მერაბ მეტრეველის კვირის ფიქრები
02-03-2015
მერაბ მეტრეველის კვირის ფიქრები
განტევების ვაცი

ვალუტის გაუფასურება ხშირად ხელისუფლებისადმი ნდობის გაუფასურების პირდაპირპროპორციულია. ამიტომაც შეშფოთდა "პირველი მოქალაქე" და ლარის ჯანმრთელობის ცნობების გაცემიდან დამნაშავის ძებნაზე გადავიდა. მისი პოვნა არც გასჭირვებია: აგერ არ არის "ნაციონალების" კადრი, ეროვნული ბანკის პრეზიდენტი, გიორგი ქადაგიძე?! ხალხის დიდ ნაწილს ხომ ყველაფრის სჯერა, "ნაციონალებს" რაც უნდა დააბრალო! არადა, მთლად უბრალო, ალბათ, არც ქადაგიძეა, მაგრამ ჯოხის მარტო მასზე გადატეხა?! როდესაც მთელი ეს პერიოდი მთავრობა და მისი ეკონომიკური გუნდი გაიძახიან, ეროვნული ბანკის პრეზიდენტთან კოორდინირებულად
ვმუშაობთო, სიტყვა არვის დაუძრავს ეროვნულ ბანკზე, მაგრამ როცა "პირველი მოქალაქე" მისკენ ხელს იშვერს, ალაპარაკდებიან, რომ თურმე ბანკი დროზე არ რეაგირებდა, სულ ცოტა, უსამართლობა მგონია. როგორ, აქამდე ქადაგიძე "ჭკვიანი ახალგაზრდა" იყო და ახლა გახდა ცუდი?! აგერ, ნოდარ ჯავახიშვილმა "პალიტრის" ეთერში, გადაცემაში სტუმრობისას მითხრა: ივანიშვილს მაგის წინააღმდეგ
საქმის აღძვრას მაშინვე ვთხოვდი, როგორც კი ხელისუფლებაში მოვედით, მაგრამ არ დამიჯერაო! აი, ეს კაცი ნამდვილად არის თანამიმდევრული (მართალია თუ არა ეს, კიდევ სხვა საკითხია): არც მაშინ ფიქრობდა კარგს ქადაგიძეზე და არც ახლა! ივანიშვილმა და მთავრობამ კი იპოვეს განტევების ვაცი!

ზოგი ჭირი მარგებელია

ლარის კურსის ვარდნას მარტო ცუდი შედეგები არ ჰქონია. ამ პროცესმა მთავრობა­ ისე შეარყია, რომ ცოტა გა­მ­ოიღვიძა - ქამრებს შემოვი­ჭე­რთო, საპრივატიზაციოდ ობ­ი­ექტებს გავიტანთო, ინფრასტ­რუქტურული პროექტებისთვის ფულს მოვიზიდავთო. აქამდე მეგონა, ქვეყანაში გასაყიდი აღარა­ფერი იყო და თურმე ყოფილა, მაგრამ რაც ეს ხელისუფლება მოვიდა, სიტყვა "პრივატიზაცია" მათი პირიდან­ არც გაგვიგონია. მაინცდამაინც სავალუტო კრიზისი უნდა მო­მ­ხდარიყო, პრივატიზაციის პრ­ო­ცესი რომ განახლებულიყო?! მაინცდამაინც სავალუტო კრიზისი უნდა მომხდარიყო, ხელისუფლება რომ მიმხვდარი­ყო, ასე "უპრაგონოდ" ფულის ხარჯვა რომ  არ შეიძლება? მაინცდამაინც სავალუტო კრიზისი უნდა მომხდარიყო, უფრო მეტი ინფრასტრუქტურული პროექტის საჭიროება რომ დაენახათ?! ეს ჩამონათვალი შეიძლება გაგრძელდეს! ამ პროცესის შედეგად აღიარეს რამდენიმე შეცდომა, მაგალითად, გამკაცრებული სავიზო რეჟიმი, ინვესტო­რისთვის უცხოელების დასაქმების შეზღუდვა, ბიუროკრატიული ბარიერების არსებობა... ამ პროცესმა დადებითი კიდევ ის მოიტანა, რომ რადიკალური ჯგუფები, რომლებიც მიწის გაყიდვის აკრძალვისკენ თუ საემიგრაციო პოლიტიკის გამკაცრებისკენ მოუწოდებდნენ ხელისუფლებას, ცოტა ხნით მიჩუმდნენ. ხალხმა დაინახა, რომ თუ ინვესტორი არ გამოჩნდა, თუ ქვეყანაში ფული არ შემოვიდა, მიწაც ოხრად დაგვრჩება და ქვეყანაც, და უკან, კუპონიზაციის ეპოქაში წავალთ!
qetiq
03 მარტი 2015 22:22
და რატომ ფიქრობთ,რომ მიხვდნენ, შეცვალეს რამე?
buba
02 მარტი 2015 23:30
Mosula tkemaladzis dro- imkopinos exla 160 lari DA vnaxav Romel restoranshi sheushveben mag tanxit.sirtxvilit Xmas Ar unda igebdes misi ojaxis xarjebis gamo,kopnit 160 lari?
ანდრი
02 მარტი 2015 16:30
ქოცნაცი არ გეგონოთ :)
მარტო ინვესტორი არაფერს გვიშველის, ეკონომიკაში გვაკლია იდეები, ინოვაცია, სახელმწიფო სისტემის ნდობა. ინვესტორი, მითუმეტეს უცხოელი მარტო თავის მოგებაზე ფიქრობს ყველგან და ჩვენ მხოლოდ ნამცეცები დაგვრჩება. ჩინელები მონურად მუშაობენ ეფფლის საწარმოში, ეფფლი ამასობაში სარეკორდო მოგებებზე გადის. რაც მთავარია არ გაგვაჩნია ეკონომიკური სისტემა და ხედვა, რომელშიც საკუთარ თავს რიგითი მეწარმე დაინახავს ან, რომელსაც საკუთარ საქმიანობას დამიზნებს შეუსაბამებს. ინვესტორი აუცილებელია, მაგრამ ის იქნება უცხო ქვეყნის საელჩოსავით თუ ჩვენი მხრიდან არ იქნა სათანადო მოთხოვნა მოლოდინი პირობები და სხვა. განათლება და მეცნიერება არ ვითარდება და რა ინოვაციაზე უნდა ვილაპარაკოთ. ლარი სამწუხაროდ ისეთივე ხელოვნურია, როგორც ჩვენი სახელმწიფოებრიობა.

რედაქტორის რჩევით