აშშ-ში მე-6 კლასელმა გოგონამ თანაკლასელები ცეცხლსასროლი იარაღით დაჭრა
აშშ-ის აიდაჰოს შტატში მე-6 კლასელმა გოგონამ ორი თანაკლასელი და სკოლის თანამშრომელი ცეცხლსასროლი იარაღით დაჭრა.
მედიის ინფორმაციით, შემთხვევა ქალაქ რიგბიში, "რიგბის საშუალო სკოლაში" მოხდა.
პოლიციის მოსვლამდე გოგონას განიარაღება და დაკავება ერთ-ერთმა პედაგოგმა შეძლო. დანაშაულის მოტივი ჯერჯერობით დაუდგენელია.
გავრცელებული ინფორმაციით, დაჭრილების სიცოცხლეს საფრთხე არ ემუქრება.