აბაშიძე ბრუნდება?!
აბაშიძე ბრუნდება?!
"გამომძიებელს დავუსახელე იმ პირის სახელი და გვარი, ვინც დაადასტურებს, რომ ზურაბ ჟვანიას მკვლელობის თანამონაწილე პირადად სააკაშვილი იყო"

რატომ ჩამოდის "ბათუმობაზე" აბაშიძის ვაჟი


ბრუნდება თუ არა ასლან აბაშიძე  აჭარაში? - ეს კითხვა აქტუალური მას შემდეგ გახდა, რაც გაირკვა, რომ ბათუმობის დღესასწაულზე მოწვეულ პერსონათა შორის აჭარის ყოფილი მმართველის ვაჟი, გიორგი აბაშიძეც ფიგურირებდა. ამ თემაზე "კვირის პალიტრას" აჭარელი უფლებადამცველი, არასამთავრობო ორგანიზაცია "ჩვენი უფლებებისთვის" თავმჯდომარე  თამაზ ბაკურიძე ესაუბრა, რომელმაც არა მხოლოდ ამ საკითხზე, არამედ
ზურაბ ჟვანიას მკვლელის ვინაობასა და სხვა მნიშვნელოვან თემებზეც სკანდალური განცხადებები გააკეთა.


- აგვისტოს ბოლოს ტრადიციულად ბათუმობა აღინიშნება. ამ საზეიმო ღონისძიებაზე მოსაწვევ პერსონათა სია წინასწარ დგება და მას სპეციალური კომისიის სხდომაზე კენჭს უყრიან. წელს მოსაწვევთა შორის ასლან აბაშიძის ვაჟი, გიორგი აბაშიძეც მოიაზრეს. ამ ინიციატივის ავტორი ალეკო
ჩხარტიშვილია, რომელმაც არცთუ დიდი ხნის წინ "ნაციონალური მოძრაობა" დატოვა ბათუმის საკრებულოში. მისი მტკიცებით, მოსაწვევ პერსონათა შორის  გიორგი აბაშიძე, როგორც ბათუმის ყოფილი მერი, ისე შეიყვანეს. მართალია, ამ სიისთვის ჯერ კენჭი არ უყრიათ, მაგრამ უკვე დაირხა ხმა, რომ ბათუმში ასლან აბაშიძე ბრუნდება.

- მაგრამ აბაშიძე ხომ ძებნილია?
- დიახ, თავის დროზე, მის წინააღმდეგ თანამდებობის ბოროტად გამოყენების, სამსახურებრივი უფლებამოსილების გადამეტებისა და დიდი ოდენობით თანხის მითვისების (თუ ზუსტად მახსოვს, 80 მილიონი ლარის მითვისებაზე იყო ლაპარაკი) ბრალდებებით აღიძრა საქმე. მას 20 წელი მიუსაჯეს და ძებნილად გამოაცხადეს.  ინტერპოლით ძებნილ აბაშიძეს ბოლო საპარლამენტო არჩევნების შემდეგ არ მიუმართავს თხოვნით ახალი ხელისუფლებისთვის, რომ პოლიტიკური დევნილის  სტატუსი მიეღო. თუმცა ვიცი, რომ სტრასბურგის სასამართლომ მისი საქმე წარმოებაში მიიღო. არ გამიკვირდება, რომ  პროცესუალური დარღვევები იყოს ამ საქმეშიც და მისი გადახედვის შესაძლებლობაც გაჩნდეს. თუმცა ეს მომავლის საქმეა. ამჟამად კი აბაშიძე საქართველოში რომ ჩამოვიდეს,  სამართალდამცველებს  მისი დაკავების გარდა სხვა გზა არ რჩებათ. ამგვარად აბაშიძე ავჭალის კოლონიაში (დიდი ალბათობით) მერაბიშვილის, ახალაიას და სხვა ყოფილი მაღალჩინოსნების გვერდით აღმოჩნდება. იმავეს ვერ ვიტყვი გიორგი აბაშიძეზე, რადგან მის წინააღმდეგ საქმე აღძრული არ არის და  ნებისმიერ დროს შეუძლია ბათუმში ჩამოსვლა.

