ბრაზილიის პრეზიდენტი აცხადებს, რომ „ლოქდაუნი“ სიმსუქნეს, დეპრესიას და უმუშევრობას იწვევს - კვირის პალიტრა

ბრაზილიის პრეზიდენტი აცხადებს, რომ „ლოქდაუნი“ სიმსუქნეს, დეპრესიას და უმუშევრობას იწვევს

ბრაზილიაში, გასული დღე-ღამის განმავლობაში, კორონავირუსს 4 195 ადამიანის სიცოცხლე ემსხვერპლა, რაც რეკორდულად მაღალი დღიური მაჩვენებელია ქვეყნისთვის, - ამის შესახებ ინფორმაციას BBჩ-ი ქვეყნის ჯანდაცვის სამინისტროზე დაყრდნობით ავრცელებს.

ამავე მონაცემების თანახმად, კოვიდ 19-ით დაღუპულთა რაოდენობა ბრაზილიაში 337 000-მდე გაიზარდა.

მედიის ინფორმაციით, ქვეყანაში საავადმყოფოები გადატვირთულია, მკურნალობის რიგში მდგარი ადამიანები იღუპებიან და ჯანდაცვის სისტემა კოლაფსის პირასაა.

ამ ფონზე, ბრაზილიის პრეზიდენტი ჟაირ ბოლსონარუ "ლოქდაუნის" ფარგლებში დაწესებული შეზღუდვების წინააღმდეგ გამოდის და აცხადებს, რომ ეკონომიკური ზარალი ვირუსისგან მიყენებულ ზარალზე უარესი იქნება.

მხარდამჭერებთან გუშინ გამართულ შეხვედრაზე ბოლსონარუმ აღნიშნა, რომ "ლოქდაუნი" სიმსუქნეს, დეპრესიას და უმუშევრობას იწვევს.

ცნობისათვის, ბრაზილიაში, პანდემიის დაწყების დროიდან, კორონავირუსის 13 მილიონზე მეტი შემთხვევაა დადასტურებული. ქვეყანაში მარტში ვირუსს 66 570 ადამიანი ემსხვერპლა, რაც გასულ თვესთან შედარებით ორჯერ მეტია.

"ინტერპრესნიუსი"