საცობი
საცობი
"სამინისტროები ცდილობენ გაუმკლავდნენ საცობთან დაკავშრებულ პრობლემას, თუმცა ამასთანავე უმჯობესი იქნებოდა ფეხით მოსიარულეთა პრობლემებიც გაეთვალისწინებინათ."

"ადამიანებს რომელთაც არ ჰქონდათ გადახდილი მგზავრობის საფასური და შესაბამისად დაჯარიმდნენ, გარკვეულ მიზეზთა გამო მოეხსნათ აღნიშნული ჯარიმები."

საცობებთან დაკავშირებული საკითხები საკმაოდ ახალია საქართველოსათვის. სწორედ ამიტომ, ბუნებრივია, რომ არც საზოგადოებას და არც მთავრობას არ აქვს ზუსტი გეგმა აღნიშნული პრობლემის მოგვარებისა. საქართველოს და საბჭოთა რეალობაში არსებული საცობების ისტორია, რადიკალურად განსხვავდება გასული წლების ამერიკაში არსებული საცობთა ისტორიისაგან. სულ რაღაც 25
წლის წინ ავტომობილები განკუთვნილი იყო მხოლოდ თანამდებობაზე დანიშნული პირებისათვის და ასევე მათთვის, ვისაც შეეძლო გაწვდომოდა ტრანსპორტთან დაკავშრებულ მაღალ ხარჯებს.

დაახლოებით 20 წლის წინ კი, არათუ საცობები, არამედ ქართული საზოგადოებისათვის მანქანათა გატაცება წარმოადგენდა დიდად პრობლემურ საკითხს. 10 წლის წინ მანქანების რაოდენობა დიდი იყო, თუმცა აღნიშნული მატება
ვერ აისახებოდა პირდაპირპროპორციულად ქართულ ეკონომიკაზე. ბოლო წლების განმავლობაში კი, მანქანის შესყიდვის რიცხვის თვალსაზრისით, ნამდვილი ბუმი იყო. მაშინდელ ხელისუფლებას, ევროპული სახელმწიფოებისაგან განსხვავებით მიაჩნდა, რომ რაც უფრო მეტი მანქანა ეყოლებოდა მოსახლეობას, მეტად განვითარებულად აღიქმებოდა. რამდენიმე წლის განმავლობაში საქართველოსათვის ექსპორტირებული მანქანების რაოდენობა მნიშვნელოვნად აღემატებოდა სომხეთიდან თუ აზერბაიჯანიდან ექსპორტირებული ავტომობილების რაოდენობას.

მიუხედავად სხვადასხვა რეფორმებისა, წესების თუ აკრძალვების შემოღებისა ძველი ჩვევების დავიწყება ქართველებისათვის საკმაოდ რთული პროცესია. ევროპელ თუ ამერიკელ ტურისტებს უკვირთ თუ რატომ არ შეიძლება პარკირება მხოლოდ გარკვეულ მონაკვეთებზე, მაგალითისათვის ვერადან თავისუფლების მოედნამდე. ამ საკითხთან მიმართებით, მნიშვნელოვანია, ხაზი გაესვას იმ განსხვავებას, რაც არსებობს საზოგადოებაში გარკვეული პრივილეგიების მინიჭებასთან დაკავშირებით.
მაგალითისათვის, როდესაც ავტომობილის მძღოლი გადაკეტავს საგზაო ზოლს, პატრული მზადაა მიიღოს ოპერატიული გადაწღვეტილება და აღკვეთოს ნებისმიერი წინააღმდეგობა გზის სავალ ნაწილზე. თუმცა იგივე მექანიზმები, რატომღაც არ გამოიყენება მაშინ, როდესაც ავტომობილი ქვეითთა სასიარულო მონაკვეთზე ახდენს აკრძალულ პარკირებას. ამ ყოველივეს ნათლად აღსაქმელად წარმოვიდგინოთ გალაკტიონ ტაბიძის ქუჩა, რომელიც მუდამ გადაჭედილია სხვადასხვა მარკის ავტომობილებით. ამასთანავე, გასათვალისწინებელია პროპორცია, რომლის მიხედვითაც ხუთი ადამიანიდან ოთხი ქვეითად მოსიარულეა, ან იყენებს საზოგადოებრივ ტრანსპორტს, შესაბამისად ამგვარი უყურადღებობა არც სამართლიანია და არც კანონის ფარგლებში ჯდება. კარგია, რომ სამინისტროები ცდილობენ გაუმკლავდნენ საცობთან დაკავშრებულ პრობლემას, თუმცა ამასთანავე უმჯობესი იქნებოდა ფეხით მოსიარულეთა პრობლემებიც გაეთვალისწინებინათ.

