რუსეთის დუმის სპიკერად ვიაჩესლავ ვოლოდინი აირჩიეს
"რუსეთის სახელმწიფო დუმის სპიკერად ვიაჩესლავ ვოლოდინი აირჩიეს", - ინფორმაციას რუსული მედია ავრცელებს.
მათივე ინფორმაციით, რუსმა დეპუტატებმა შესაბამისი გადაწყვეტილება დღეს, პარლამენტის ქვედა პალატის პირველ სხდომაზე მიიღეს.
ვიაჩესლავ ვოლოდინის კანდიდატურას 360-მა დეპუტატმა დაუჭირა მხარი, "კომუნისტური პარტიის" მიერ წაყენებულ დმიტრი ნოვიკოვის კანდიდატურას კი - 61-მა.
ვოლოდინს სახელმწიფო სათათბიროს სპიკერის თანამდებობდა 2016 წლის ოქტომბრიდან უკავია.