- იქნებ გიორგი აბაშიძე იმიტომ ჩამოდის, რომ ახალ ხელისუფლებასთან მოლაპარაკება აწარმოოს, დააბრუნონ აჭარაში აბაშიძე.

- არ ვიცი, რამდენად აქვს ამისთვის საჭირო რესურსი გიორგის, რა პოლიტიკური მსოფლმხედველობა აქვს ამჟამად. თავის დროზე, ის ძალით შეათრიეს პოლიტიკაში. მახსოვს, როცა გიორგი ბათუმის მერი იყო (მე მაშინ ასლანის პრესმდივანი და აჭარის ტელევიზიის ხელმძღვანელი ვიყავი) აჭარის ავტონომიური რესპუბლიკის ყოფილმა მეთაურმა მთხოვა, გიორგისთან მემეგობრა, მისთვის ყურადღება მიმექცია. მაშინ გიორგის გართობა და წამალი უფრო აინტერესებდა, ვიდრე პოლიტიკა.

ძალიან უხერხულ მდგომარეობაში აღმოვჩნდი, როცა ასლანმა გიორგისთან ერთად მოსკოვის მერთან შესახვედრად გამგზავნა. გიორგი კაიფში იყო, როცა იური ლუჟკოვთან შეხვედრაზე მოვიდა, საუბრისას ჩუმად ფეხს ვაჭერდი, რომ არ ჩასთვლემოდა, თვალის დახუჭვის საშუალებას არ ვაძლევდი. ერთი სული მქონდა, შეხვედრა დასრულებულიყო.

ბოლოს ОРТ-სა და РТР-ის ჟურნალისტებს ვთხოვე, ეს ფირი არ გაეშვათ. თხოვნა შეგვისრულეს, თუმცა აჭარის რევოლუციის შემდეგ მაინც გავიდა. არ ვიცი, ახლა გამოსწორდა თუ არა გიორგი და დღეს როგორ გზას ადგას.

- არცთუ დიდ ხნის წინ "კვირის პალიტრაში" გამოქვეყნებული ინტერვიუს შემდეგ პროკურატურამ დაგკითხათ. რასთან დაკავშირებით?
- გირგვლიანის საქმეზე. როგორც იცით, ციხეში სანდროს მკვლელების გვერდით საკანში ვიჯექი. პროკურატურის შეკითხვები მათ საყოფაცხოვრებო პირობებს შეეხებოდა...
გამომძიებელს დავუსახელე იმ პერსონის სახელი და გვარი, ვინც დაადასტურებს, რომ ზურაბ ჟვანიას მკვლელობის ერთ-ერთი თანამონაწილე პირადად სააკაშვილი იყო. პროკურატურის წარმომადგენლის რეაქციაზე  მივხვდი, რომ ეს მათაც იციან, მაგრამ მოწმის სახელი, გვარი და კოორდინატები მაინც ჩაიწერეს.

დარწმუნებული ვარ, პროკურატურას ჟვანიას საქმე გახსნილი აქვს,
ისევე როგორც გირგვლიანის და ბევრი სხვა. ვფიქრობ, ეს ყველაფერი არჩევნებამდე გახმაურდება, იმიტომ, რომ დასავლეთი აღშფოთებულია ყოფილი მაღალჩინოსნების დაპატიმრებით, ამ საქმეების გახსნილად გამოცხადების შემდეგ კი ხმას ვეღარ ამოიღებენ... სააკაშვილს ჰგონია, რომ ხელშეუხებელია, მაგრამ...

