"სიკეთეს საზომი არა აქვს"
27-07-2015
"სიკეთეს საზომი არა აქვს"
ქართველი მკურნალის გერმანელმა პაციენტებმა 13 ივნისის სტიქიით დაზარალებულთათვის ფული შეაგროვეს

რამდენიმე დღის წინ, "კვირის პალიტ­რის" რედაქციას გერმ­­ანიაში ცნობილი ქარ­თველი მკუ­რნალი­, ბიო­ენერგოთერაპევტი­ მაგული გორდელაძე­ დაუკავში­რდა. გვით­ხრა, რომ მისმა პაციენტებმა­ ვერეს ხეობაში სტიქიით დაზარ­ალე­ბულთა დასახმარებლად თანხა შეაგრ­ოვეს და სურთ, ოთხ ოჯახს თანაბრად გადაეცეს­.

"იმის გამო, რომ სამშობლოში 18 წელია არ ვყოფილვარ და საქართველოს ამბებს, ძირითადად, "კვირის პალიტრის" მეშვეობით ვიგებ, ვიფიქრე, რომ თქვენ დამეხმარებოდით ამ თანხის ადრესატებამდე მიტანაში. იქნებ შეარჩიოთ ოთხი ოჯახი და
ჩვენ მაგივრად გაამხნევოთ", - გვთხოვა ქალბატონმა მაგულიმ, რომელსაც სურდა ამ ამბავს გაუხმაურებლად ჩაევლო. თუმცა,­ მისი გერმანელი პაციენტების მიერ გამოგზავნილ დახმარებას ემოციები მოჰყვა...
გამოგიტყდებით, დავალება­ არ­ცთუ იოლი შესასრულებელი აღმოჩნდა. დაზარალებულთა სია საკმაოდ გრძელია და ყველას ძალიან უჭირს. თუმცა, აღმოჩნდა, რომ მათ შორის არიან სოციალუ­რად დაუცველებიც, ის
ხალხი, ვისაც­ სტიქიამდეც ძალიან უჭირდა, წყალმოვარდნის შედეგად კი, რაც გააჩნდათ, ისიც დაკარგეს. ამასთან, სამსახურები არა აქვთ და მცირეწლოვანი შვილების აღსაზრდელად იძულებული არიან, სახელმწიფოს შემწეობა იკმარონ.
სოციალურად დაუცველთა და ამავე დროს სტიქიით დაზარალებულთა ნუსხაში პირველად­ თვალში ჯიბუტების ოჯახი მომხვდა. დაბადების თარიღების მიხედვით­ იკითხებოდა, რომ ოჯახში ბავშვე­ბიც იყვნენ. როდესაც მათ დავუკავშირდი, არც მიფიქრია, რომ სტიქიის დროს ტრაგიკულად დაღუპული ივლიტა ჯიბუტის ოჯახში მოვხვდებოდი.

ტელეფონზე ივლიტას მამა, რაჟდენ ჯიბუტი, სასულიერო პირი, მამა გიორგი დამელაპარაკა: "სულ მინდა განსაკუთრებული მადლობა­ ვუთხრა მათ, ვინც თანადგომის, ადამიანობის საოცარი მაგალითი­ გვაჩვენა.
ჩემი შვილის დაღუპვის ამბავი გავრცელდა თუ არა, უამ­რავი ახალგაზრდა მოვიდა, შიშვ­ე­ლი ხელებით ეძებდნენ ჩემს გოგონას. ამასთან, ბევრი კერძო პირი და ორგანიზაცია დაგვეხმ­არა. მად­ლ­ობა ქალბატონ მაგულ­ის და გერმანელებს, ადამიანებს,­ რომლებიც­ არ გვიცნობენ და ისე მიიტანეს ჩვენი­ განსაცდელი გულთან.
ჩვენ არ ვითვლით, ვინ რას გვაძლევს, რამდენის გაღება შეუძ­ლ­ია, რადგან სიკეთეს საზომი­ არა აქვს".
მამუკა მამულაშვილისა და ნინო ბად­რიაშვილის სოციალურად­ და­უ­ც­ველი ოჯახი ახლა თამა­რაშვი­ლის ქუჩაზე, მერი­ის ხარჯ­ებით დაქირავებულ ბინაში ცხო­ვრობს.­

"იმ ღამეს სიკვდილს ჩავხედეთ­ თვალებში,­ მაგრამ სასწაულმა­ გვი­ხსნა. ჭიშკარი რომ გავაღეთ, წყალმა იხუვლა და შემოვარდა. სიბნელეში ვერც ვხედავდით, ეზოს გარ­ეთ­ რა ხდებოდა. ერთადერთი სახლი გვქონდა და ისიც წყალმა­ გააოხრა. აღარაფერი ვარგა.­ სახელმწიფოც ჯერ მხოლოდ ბინის ქირით და საკვებით გვეხმარება. ტრანსპორტის ფულიც კი არა გვაქვს. უმძიმეს დღეში ვართ", -“წუხდა ნინო. როდესაც ვუთხარი, გერმანიიდან გამოგზავნილი თანხა უნდა გადმოგცეთ-მეთქი, ცრემლები წასკდა, ბავშვებს რომ ემართებათ საახალწლო საჩუქარზე, ისეთი სიხარული მომგვარა ამ კეთილი გულით ნაწყალობევმაო...

კახა შაყულაშვილისა და ლია ქალიაშვილის 7-სულიანი ოჯახიც სოციალურად დაუცველთა ნუსხაშია, თუმცა, ლიამ მით­ხრა, რომ რამდენიმე თვეა დახმარება­ გაუ­რ­­კვეველი მიზეზით მოუხსნეს. ისინი წყნეთში, გრიშაშვილის 19 ნომერში ცხოვრობენ. წყალმა ეზო წალეკა და სახლი დანგრევის პირას მიიყვანა. იმ ღამით, საავადმყოფოდან რამდენიმე დღის წინ გამოყვანილ ჩვილთან ერთად სახლის სახურავზე ვიდექით, რომ წყალს არ წავეღეთო...
ავთო ბუთხუზი თამარაშვილის­ ქუჩის ქვეშ გამავალ ვერეს გვირაბთან ცხოვრობს.­ სვანიძის ქუჩის წალეკვის შემდეგ წყალმა მათი ეზო და სახლთან მისასვლელი გზა წალეკა. ბუთხუზების ოჯახიც სოციალურად დაუცველია. ავთოს ოჯახი ისევ ძველ სახლში ცხოვრობს, თუმცა, მას სახლი შეიძლება პირობითად ეწოდოს. "ეს ფული ღვთის წყალობასავით არის ჩემი შვილებისთვის", - გვითხრა ავთოს დედამ ირმა ბუთხუზმა, რომელსაც ახლა ყველაზე მეტად ის აშინებს, რომ მდინარის კალაპოტის გასამაგრებლად მხოლოდ მოპირდაპირე მხარეს შენდება ჯებირი, რაც ოჯახის წევრების აზრით, მათ ქოხს უქმნის საფრთხეს. წყალი მოპირდაპირე მხარეს რომ წინააღმდეგობას ნახავს, ჩვენკენ გადმოვა, ეზოსაც მოანგრევს, სახლსაც გაიყოლებს და ზემოთ გამავალ საავტომობილო გზასაც მისწვდებაო.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით