საინტერესო ისტორიული ფაქტები - კვირის პალიტრა

საინტერესო ისტორიული ფაქტები

1. იაპონური ჭიდაობა სუმოს გამარჯვებულს არა აქვს უფლება, წარბის შერხევითაც კი გამოხატოს სიხარული.

2. ლონდონის ქუჩებზე მდებარე სახლებს, მე-18 საუკუნემდე ნომრების მაგივრად სხვადასხვა ცხოველს ან ფრინველს ახატავდნენ.

3. შუა საუკუნეებში, ჩინეთში ჩასულ უცხოელს ადგილობრივი ოსტატები შესაშური სიზუსტით ხატავდნენ სრულიად უფასოდ. ამისთვის ხელისუფლება იხდიდა ფულს იმ მიზნით, რომ საჭიროების შემთხვევაში ადვილად ეპოვათ "სტუმარი".

4. თურქეთში გვარები პირველად 1935 წელს შემოიღეს. პირველი გვარი მეჯლისის სპეციალური გადაწყვეტილებით მაშინდელ პრეზიდენტს, ქემალ ათათურქს მიენიჭა.

5. საფრანგეთის მეფემ - ჰენრიხ VIII -მ ყალბი მონეტებით სახელმწიფო კრიზისს სძლია, რომელიც მას შოტლანდიასთან ომით შეექმნა. სპილენძის მონეტები ვერცხლით დაფარეს, მაგრამ ისინი სწრაფად გაცვდა, ყველაზე პირველად კი ჰენრიხის გამოსახულების ცხვირზე, რომელიც ამოკვეთილი იყო მონეტაზე. ამიტომ ჰენრიხ VIII -ს სპილენძისცხვირა შეარქვეს.

6. 1611 წელს, საფრანგეთის მეფის, ლუდოვიკო მეთერთმეტის ყოფილმა მდივანმა დაიწყო წიგნის გამოცემა. ტომები მეფის კარის ზნეობის შესახებ ზედიზედ გამოიცემოდა. სწორედ ამ წიგნმა დაუდო სათავე ჟურნალ-გაზეთების არაოფიციალურ ჟანრს, რომელსაც "სკანდალური ქრონიკა" ჰქვია.

7. ქოლგა ჩინური წარმოშობისაა. ჩინელი იმპერატორები არც მეტი, არც ნაკლები... ოთხსართულიან ქოლგებს ატარებდნენ; იაპონიის იმპერატორი - წითელ ფერს ანიჭებდა უპირატესობას; დაგომეის (ახლანდელი ბენინის) მეფეს - 84 ადამიანის ყბით და ერთი თავის ქალით შემკობილი ქოლგა "ამკობდა"; მეტიც, ინდოეთის პრინცებს ქოლგებს საფლავში ატანდნენ; ქოლგა ვატერლოოს ბრძოლისას ინგლისელ კავალერისტთა აღჭურვილობაშიც შედიოდა... ქოლგა რობინზონ კრუზოსაც კი ჰქონია.

8. 1931 წელს, ბოლონიაში ბრბომ სასტიკად სცემა დირიჟორ არტურო ტოსკანინის და მის ცოლს. მიზეზი კი ის იყო, რომ მუსიკოსმა უარი თქვა ედირიჟორა ფაშისტური ჰიმნისთვის.

9. 1951 წელს ავტოკატასტროფაში დაიღუპა ეტიენ ბალსანი, ფრანგი ოფიცერი, ფრანგული მოდის დამკანონებლის, მადმუაზელ კოკო შანელის საყვარელი. ისინი ოფიციალურად არ იყვნენ დაქორწინებულები და შანელს ძაძის ტარების უფლება არ ჰქონდა, მაგრამ მან საუკეთესო საშუალებას მიაგნო, რათა უკანასკნელი პატივი მიეგო საყვარელი ადამიანისთვის. ამისათვის კოკო შანელმა მოდაში შემოიტანა შავი ფერი.

ტიტე კოპალეიშვილმა