დაჯგუფება "ჰამასმა“ თელ-ავივის მიმართულებით სარაკეტო შეტევა განახორციელა
დაჯგუფება "ჰამასმა“ თელ-ავივის მიმართულებით სარაკეტო შეტევა განახორციელა. ამის შესახებ ადგილობრივი მედია იწყება.
არსებული ინფორმაციით, დაიღუპა მინიმუმ ერთი ადამიანი.
"ჰამასმა“ განაცხადა, რომ მან 130 რაკეტა გაუშვა თელ-ავივის მიმართულებით.
ხელისუფლების გადაწყვეტილებით, ისრაელის მთავარი, ბენ გურიონის აეროპორტი დაიხურა.
სამშაბათს საღამოს ისრაელში სირენების ხმა ისმოდა, რადგან თელ-ავივში რაკეტების გაშვების საფრთხე არსებობდა.
მანამდე ტერორისტულმა ორგანიზაციამ განაცხადა: ”თუ ისრაელი გააგრძელებს ღაზაში საცხოვრებელი კორპუსების დაბომბვას - შემდეგი იქნება თელ - ავივის მიმართულებით”.
შეგახსენებთ, 10 მაისს, ღაზას სექტორიდან იერუსალიმის მიმართულებით სარაკეტო თავდასხმა განახორციელეს, საპასუხოდ კი ისრაელმა ღაზას სექტორში "ჰამასის“ ობიექტებზე იერიშები დაიწყო.
"ინტერპრესნიუსი"