მათ დასცინეს ჩვენს ქვეყანას - ქართველი ემიგრანტები იტალიური RAI2-სგან ბოდიშის მოხდას ითხოვენ
მათ დასცინეს ჩვენს ქვეყანას - ქართველი ემიგრანტები იტალიური RAI2-სგან ბოდიშის მოხდას ითხოვენ
ქართველი ემიგრანტები იტალიაში ტელეკომპანია RAI2-სგან ბოდიშის მოხდას ითხოვენ. ძალიან მინდა ობიექტურობა დავიცვა როგორც ჟურნალისტმა, მაგრამ როგორც რიგით ქართველსა და რიგით ემიგრანტს, გამიჭირდება არ ვიყო სუბიექტური.

ინფორმაციისთვის: 25 იანვარს, იტალიის სახელმწიფო რადიო-ტელევიზიის მე-2 არხის საღამოს ეთერში გავიდა გადაცემა "Le spose di Costantino", კოსტანტინო დელა გერარდესკასა და ელეონორა ჯორჯის მონაწილეობით. გადაცემის ფორმატი იუმორისტულია, კოსტანტინო ქორწინდება ელეონორაზე, მიჰყავს საქართველოში და იქ რამდენიმე დღე, სამი რიგითი ქართველი წყვილის ყოველდღიურობით ცხოვრობენ. საბოლოოდ კი, აუტანელი ყოფისგან
და კოსტანტინოსგან გატანჯული ელეონორა, ქმარს ტოვებს და გარბის.

თითქოს ამ ყველაფერში საგანგაშო არაფერია, მაგრამ გადაცემის პირველივე კადრებიდან ნათელი ხდება, რომ წამყვანებსა
და ავტორებს ან იუმორისა და ირონიის ერთმანეთისგან გარჩევის დიდი პრობლემა აქვთ, ან ყველაფერი საქართველოს წინააღმდეგ მიზანიმართული ანტიპიარია, რის გამოც, ჩვენი ლამაზი საქართველო, უძველესი კულტურითა და განთქმული სტუმარ-მასპინძლობით, ერთ დიდ განუვითარებელ პროვინციად წარმოაჩინეს.

წარმოუდგენლად შეურაცხმყოფელი რეპლიკებისა და ყველაფრის იუმორისტულ კონტექტსში გატარების მცდელობის ფონზე, დაკნინდა ქართული ღვინის დაყენების ათასწლოვანი კულტურა, ქართული ოჯახი, ქართული სოფელი და სტუმართმოყვარეობა. გამოჩნდა წამყვანებისა და ავტორების მხრიდან ქართული ისტორიისა და მუსიკის უპატივცემულობა და უცოდინრობა, როდესაც სტალინის პერსონის გაიდეალიზება სცადეს. რაც შეეხება მუსიკას, გადაცემას ლაიტმოტივად გასდევდა გაურკვეველი წარმოშობის "ჰანგები", რომელიც აზერბაიჯანულ, თურქულ და სერბულ მელოდიებს მოგაგონებდათ და ეს ხდებოდა პოლიფონიური მუსიკის სამოთხეში, "ჩაკრულოს" სამშობლოში.

და სხვა მრავალი...

ვიღაცას შეიძლება გასცინებოდა კიდეც, ვიღაც იტყოდა, რომ ერთი მდარე ხარისხის იუმორისტული გადაცემაა, რომელსაც ყურადღება არ უნდა მივაქციოთ, ვიღაც იმ ქართველებს დასცინებდა, ვინც ეს ყველაფერი გულთან ახლოს მიიტანა და იტყოდა რომ არაფერი ისეთიც არ მოხდა, მაგრამ მოხდა ჩემო კარგებო.

გეტყვით, თუ რატომ არის ეს გადაცემა ქართველი ემიგრანტებისა და საქართველოს წინაშე დანაშაული:

ბევრი იტალიელი, თითქმის და ხშირად საერთოდ არ იცნობს საქართველოს და ვიღაცას ჩვენი სამშობლოს შესახებ წარმოდგენა, შეიძლება სწორედ ამ ერთი გადაცემით შეექმნას. აქედან გამომდინარე, მე რომ იტალიელი ვიყო და შვებულებას ვგეგმავდე, არავითარ შემთხვევაში არ მომინდებოდა ნანატრი შვებულების ამ უბედურ ქვეყანაში გატარება, გვერდზე გადაწოლილი საპირფარეშოებით, ტალახიანი ორღობეებით და სოკოთი დაავადებული ადამიანებით. ვფიქრობ, ამ გადაცემის შემდეგ, საქართველომ ბევრი პოტენციური ტურისტი დაკარგა.

