ინდოეთში COVID-19-ით გარდაცვალების რეკორდული მაჩვენებელი დაფიქსირდა
ინდოეთში COVID-19-სგან სიკვდილიანობა ზედიზედ მეორე დღეა, 4,000-ს აღემატება, რამაც ვირუსის გავრცელების შესაჩერებლად ქვეყნის მასშტაბით ჩაკეტვის მოთხოვნა გაზარდა.
ინდოეთის ჯანდაცვის სამინისტრომ ბოლო 24 საათის განმავლობაში 4 092 ადამიანის დაღუპვის შესახებ გამოაცხადა - ქვეყანაში სულ 242 362 ადამიანია დაღუპული. ახალი შემთხვევების რაოდენობა კი 403 738-ით გაიზარდა, პანდემიის დაწყების შემდეგ ქვეყანაში ინფიცირების შემთხვევათა სრულმა რაოდენობამ კი 22.3 მილიონს მიაღწია.
ინდოეთი COVID-19-ის მეორე ტალღამ მძიმედ დააზარალა, შემთხვევები და სიკვდილიანობა რეკორდულად მაღალ მაჩვენებელს ყოველ მეორე დღეს აღწევს. ბევრ საავადმყოფოში ჟანგბადის და საწოლების უკმარისობის და მორგებისა და კრემატორიუმების გადატვირთვის გამო ექსპერტები აღნიშნავენ, რომ COVID-19-ით ინფიცირებისა და დაღუპვის შემთხვევების რეალური რაოდენობა შეიძლება, ბევრად მაღალი იყოს.
შაბათს ინდოეთში COVID-19-ის მსხვერპლთა რაოდენობა 4,187 იყო.
"ინტერპრესნიუსი"