწინააღმდეგო ვაქცინაციის ჩატარებისკენ მოუწოდებს. ექსპრეზიდენტმა სატელევიზიო ინტერვიუში განაცხადა, რომ ვაქცინა უსაფრთხოა, რომელიც კარგად მოქმედებს.

"გირჩევდით მას. გულწრფელად ვამბობ, მე მას ვურჩევდი უამრავ იმ ადამიანს, რომელსაც არ სურს ვაქცინა გაიკეთოს, მათგან ბევრმა მე მომცა ხმა. ეს დიდებული ვაქცინაა, უსაფრთხოა და კარგად მოქმედებს,"- აღნიშნა დონალდ ტრამპმა.

ჩBშ Nეწს-ის მიერ ჩატარებულმა ახალმა კვლევამ აჩვენა, რომ "რესპუბლიკური პარტიის" მხარდამჭერების მესამედი ვაქცინის გაკეთებას არ აპირებს, "დემოკრატების" მხარდამჭერებში
კი ეს მაჩვენებელი 10%-ს შეადგეს.

თეთრი სახლის პრესსპიკერმა ჯენ ფსაკიმ ორშაბათს განაცხადა, რომ თუკი დონალდ ტრამპი ვაქცინის უსაფრთხოებისა და ეფექტურობის შესახებ განცხადებას გააკეთებდა, ახალი ადმინისტრაცია ამას მხარს დაუჭერდა. "თუ ყოფილი პრეზიდენტი ტრამპი ხვალ გაიღვიძებს და ვაქცინის უსაფრთხოებისა და ეფექტურობის შესახებ განცხადებას გააკეთებს, ამას, რა თქმა
უნდა, მხარს დავუჭერთ," - აღნიშნა ჯენ ფსაკიმ.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები