"ალასანიამ ბნელი ძალების წისქვილზე დაასხა წყალი"
10-11-2014
"ალასანიამ ბნელი ძალების წისქვილზე დაასხა წყალი"
"ასეთი დიდი დარტყმა საქართველოს ევროატლანტიკური განვითარებისთვის სააკაშვილის მერე არავის მიუყენებია"

"თუ ალასანიას თანაგუნდელები კონკრეტულ ადამიანებს არ დაასახელებენ, ეს პოლიტიკური საბოტაჟი იქნება"


მას შემდეგ, რაც პროკურატურამ თავდაცვის სამინისტროს მაღალჩინოსნები  გაფლანგვის ბრალდებით დააკავა, ირაკლი ალასანიამ პროკურატურა პოლიტიზებულობაში დაადანაშაულა და განაცხადა, რომ ეს საქართველოს ევროატლანტიკურ კურსზე პირდაპირი შეტევაა. საპასუხოდ, პრემიერმა ალასანიას ბრალდებებს აბსურდული უწოდა და ის "ნაციონალების" ლობირებაში
დაადანაშაულა. მოვლენების შეფასება კინოდოკუმენტალისტ გოგა ხაინდრავას ვთხოვეთ":

- ეს ალასანიას პოლიტიკური დემარშია. საგარეო პოლიტიკის იმპლემენტაციასა და ევროატლანტიკური კურსის განხორციელებას საერთაშორისო ასპარეზზე,  პრაქტიკულად, ალასანიას ჯგუფი აკონტროლებდა. როგორც თავად ამბობენ, აღებული კურსის განხორციელებას საფრთხე შეექმნა და გაჩნდა უამრავი კითხვა. ამიტომ გამობრძანდნენ და განგვიმარტონ ქალბატონმა ფანჯიკიძემ, ბატონებმა - პეტრიაშვილმა და ალასანიამ, ვინ იყო ის ადამიანი ან ადამიანთა ჯგუფი, ან ინსტიტუცია, ვინც მათ ხელი
შეუშალა და კონკრეტულად, რაშია გამოხატული ხელის შეშლა. წინააღმდეგ შემთხვევაში, რჩება შთაბეჭდილება, რომ ამ კურსის წინააღმდეგი საქართველოს პრეზიდენტი, პრემიერ-მინისტრი და პარლამენტი იყვნენ. პარლამენტშიც ბრძანდება მათი თანაგუნდელი, ვიცე-სპიკერი ზურაბ აბაშიძე. თუ არ იქნება დასახელებული კონკრეტული ადამიანები და პოლიტიკური ჯგუფი, ვისაც ისინი გულისხმობდნენ, ეს იქნება პოლიტიკური საბოტაჟი. ზუსტად მათი მოქმედებაა საქართველოს არჩეული კურსისთვის ხელის შეშლა. ალასანიას განცხადებამ რა ზიანიც მიაყენა ქართულ სახელმწიფოს, ასეთი "ნაციონალური მოძრაობის" მარგინალური და დანაშაულებრივი ჯგუფის გარდა, არავის მიუყენებია.

პრაქტიკულად, დღეს მთელი დასავლური სამყარო ლაპარაკობს იმაზე, რომ საქართველომ შეიცვალა საგარეო პოლიტიკური კურსი. ეს არის ბომბის აფეთქების ტოლფასი საქართველოსთვის - სერიოზული დარტყმა ეკონომიკური, პოლიტიკური და სახელმწიფოებრივი განვითარებისთვის. ამ ზიანის ანაზღაურება იქნება ურთულესი საერთაშორისო ასპარეზზე, ამიტომ სამივე ყოფილმა მინისტრმა ქართველ ამომრჩეველს აგვიხსნას, ვინ არიან ის მითოლოგიური ძალები, ვინც საფრთხის ქვეშ დააყენა საქართველოს ევროატლანტიკური კურსი.

