ანკარა მოსკოვისგან დამატებით S -400-ის ტიპის საჰაერო თავდაცვის სისტემის შეძენას გეგმავს
ანკარა მოსკოვისგან დამატებით S -400-ის ტიპის საჰაერო თავდაცვის სისტემის შეძენას გეგმავს
თურქეთის პრეზიდენტის რეჯეფ თაიფ ერდოღანის განცხადებით, ანკარა მოსკოვისგან დამატებით S -400-ის ტიპის საჰაერო თავდაცვის სისტემის შეძენას გეგმავს. ამის შესახებ მან CBS-სთან ინტერვიუში ისაუბრა.

"მომავალში ვერავინ ჩაერევა იმაში, თუ რა თავდაცვის სისტემას ვიყიდით,რომელი ქვეყნისგან ან რა დონის იქნება ეს სისტემა. მხოლოდ ჩვენ შეგვეძლება მსგავსი გადაწყვეტილებების მიღება. დიახ, ჩვენ ვიყიდით S-400-სს“, - აღნიშნა თურქეთის პრეზიდენტმა რეჯეფ თაიფ ერდოღანმა.

ერდოღანის თქმით, მან აშშ-ს პრეზიდენტთან ისაუბრა F-35 თვითმფრინავების შესყიდვაზე, რაშიც 1.4 მილიარდი დოლარი გადაიხადეს,
თუმცა თვითმფრინავი ჯერაც არ მიუღიათ.

,,ჩვენ გვსურდა მათგან თავდაცვის სისტემა გვეყიდა, თუმცა უარი გვითხრეს. თქვენ არ მომყიდეთ თავდაცვის სისტემა, ასე რომ, სხვა ქვეყნებისგან ვიყიდი მას. მაშინ ვერავინ ჩაერევა“ , - განაცხადა თურქეთის პრეზიდენტმა.

კითხვაზე , შეძლებს თუ არა აშშ ამის შემდეგ თურქეთს ენდოს, ერდოღანმა უპასუხა,
რომ მათ უსაფრთხოებასთან დაკავშირებულ რისკებს ვერავინ გაიზიარებს.

,,როგორ უნდა მივიღოთ აუცილებელი ზომები საფრთხეების თავიდან ასარიდებლად? იმ ქვეყნისგან ველოდოთ თავდაცვის სისტემის მოწოდებას , რომელიც ამაზე უარს გვეუბნება?“, - განაცხადა თურქეთის ლიდერმა.

"ინტერპრესნიუსი"

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები