არაპოპულარული სიმართლე (მერაბ მეტრეველის კვირის ფიქრები)
25-05-2015
არაპოპულარული სიმართლე (მერაბ მეტრეველის კვირის ფიქრები)
ამ კვირას იღბლიანობის თვალსაზრისით არა უშავდა. ლარი ცოტა გამყარდა. ეტყობა, "ვიაგრა" მიაშველეს. რამ ითამაშა "ვიაგრის" როლი, ვერ გეტყვით. ამაზე ექსპერტებიც კი ვერ თანხმდებიან. ვიღაცები ისევ სავალუტო სპეკულაციებზე ლაპარაკობენ, ეროვნულ ბანკს უფრო მეტი კრიტიკოსი გამოუჩნდა, თუმცა, საერთაშორისო ფინანსური ინსტიტუტების წარმომადგენლები გვარწმუნებენ, რომ მთავრობაც და ბანკიც შესანიშნავად მუშაობენ და ამ სიტუაციაში სხვა­ნაირად ვერ მოხდებოდა. სავალუტო ფონდის წარმომადგენელმა ისიც კი თქვა, ლარი რომ არ გაუფასურებულიყო, საქართველოს ეკონომიკა გარე შოკებს ვერც გადაიტანდაო, ანუ კარგია,
რომ გაუფასურდაო. წუთით წარმოვიდგინე, ეს რომ რომელიმე ჩვენს მინისტრს ეთქვა, მაგალითად, ხადურს, რა ამბავი ატყდებოდა. იტყოდნენ, უსინდისოდ გვატყუებს, რათა პასუხისმგებლობა აიცილოსო. არადა, შეიძლება სიმართლეც იყოს! პოლიტიკა უცნაური რამეა. ზოგჯერ სიმართლესაც ვერ იტყვი, იმდენად შეიძლება არაპოპულარული იყოს ის.
მაგალითად, არაპოპულარული სიმართლე იყო, რომ რიგის სამიტზე უვიზო
რეჟიმს არ მოგვცემდნენ, რადგან ჯერ პროცედურები დასრულებული არაა, მაგრამ ხელისუფლების წარმომადგენლები მაინც ოპტიმისტურ განცხადებებს აკეთებდნენ, ვიდრე ცნობილი არ გახდა დეკლარაციის წინასწარი ვარიანტი. შედეგად, თავად შექმნეს არასწორი მოლოდინი და მერე თავადვე მოუხდათ მისი დაცხრობა.

ბუნებრივია, ოპოზიციამ ამ სიტუაციის სათავისოდ გამოყენება სცადა და იმის ვერმიღება, რასაც ამ ეტაპზე ისეც ვერ მივიღებდით, ხელისუფლებას დააბრალა. პოლიტიკაში ასეთ დემაგოგიას ხშირად მიმართავენ, მაგრამ რაც სააკაშვილმა რიგაში სამიტის წინადღეს თქვა, დემაგოგიის საზღვრებსაც გასცდა. "ჩვენს ქვეყანაში, სადაც ხალხი მშიერია, იმ ქვეყანას არავინ არსად მიიღებს, ყველას ეშინია, რომ ყველა უცხოეთში გაცვივდება. ყველამ უკვე იცის, რომ ქვეყანაში არიან პოლიტპატიმრები", - განაცხადა ყოფილმა პრეზიდენტმა. ამ დროს მხოლოდ ბანალური თუ იქნები ადამიანი და იტყვი: სინდისიც კარგი საქონელიაო, თორემ რა აზრი აქვს ასეთი ადამიანისთვის კითხვის დასმას: შენს დროს მაძღარი იყო ერი?!

ვიზალიბერალიზაციის ამბავში კი ხელისუფლებას უნდა ვუსაყვედუროთ, თუ უნდა შევაქოთ, ეს მხოლოდ 15 დეკემბერს გაირკვევა, როდესაც მეორე ეტაპის შესრულების დასკვნა დაიდება. მანამდე ყველანაირი განცხადება პოლიტიკური სპეკულაციაა. თუ ყველა საშინაო დავალება კარგად შესრულდა, მერე უკვე ჯერი ევროპელებზე იქნება. დაპირება მათი გაცემულია! იმედია, დიდხანს აღარ გვალოდინებენ კართან! უვიზო რეჟიმს პრაქტიკულზე მეტად შეიძლება ფსიქოლოგიური მნიშვნელობა ჰქონდეს. ეს იქნება ნიშანი იმისა, რომ ევროპის კარი შენთვის მართლაც ღიაა და აღარ ხარ ის ჩამორჩენილი ქვეყანა, ვის მოქალაქეებსაც უფრთხიან!

იქნებ როგორ სჭირდებოდა?!

რა ქნას, ხანდახან სიტყვა გაექცევა ხოლმე. მერე რა, რომ ეს პოლიტიკოსისთვის ზოგჯერ სასიკვდილოა! პოლიტიკოსები ყველგან უშვებენ ასეთ საბედისწერო შეცდომებს. საკუთარი ენისა და ემოციების გაკონტროლება პოლიტიკოსისთვის ყველაზე დიდი ნიჭია. ეს ნიჭი კი ყველას არა აქვს. მათ შორის, როგორც ჩანს, არც თბილისის მერს. დავით ნარმანია ოპონენტებს საკრიტიკოდ მასალას არ აკლებს: გზების დაგება თითქოს დაჩქარდა და უცებ აგერ მრჩევლების თემა გამოძვრა! ბომბივით გასკდა, ნარმანია ხუთი მრჩევლის შტატს ითხოვსო. მართალია, ამტკიცებდა, ეს ხალხი ისევ მერიის სხვადასხვა სტრუქტურიდან გადმომყავს, დამატებითი ხარჯი არ იქნება, რეალურად მხოლოდ ერთი შტატი ემატებაო, მაგრამ მაინც არაფერი გამოუვიდა. უფრო მეტიც, მიუტევებელი შეცდომა დაუშვა და განაცხადა: არავის საქმე არ არის, მერს რამდენი მრჩე­ველი ეყოლებაო! რაღაცაზე ხომ უნდა იფიქრო პოლიტიკოსმა, ასეთ განცხადებას რომ აკეთებ? რას ნიშნავს, არავის საქმე არაა? დიქტატურა დამყარდა? ჯერ გზებზე უკმაყოფილება ჩამცხრალი არ არის, ჯერ ისევ ცხელია ინფორმაცია იმის შესახებ, რომ მერიაში სააღდგომოდ 4 მილიონის პრემიები დარიგდა. ფაქტობრივად, თბილისის მერია დღეს ყველაზე არაპოპულარული უწყებაა ქვეყანაში და შენ ასეთი გონორით ასეთ განცხადებას აკეთებ! ვინ შეგარჩენს?!

ან ამდენი მრჩეველი რაში გჭირდება? ხომ გყავს მოადგილეები? ისინი ვერ გირჩევენ, თუ რამეზე რჩევა გჭირდება? თუ მერია დასაქმების ბიუროა?! თან რა ხალხის, გამოცდებს რომ ვერ აბარებენ! საერთოდ, მერიაში უცნაური ხალხი რომ არის თავმოყრილი, ეს ერთი შეხედვითაც ჩანს. იქმნება შთაბეჭდილება, რომ მუნიციპალიტეტები "ქართული ოცნებისთვის" პარტიული აქტივისა და ნათესავების დასაქმების ადგილად იქცა.
რის მიხედვით იღებენ გადაწყვეტილებებს, საერთოდ გაურკვეველია. აგერ მირზა შაფის ქუჩის განაშენიანებისთვის გამოცხადებულ კონკურსში ისეთმა პროექტმა გაიმარჯვა, ხალხი გაიძახის, "ნაციონალების" დროინდელი პროექტი ჯობდაო. არადა, იმასაც იწუნებდნენ თავის დროზე ხელოვნებათმცოდნეები. დღეს კი "ნაციონალებმა" თავიანთი დაწუნებული პროექტი გამოიტანეს და თავს იწონებენ, ნახეთ, ჩვენ რას ვაშენებდით და ამათ რისი გაკეთება უნდათო. ნარმანია კი მრჩე­ვლებს ითხოვს!

ერთადერთი პოზიტივი, რაც ამ ამბავს მოჰყვა, ისაა, რომ საკრებულოს უმრავლესობამ მორჩილება არ გამოიჩინა და მერის ეს მოთხოვნა ჩააგდო. ჰოდა, დარჩა ბატონი ნარმანია მრჩევლების გარეშე! არადა, იქნებ როგორ სჭირდებოდა თუნდაც ისეთი მრჩეველი, რომელიც ეტყოდა, ხანდახან თქმას ართქმა ჯობსო!
galeli
29 მაისი 2015 20:05
Tavisianebi any natwsaova DA tanasoplelebi at dausaqmebia narmanias, idea sheshinebuli bizos bzanebebs yurmochrit asrulebs ra qnas aba axlaa pulis shovnis fro DA gulaobs biji, erti ram gazketa narmaniam sopeli xurcha Ari's afxazetis mosazgvre engurs iqita sopeli romelic kokis mosazgvre sopelia, man gza ar iyo zugdididan kokamde 15 cutis gzaa iyo, DA 5 kilometers gavlas 30 sari chirdeboda DA eg gza gaaketa Margo meti at maxsendeba midi gaketebuli kargi
VETANXMEBI rezo-ss
29 მაისი 2015 00:19
ნარმანია რა კაცია და ის კაციაა რომელიც სანამ ზისს მანამდე ტავისი საგვარეულ- სანატესაო რომ დაასაქმოსს. ტუ დიდხანსს მოუწია მანდ ჯდომა მერე ტავისი ზემლაკებივიტ ტირანად გადაიქცევა . მარტალია არ გატყუებტ . მონასს დზალაუპლებას რომ ჩაუგდებტ ხელში ტირანად იქცევა ეს ბერიამაც დაამტკიცა და არა მარტო ბერიამ .ასე რომ ველოდოტ და ვნახოტ. როდის უნდა ვისწავლოტ ღირსეული კადრების არჩევა?
დ ი ნ ა მ ი კ ა !
26 მაისი 2015 12:30
"რა აზრი აქვს ასეთი ადამიანისთვის კითხვის დასმას: შენს დროს მაძღარი იყო ერი?!"
---------------------------------------------------------

მერაბ, არის ასეთი სიტყვა - დ ი ნ ა მ ი კ ა!

ქვეყნის მდგომარეობაც განხილული უნდა იქნეს დინამიკაში, კერძოდ, რა სიტუაცია იყო ამა თუ იმ პოლიტიკური პარტიის ხელისუფლებაში მოსვლამდე და როგორი შედეგები დაგვიტოვეს მათ (უკეთესობის ან უარესობის მხრივ) წასვლის მომენტისათვის.

ასე რომ, ერის "სიმაძღრის" გრაფიკის აგებისას აუცილებელია დროის კოორდინატის გათვალისწინებაც, განსაკუთრებით კი ყურადღების გამახვილება სწორედ მოსვლა-წასვლის მომენტებისას არსებულ ვითარებაზე.

და რას დავინახავთ (თუ თვალებს ძააან მაგრად არ დავხუჭავთ)?

იმ ავად სახსენებელ 9 წელიწადში "თურმე" ნაციონალებმა:

- ქვეყნის ბიუჯეტი გაზარდეს 10-ჯერ (დოლარის კურსის გათვალისწინებით კი გაცილებით მეტად აქაც და ქვემოთაც;

- ხელფასები გაიზარდა საშუალოდ 10-ჯერ;

- პენსიაც - 10-ჯერ (2012 წელში გაზრდაც მათ ჰქონდათ გათვალისწინებული და მათივე მიერ დატოვებული სახსრებით მოხდა!);

მათი მოსვლისას (2003 წელში) ლარის კურსი იყო:

- მაქს 2.227,
- საშ. 2.145,
- მინ. 2.045,

ხოლო წასვლისას (2012 წელში):

- მაქს 1.675
- საშ. 1.651
- მინ. 1.619

დანარჩენი გათვლები თქვენთვის მიმინდვია.

P.S. როგორც წესი, ამ ციფრებზე თვალის არ (უფრო ვერ) დახუჭვის შემდეგ ოპონენტები "პლასტინკას აბრუნებენ" და სისხლიან წლებსა და ბიზნესის დაყაჩაღებაზე მოთქვამენ!

რა თქმა უნდა, ზოგ რამეში მართლებიც არიან, მაგრამ:

1. გულზე ხელი დავიდოთ და საკუთარ თავს მაინც ვუთხრათ სიმართლე, 90-აიან წლებში რამდენ კაცს ექნებოდა სწორი გზებით ნაშოვნი სიმდიდრე (პროცენტებში);

2. როცა ეს ხელისუფლებაც წავა, დარწმუნებული ბრძანდებოდთ, რომ ისიც გაირკვევა, რომ ამ "კარგ" და "საუკეთესო" წლებში "თურმე" ნაკლები რაოდენობის მძიმე დანაშაულებანი - გირგვლიანი, ვაზაგაშვილი, რობაქიძე,... - არ ჩადენილა!

რედაქტორის რჩევით