ევროპისა და ამერიკის უმეტეს ქალაქში არსებობს ერთგვარი კონსენსუსი და პრაქტიკა საცობის საკითხთან მიმართებით. პრობლემის აღმოსაფხვრელად, მეტი ფეხით მოსიარულეთათვის განკუთვნილი ტერიტორიის გაფართოება და სასიარულო გზების უსაფრთხოებაა საჭირო. ასევე, მანქანებსა და საწვავზე გადასახადების მატება. სკანდივანვიის ქვეყნებში მანქანებზე დაწესებული ფასი გაორმაგებულია. საქართველოში, როგორც ქვეყანაში, სადაც ნავთობი არ მოიპოვება, საწვავი ძალიან იაფი და დაბალი ხარისხისაა. საქართველოში ბეზინსა თუ დიზელს ფართოდ მოიხმარენ და ორივე მათგანი ძალიან საზიანოა როგორც გარემოსთვის, ასევე ჯანმრთელობისთის. აუცილებელია მათი ხარისხის გაუმჯობესება და მაღალი გადასახადის დაწესება. უნდა გაიზარდოს პარკირების ფასებიც. ლონდონის შემთხვევაში, მძღოლებმა უნდა გადაიხადონ 20 დოლარი ყოველ ჯერზე, როდესაც ისინი ქალაქში შედიან, აღნიშნულმა ცვლილებამ დიდად შეუწყო ხელი ლონდონში საცობთან დაკავშირებული პრობლემის მოგვარებას.

ნებისმიერი გადასახადის დაწესება უნდა იყოს მიმართული საზოგადოებრივი ტრანსპორტის, ტროტუარებისა და ველოსიპედით მოსიარულეთა ტრასების გაუმჯობესების ხელშეწყობისაკენ. მთავრობის საბოლოო ინიციატივით ადამიანებს რომელთაც არ ჰქონდათ გადახდილი მგზავრობის საფასური და შესაბამისად დაჯარიმდნენ, გარკვეულ მიზეზთა გამო მოეხსნათ აღნიშნული ჯარიმები. მსგავსი ტიპის წახალისებები ყოველთვის ცუდ ზეგავლენას იქონიებს საზოგადოებაზე და შესაბამისად ბიზნეს სექტორზეც.

მაშინ როდესაც მთელი მსოფლიო ცდილობს აირიდოს ჭარბი ავტომობილების რაოდენობა თავიდან და ეს წარმოადგენს მის პრიორიტეტს, ალბათ უმჯობესი იქნებოდა მთავრობას კიდევ ერთხელ და ყურადღებით გადაეხედა ამ პრობლემისათვის ძირითადი საკითხი არა მხოლოდ ტრანსპორტის და კერძოდ საცობების მოგვარებაა არამედ ის მიზანი, რომ სხვადასხვა სატრანსპორტო საშუალებათა ჰარმონიული რეგულირება აუცილებლად აისახება ქალაქის იერსახის გაუმჯობესებასა და დახვეწაზე.
იხილეთ ინგლისურიენოვანი ვერსია : "Traffic"
მარკ მალენი
მკითხველის კომენტარი (11)
gela
17 თებერვალი 2015 11:20
მართალია ეს ადამიანი!

თბილისში მანქანით გადაადგილების 70% სავსებით შესაძლებელია სწორი რეგულირებით თავიდან ავიცილოთ! მაგალითისათვის, უამრავ სტუდენტს მშობლების ნაყიდი მანქანები მხოლოდ მარიაჟობისთვის სჭირდება. კორპუსების წინ ტერიტორია გადაჭედილია, ლექციებზე მაინც შედიოდნენ!
და ეს არამარტო სტუდენტებს ეხება! უაზრო ქართული ამპარტავნობა ქმნის მეტწილად ამ პრობლემას!
აუცილებელია მოხდეს მძღოლების რანჟირება, დაუწესდეთ გარკვეული შეზღუდვები, შესაძლებელია ასეც ითქვას - გაიცეს ნებართვები ტრაფიკის რაოდენობაზე საჭიროებისდა მიხედვით!მაგალითად, რა აუცილებელია მერიის თანამშრომლებს იმდენი ბენზინი მიეცეს, მთელი დღე მოგზაურობას რომ დასჭირდებოდა?!!

მერე, ბოლო ხანებში გახშირდა მძღოლების მიერ საგზაო წესების უხეში დარღვევები, რაც ხიფათის ზრდასთან ერთად მოძრაობასაც აფერხებს. ამას წინათ ტელევიზიით ისიც კი აჩვენეს, რომ გაჩენილა ექსტრიმის ახალი სახეობა - საწინააღმდეგო მიმართულებით მოძრაობა! პოტენციური მკვლელების/თვითმკვლელების მორჯულებას ძალიან მკაცრი სანქციები თუ უშველის!