უამრავი ქართველი ემიგრანტი, უმაღლესი განათლებითა და კულტურით, იმ მოხუცების მომვლელებად მუშაობენ, რომელთაც დაწყებითი სკოლაც არ აქვთ გავლილი. ხომ წარმოგიდგენიათ რამხელა ძალისხმევა სჭირდება ადამიანს, მათთვის იმის ასახსნელად თუ ვინ არის და რას წარმოადგენს.

ქართველ ქალებს, ყოველდღიურად უწევთ თავის დამკვიდრებისათვის ბრძოლა და იტალიელებისათვის იმის დემონსტრირება, რომ საქართველო ბანანის რესპუბლიკა არ არის. აღნიშნული გადაცემით კი, სწორედ ასეთი შთაბეჭდილება დავტოვეთ. მერწმუნეთ, ყოველივე ეს, უფრო გაართულებს ქართველი ემიგრანტების ყოფას იტალიაში და მათ უფრო მეტი დამცირების ატანა მოუწევთ.

ალბათ, ბევრი ახსნა არ სჭირდება იმას, რომ ძროხები და ძველი სატვირთო მანქანები იტალიაშიც ჰყავთ, მაგრამ, როდესაც იტალიაზე დაკომენტური თუ იუმორისტული გადაცემები მზადდება, აქცენტები რატომღაც იტალიურ არქიტექტურაზე, მხატვრობაზე, სამზარეულოზე, ულამაზეს ბუნებასა და ენაზე კეთდება. აქედან გამომდინარეც გაუგებარია, რატომ გახდა საჭირო ჩვენი ქვეყნის ასე აბუჩად აგდება და გაშარჟება.

იტალიელი თუ ქართველი ორგანიზატორები, უნდა გამოვიდნენ და პასუხი გასცენ თითოეულ იმ ემიგრანტს, რომელსაც ამ საღამოს დამსაქმებელი ზემოდან გადმოხედავს და ეტყვის, რომ თურმე რა წუმპედან ამომძვრალა, სამოთხეში მოხვედრილა...