- პრემიერმა ღარიბაშვილმა ირაკლი ალასანიას "ნაციონალებთან" თანამშრომლობასა და მათ აშკარა ლობირებაზე ისაუბრა. ამის გარდა, უჭკუო, მოღალატე და ავანტიურისტი უწოდა...

- სხვათა შორის, ჩემს ზურგზე გადაიარა იმ პროცესებმა, რომლებმაც ყველანი ამ თანამდებობებზე მოიყვანა. ამიტომ მაინტერესებს ალასანიას თანაგუნდელების ანგარიში იმ ხალხის წინაშე, ვინც ესენი ხელისუფლებაში  მოიყვანა და სადავეები ჩააბარა. იმ შემთხვევაში, თუ ალასანიას განცხადება არგუმენტირებულად არ იქნება განმარტებული, გამოდის, ეს არის წმინდა წყლის პოლიტიკური საბოტაჟი არა მთავრობისა და კონკრეტული პირების, არამედ ქვეყნის მიმართ. ახლა რამდენად ჯდება ეს "ნაციონალების" თუ რომელიმე სხვა არაკეთილგანწყობილი ძალების გეგმებში, რომლებმაც საქართველოზე უკვე ამოიღეს ხმა და ალასანიას  გამონათქვამებს საერთაშორისო ასპარეზზე იყენებენ, ეს იფიქრონ იმ ადამიანებმა, ვინც ეს პოლიტიკური დემარში განახორციელეს. ნამდვილად არ ვაკვირდებოდი, ეს ადამიანი ლობირებდა თუ არა "ნაციონალებს", რა და როგორ ხდებოდა, მაგრამ აღმოვაჩინე ის, რომ პრაქტიკულად, ჩვენი საგარეო კურსი მთლიანად კონტროლდებოდა "თავისუფალი დემოკრატების" პოლიტიკური ჯგუფისა და მათი ოჯახის წევრების მიერ. ამიტომ ამ საკითხზე ყველაზე მეტი პასუხისმგებლობა მათ ეკისრებათ. Aალასანიამ იმ ბნელი ძალების წისქვილზე დაასხა წყალი, რომლებიც ქვეყნის გარეთ არიან და ამ მარგინალური ჯგუფის ("ნაციონალების") მეშვეობით ცდილობენ გავლენის სფეროების შენარჩუნებას საქართველოში. შესაძლებლობა მისცა მათ, შეარყიონ საქართველოს, როგორც ევროატლანტიკური კურსის მატარებელი ქვეყნის საფუძვლები. უკვე დაიწყო დასავლეთის გამოხმაურება ამ თემაზე და ეს დიდი ზიანის მომტანია ჩვენი ქვეყნისთვის.

- ამ ფაქტზე პრეზიდენტის მიერ დაფიქსირებულ პოზიციაზე რას იტყვით?
- მართალი გითხრათ, მაინცდამაინც ვერ გავიგე, რას ემსახურებოდა მარგველაშვილის გამოსვლა, რომელშიც არანაირი პოზიცია არ იყო ჩამოყალიბებული. იმაში კი ვეთანხმები ბატონ მარგველაშვილს, რომ აუცილებლად უნდა მოხდეს ამ ფაქტის პოლიტიკური შეფასება საპარლამენტო და საერთო-საზოგადოებრივ დონეზე. როგორც მე გავიგე, ალასანიას განცხადებამდე, ძალიან წარმატებით ხორციელდებოდა ევროატლანტიკური კურსი - ყველა მისმა თანაგუნდელმა ცალ-ცალკე ილაპარაკა, რომ ამ კუთხით სასწაული მიღწევებია. მაინტერესებს, რა მოხდა ალასანიას გამოსვლის წინადღეს ამისთანა, რამაც ეს ყველაფერი ეჭვქვეშ დააყენა? ამიტომაც მოვითხოვ განმარტებას.

- ზოგიერთი ექსპერტის თქმით, ზემოხსენებული მოვლენები საეჭვოდ დაემთხვა "ნაციონალების" დაანონსებულ 15 ნოემბრის აქციას...

- ეს მე ნაკლებად მაინტერესებს, ისევე როგორც 15 ნოემბრის აქცია, რადგან ის არანაირ როლს არ თამაშობს ჩვენს ცხოვრებაში. არ ღირს ამ მარგინალებისა და კრიმინალების პატარა ჯგუფის შესაძლებლობების გადამეტებული შეფასება. მე მაინტერესებს სახელმწიფოებრივი ქმედება და მასთან დაკავშირებული კითხვები. ასეთი დიდი დარტყმა საქართველოს სახელმწიფოებრიობისა და მომავლისთვის, მისი ევროატლანტიკური განვითარებისთვის სააკაშვილის მერე არავის მიუყენებია. ამიტომ უნდა გავერკვეთ, ვინ რამდენად გულწრფელად ემსახურებოდა ამ იდეას, ვინ იყო ჩართული არა საკუთარი, არამედ საქართველოს ინტერესების სამსახურში. გავერკვეთ, სად ვართ და ეს იმ გუნდს მოვკითხოთ, ვის ხელშიც იყო ამ კურსის გატარების ბერკეტები, ვინაიდან ეს ყველა ჩვენგანის მომავალზე აისახება. ახლა არის გასარკვევი, რა მოტივით იყო ეს განცხადება გაკეთებული. იქნებ ირაკლის, მაიას ან ალექსის ვიღაცამ მისცა დავალება, რომ კურსი უნდა შეიცვალოს? ამის შემდეგ იმ ადამიანებთან გვექნება კითხვები, ვისაც ისინი დაასახელებენ.

ნანა ფიცხელაური

glaxuna
13 ნოემბერი 2014 21:21


შენზე და შენისთანებზე მეტი ბნელი ძალა ვინ არის ?!

ეეე...

ზვიადის ეროვნული ხელისუფლების დამხობის და სამოქალაქო ომის ინსპირირების ... დროს და მერე ვისთან და რა ძალებთან იყავი და გაქვს ურთიერთობა?!

2012 წელს ხალხი გ ა ა ბ რ ი ყ ვ ე თ ,მაგრამ
ხალხი ბ რ ი ყ ვ ი ხო არ გგონიათ ?!
aleko
12 ნოემბერი 2014 09:12
მეგის
თქვენთვის ხაინდრავას ცხოვრების წესი (აღიარებული ნარკომანი) და ინტელექტი თბილისელობის ეტალონია?
papa
11 ნოემბერი 2014 19:12
სოსო ჯაჭვლიანი.

"არც ერთი "ნაციონალი" არ არის პარლამენტში გასაჩერებელი. ეს ჩემი აზრია და ამის თქმას ვერავინ ვერ ამიკრძალავს. კი, ბატონო, თუ საჭიროა ჩატარდეს ვადამდელი არჩევნები, დიდი სიამოვნებით, რატომაც არა? მე ამ პარლამენტზე არც გამოკერებული ვარ და არც ჩაკერებული. დღეს ხარ პარლამენტარი, ხვალ აღარ იქნები, ეს არ არის ტრაგედია. არაფერი ამ ქვეყანაში არ იმალება, თუ ასე წავა პროცესები, ჩემი აზრით, კარგი იქნება ვადამდელი არჩევნების ჩატარება. შეიძლება ბევრს ჩემი ნათქვამი არ მოეწონოს, მაგრამ არაუშავს, მეც არ მომწონს ბევრი რამე. თუ ვინმე თავს იმშვიდებს, მუდმივად პარლამენტში ვიქნებიო, ძალიან ცდება, დღეს თუ ხვალ არჩევნები მაინც ჩატარდება. ჰოდა, ჩატარდეს ვადამდელი არჩევნები და ყველაფერს დაერქვას თავისი სახელი", - დასძენს რესპონდენტი.

რედაქტორის რჩევით