- რა იცით, სააკაშვილს რა ჰგონია?
- მაქვს ინფორმაცია, რომ ივანიშვილმა ოფიციალური მონაცემებიდან გამომდინარე, სააკაშვილსა და მის ხელისუფლებას საკუთარი ინტერესების სასარგებლოდ ბიუჯეტიდან "ათვისებული" 10 მილიარდი დაუთვალა და მოითხოვა, თუ გინდათ, სრული კოაბიტაციით ვიცხოვროთ, ამ 10 მილიარდიდან 6 მაინც უკან უნდა დააბრუნოთო, რაზეც სააკაშვილმა უარი განაცხადა. აქედან ჩანს, რომ მიშას ხელშეუხებლობის იმედი აქვს, თორემ ფულის დაბრუნებაზე უარს არ იტყოდა. წყაროს ინფორმაციით, სწორედ ამის შემდეგ დაიწყეს ყოფილი მაღალჩინოსნების დაპატიმრება. 
უცნობი
30 ივლისი 2013 15:45
გელას და გელას ნაირ ბაბუინებს (22 ივლისი)////აბაშიძემ ბათუმი კი არ გადაარჩინა, არამებ მისი ქონება (ამას უვიციც უნდა ხვდებოდეს). იარაღით რომ ვაჭრობდა-ვიწრო წრემ იცოდა (იფხაზეთშიც კი აგზავნიდა). ამავე დროს აჭარა ნარკოტრაფიკის ტრანზიტული გზა იყო. ფეოდალი რომ იყო ესეც არ იცი - კუთხური გამოთქმებით არააჭარის მკვიდრს ამცირებდნენ, კლანურ გვარებს ხელში ჰქონდათ ეკონომიკა ჩაგდებული და აბაშიძესთან წილი მიჰქონდათ. თითონ მილიარდებს ითვლიდა და ხალხი უკიდურეს გაჭირვებაში ჰყავდა. განუკითხაობა,ნარკომანია,რამდენი ოჯახი გაუბედურდა ნარკომანი გიორგის და მისი ხროვა ძმაკაცების გამო. ეს არ უნდა დაივიწყოს ერმა, თუგინდ მისი ბაბუა ცნობილი და დაფასებული კაცი იყო,თითონ ასლანზე ამას ვერ და არ იტყვი. ვირთხასავით კი არ უნდა იმალებოდეს, არამედ ჩამოვიდეს და ჭარსდგეს სასამართლოს წინაშე,ქართველმა ერმა უნდა გაასამართლო ეს არაკაცი აუცილებლად!!!
xishta
27 ივლისი 2013 19:00
გიორგი და განათლებული? რომელმა დებილმა დაწერეთ ეს, ალბად აბაშიძისნაირი დებილი ხარ, ან ნარკომანი. გაიხსენეთ, არავის არ უნდა დაავიწყდეს ის განუკითხაობა, რასაც ბაბუ და მისი შველები ჩადიოდენ. გიორგიმ რა ინგლისში რომ ისწავლა (თუ ამას სწავლა ჰქვია) დაამთავრა კი სწავლა?...მისმა ტვინმა ვერ გაჭრა და დაანება თავი,ეგონა ბაბუს სისხლიანი ფული გადაჭრიდა პრობლემას.
ვახტანგი
27 ივლისი 2013 18:52
ხალხო,ქართველებო,რამ გაგაგიჯათ, ნა ნამუსით უნდა დააბრუნოთ აბაშიძე? აბაშიძე რომ უნამუსო და გამყიდველია ქართველი ერის დაუმტკიცლებლადაც, ფაქტებით ვიცით, რა მთავრობა უნდა მოვიდეს რომ ეს მას აპატიოს. გაიხსენეთ თუ გინდ მისი ჯალათი - ვერულიძე. ეს თუ ახალი მთავრობას მიზნათ აქვს, გამოუსწორებელი შეცდომა იქნება. თუმცა რა გასაკვირია, დღეს ბევრი უვიცი მოხვდა მთავრობაში და ფულსაც აიღებს, რომ აბაშიძის დაბრუნების საქმე დასვას ორგანოებში. აფსუს ახალო მთავრობავ!!!

რუბრიკის სხვა სიახლეები
თქვენი აზრით, როგორი პრეზიდენტი იქნება სალომე ზურაბიშვილი?
თქვენი აზრი მნიშვნელოვანია!
თქვენი აზრით, როგორი პრეზიდენტი იქნება სალომე ზურაბიშვილი?
თვის კითხვადი სტატიები