ნინა მამუკაძე
სპეციალურად იტალიიდან
მკითხველის კომენტარი (76)
gio
25 ოქტომბერი 2018 13:30
she dalozvilo tayad gaiqezi aqedan da exla italielse fizxob iman raz dainaxa dges ic tqva ,
ლორა
03 თებერვალი 2018 10:32
საქართველო უნდა მოაწონო სხვა ქვეყნის მოქალაქეს და გადააღებინო შენი დიდი კულტურა ისტორიული ძეგლები რა საჭირო იყო ეს უვიცობა? ზოგს ქართველს კი საუბედუროდ თავისი ქვეყნის დაკნინება უფრო აინტერესებს ვიდრე წარდგენა.მეც 25 წელია ევროპაში ვცხოვრობ ვარ ბევრ ქვეყანაში ნამყოფი ტურისტული მოგზაურობით მათ შორის იტალიაშიც ორჯერ.. ვენეციაში ისე ყარს ზღვა ისეთი სიბინძურეა ღონდულებზე რომ ადიხარ სუნთქვა გიჭირს ისეთი მძიმე სუნია..ყველაფერს არ ჩამოვწერ სად რა სიბინძურეა მაგრამ ჩვენში ის დიდი კულტურა იყო ქალი მეფობდა და და მამაკაცი და ქალი ერთ საფეხურზე იდგა.არც კოცონზე არ წვავდნენ დამნაშავეს და ბევრი ნაკლოვანება რაც გააჩნდათ ბევრ ერს აქ არ ჩამოვწერ..გიყვარდეთ საქართველო ქართველებო და შეეშვით იმ ბრიყვულ იუმორს რასაც ვეღაცა უტვინო შემოგთავაზებთ!როცა შენს მეობას არ აფასებ სხვა გადაგივლის და მოგაფურთხებს.
ანდრი
01 თებერვალი 2018 12:23
თანამედროვე თბილისის თვალწარმტაცი არქიტექტურა არ მოეწონათ?! ნწ, ნწ, ნწ. ბანანის რესპუბლიკად ვაქციეთ სწორედ საკუთარი ქვეყანა. აუარელ ჭუჭყში და სიბრიყვეში ვახრჩობთ. თბილისი მოწამლული ჰაერის მაგალითია უკვე ევროპაში. კი იციან ევროპელებმა გადაჭარბებული და ძალით მოთრეული "იუმორი". მაგრამ ჩვენ ეგ არ გვამართლებს. ტურისტის მოსაწონად არ უნდა გიყვარდეს შენი სახლი.
Eto
01 თებერვალი 2018 00:47
Tqven warmoidginet sakmaod nasiamovnebi da kmayofilni darchnen chemi nacnobi italielebi. Isic kargad esmit rom yvela saxelmwifoshi aris Rogorc soflebi aseve qalaqebi...:-) da isic rom arian sxvadasxva mimdinareobis da orientaciis adamianebi. Piradad chems irgvliv yvelam gamotqva saqartvelos naxvis survili... ase rom karg mtqmels kargi gamgoni unda....:-))))
nana
31 იანვარი 2018 20:20
ვისტან იყვნენ სტუმრად ვინ იყო ის გაუნატლებელი რომ ეს ხალხჰი ასეტ ადგილებსჰი ატარა
მცხეტას აუარა გვერდი გერგეტეს აუარა გვერდი ტუნდაც ბატუმს სად ყავდა ასეტი არაფერი მინახია....
ოთო
31 იანვარი 2018 15:08
ავოტო,ალბათ საქართველოში დიდი ხანია არ ყოფილხარ ან საერთოდ არ ხარ ნამყოფი.ამ ვიდეოში რეალობაა ასახული,არაფერი სარჟი, იუმორი თუ რაგაც ეგეთი.ჩამო რა ციდან, რა ხელის მოწერები და რა სისულელეებს იტხოვთ,მაგას ჯობია ჩამოხვიდეთ ჩვენს უპატრონო ქვეყანაში და ერთად დავაყენოთ ფეხზე და მოვუაროთ ''ვით ობოლ შვილს''.ხო მართლა ვიდეოს ყურებისას გულის ფანცქალით ველოდი,თბილისის,ქუთაისის,თუნდაც ნებისმიერი ქალაქის ავტოსადგურის გამოჩენას კადრში,თუმცა მადლობა ღმერთს, ეს გამორჩენია რეჯისორს.
მამუკა
31 იანვარი 2018 13:57
თავიანთ უზნეო წესებს მიხედონ - ნათესავები ცოლად რომ მოყავთ და ქართველებზე გაუნათლებლები რომ არიან ეხლა !
ლუკატონი
30 იანვარი 2018 16:48
nika-ს. სადგურის ქუჩიდან დაიწყე, გამოდი კოლმეურნეობის მოედანზე, გაუყევი ისნისკენ და იმდენ მათხოვარს (მათ შორის პროფესიონალ მათხოვარს -1 ლარი დამიმატე ქამალზე მაკლია, მგზავრობაზე მაკლია და ა.ს.), ბომჟს, ლოთს და უსახლკაროს ნახავ თბილისში, რომ თმები ყლაყზე დაგიდგება. რაც შეეხება იტალიას, 100%-ით ვარ დარწმუნებული, არც კი ხარ იქ ნამყოფი. წინაამღდეგ შემთხვევაში, ასეთ კომენტარს არ გააკეთედი. რომ გეთქვა ქურდ-ბაცაცებია ბევრიო (განსაკუთრებით ზღვისპირა ქალაქებში), კი ბატონო, მაგრამ მათხოვრები და ბომჟები რომ ფაქტიურად არაა იტალიაში (თუ არის, ისიც შენსავით ჩასულები) საქართველოსაგან განსხვავებით, ეს ცალსახაა. ცნობისათვის, იტალია არის მუზეუმი ღია ცის ქვეშ. ეს კი ჩემი სიტყვები არაა, ეს ერთმა უდიდესმა მეცნიერმა თქვა.
სიდონია
30 იანვარი 2018 10:32
არაფერი საგანგაშო ამ გადაცემაში მე ვერ ვნახე. საგაგნაშო მაშინ იქნებოდა თუ ამ ფილმში, ჩართული იქნებოდა დიდი ტრადიციების მქონე ის ქართული ოჯახი, რომელმაც თავისი 8 შვილი შაკეტა სახლში და გარესამყაროსთან კავშირი აუკრძალა. ასეთი რამ როცა ქვეყანაში ხდება, ის არა მარტო დაცინვის, არამედ გაკიცხვის და გარიყვის ღირსია. ემიგრანტებს კი ურჩევდი, თუ ასე მიუღებელია თქვენთვის იტალიაში ცხოვრება, დაბრუნდით სამშობლოში და "უსწავლელი" იტალიელი მოხუცის "მოვლის" ნაცვლად, იშრომეთ თქვენს ქვეყანაში (თუნდაც დაკავდით ძროხების წველით) და დაეხმარეთ მას დოვლათის შექმნაში.
nick
30 იანვარი 2018 10:21
თუ მიგაჩნიათ, რომ ბოდიში უნდა მოიხადოს იტალიურმა ტელევიზიამ, მაშინ დავეხმაროთ ემიგრანტებს და მოაწერეთ ხელი პეტიციას
https://www.change.org/p/http-www-rai-it-rai2-georgian-immigrants-demand-an-apology-from-italian-rai2

აპირებთ თუ არა არჩევნების მეორე ტურში მონაწილეობის მიღებას?
თქვენი აზრი მნიშვნელოვანია!..
აპირებთ თუ არა არჩევნების მეორე ტურში მონაწილეობის მიღებას?
თვის კითხვადი სტატიები