"რუსეთი ევროპის წინააღმდეგ გაზს პოლიტიკურ იარაღად არ იყენებს"
"რუსეთი ევროპის წინააღმდეგ გაზს პოლიტიკურ იარაღად არ იყენებს", - ამის შესახებ რუსეთის პრეზიდენტმა ვლადიმერ პუტინმა განაცხადა.
მისი თქმით, ბრალდებები რუსეთის წინააღმდეგ პოლიტიკურად მოტივირებულია და სიმართლეს არ წარმოადგენს.
ვლადიმერ პუტინმა ასევე აღნიშნა, რომ ევროპაში გაზის ფასის მკვეთრი ზრდა რესურსის ჭარბმა მოხმარებამ გამოწვია და კრიზისის თავიდან ასაცილებლად ევროპის ქვეყნებს მარაგების შესავსებად მეტი ბუნებრივი რესურსი უნდა შეესყიდათ.
BBC წერს, რომ მიმდინარე წლის იანვრიდან ევროპაში გაზის ფასი 250%-ით გაიზარდა. მედიის ცნობით, ფასის რეკორდული ზრდა პანდემიის ფონზე ბუნებრივი გაზის ჭარბ მოხმარებასთანაა დაკავშირებული.