ალექს
16 თებერვალი 2015 18:36
სტაიანშიკების კრიშა ახლა ვინაა ?
maxo
04 თებერვალი 2015 16:47
5 მანქანაში 6 ტაქსია და აბა რა იქნება.
გია
04 თებერვალი 2015 15:56
მხოლოდ ფულადი სანქციები გამოსავალი არ არის, ჩემი აზრით ამ მდგომარეობას გამოასწორებს:
1. საპატრულო პოლიციის მკვეთრი გააქტიურება, დარღვევები უნდა დააფიქსირონ როგორც კამერებით ასევე საპატრულო ეკიპაჟების მეშვეობით.
2.დროებით, სხვადასხვა ვადით, დარღვევების სიმძიმის მიხედვით, შეუჩერონ მართვის უფლება მძღოლებს.
ეს მოაწესრიგებს მოძრაობას და შეამცირებს (მართვის უფლებაშეჩერებული მძღოლების ხარჯზე) ქუჩებში ავტომანქანების რაოდენობას.

P.S.ადმინისტრაციას. 4 დღის წინ მოგწერეთ ეს და არ დადეთ. ეტყობა ტექნიკური ხარვეზი იყო
13
04 თებერვალი 2015 14:07
საცობების მიზეზები:
1.მთელი საქართველო თბილისშია(გახსენდებათ საცობი ქუთაისში,გორში ან თუნდაც თელავში?იმიტომ რომ ყველა თბილისშია!
mixo
03 თებერვალი 2015 14:56
ვერ გავიგე მთავრობა რატო არ იღებს სავალდებულო ტექნიკურ შემოწმებას და კიდე 3 წლით დებს
Temo
03 თებერვალი 2015 10:07
თუ რეგიონებს არ მოევლება ისეთი დრო მოვა მანქანით კი არა ფეხით ვეღარ გაივლით თბილისში. ყველა თბილისში გარბის სხვა პერსპექტივა რომ არ აქვთ დარჩენილი. საჭირორა ელემენტარული შეღავათები რეგიონში მცხოვრებთათვის, მაგალითად საგადასახადო შეღავათები მეწარმეებისათვის. ან დაბალი საშემოსავლო გადასახადი.
გიორგი
03 თებერვალი 2015 01:56
ჯერ ის გაარკვია გაერთიანებულ სამეფოში რა ფულის ერთეულია, მეორეც 3 კვირაა ამ კუნძულზე ვიმყოფები და 1,5 სთ-ია საჭირო რომ დედაქალქში შეხვიდე და იმდენივე რომ გამოხვიდე. ასე რომ რაც თავში მოგივათ აზრად ჯერ გადაამოწმეთ მაინც. აქ რომ საცობებია მასეთი თბილისში არ მენახოს არასდროს ))))
kakadu
02 თებერვალი 2015 21:14
მე მაგალითად კარგი ხელფასი მაქვს და მთელი სამეგობრო მეჩიჩინება მანქანა ვიყიდო მარა არ ვყიდულობ სწორედ მაგ პრობლემის გამო. გამოსავალი არის ის რომ დარეგულირდეს ტაქსების მოძრაობა ქალაქში, ყველა მეორე ტაქსაობს. უნდა შეიქმნას რამდენიმე ნორმალური კომპანია რომელთა გარდაც ქალაქში ტაქსმა არ უნდა იმოძრაოს. უნდა დარეგულირდეს შუქნიშნები. ქალაქში რამდენიმე ისეთ ადგილას არის შუქნიშანი რომ ძალაუნებურად იქმნება საცობი.
ქეთი
02 თებერვალი 2015 17:39
ლონდონს აქვს შემოვლითი გზა, თბილისის გვერდის აუვლელად როგორ გავა ადამიანი კახეთში ან თბილისის მიმდებარე დასახლებებში? იქნებ შემოვლით გზებზე გეზრუნათ ჯერ.

როგორ აფასებთ საკანონმდებლო ინიციატივას, რომელიც ნებადართულს ხდის საქართველოში მარიხუანას წარმოებას ექსპორტზე გატანის მიზნით (ფარმაცევტული და კოსმეტიკური საშუალებებისათვის)?
თქვენი აზრი მნიშვნელოვანია!
როგორ აფასებთ საკანონმდებლო ინიციატივას, რომელიც ნებადართულს ხდის საქართველოში მარიხუანას წარმოებას ექსპორტზე გატანის მიზნით (ფარმაცევტული და კოსმეტიკური საშუალებებისათვის)?
დღის კითხვადი სტატიები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები