"სააკაშვილის ბოლო უკრაინაშიც იგივე იქნება, რაც საქართველოში..."
13-07-2015
"სააკაშვილის ბოლო უკრაინაშიც იგივე იქნება, რაც საქართველოში..."
"საკმარისია, პოროშენკომ პროკურატურაზე გავლენა დაკარგოს, რომ სააკაშვილი გისოსებს მიღმა აღმოჩნდება"

რამდენიმე დღის წინ ცნობილმა უკრაინელმა ჟურნალისტმა ვლადიმირ ბოიკომ სოციალურ ქსელში­ დავით საყვარელიძის წინააღმდეგ საქმის აღძვრის შესახებ ინფორმაცია გაავრცელა, თუმცა, ეს ოფიციალურად არ დადასტურდა. რა შეიცვალა უკრაინაში მას შემდეგ, რაც მაღალ თანამდებობებზე ქართველი ყოფილი მაღალჩინოსნები დაინიშნენ, ჟურნალისტ ვლადიმირ ბოიკოს ვესაუბრეთ:


- უკრაინელები ქართ­ველების მიმართ ყოველთვის კეთილგანწყობილი იყვნენ... აქ მთავარი პრობლემა კორუფციაა, სააკ­აშვილი კი მოსახლეობამ სწორედ კორ­უ­ფციასთან ბრძოლის რიტორიკის გამო მიიღო, თუმცა
საზოგადოების ნაწილი, მათ შორის მეც, მის საქმიანობას სკეპტიკურად უყურებს. უკრაინაში კორუფციის მარტივი­ ადმინისტრაციული გადაწყვეტილებებით აღმოფხვრა შეუძლებელია. რეალური რეფორმა მხოლოდ იმ შემთხვევაში გატარდებოდა, თუ უკრაინელი "არისტოკრატია" (მაღალჩინოსნები, დეპუტატები და ა.შ.) საკუთარ პრივილეგიებზე უარს იტყოდა და სახელისუფლებო ძალაუფლების დასაყოფად საკონსტიტუციო ცვლილე­ბებს დასთანხმდებოდა. ამის ნაცვლად, პოროშენკო უმაღლესი რადისგან
იანუკოვიჩის­ ადმინისტრაციის მიერ შემუშავებული "პროკურატურის შესახებ კანონის" მიღებას ითხოვდა.

მიხეილ სააკაშვილი
დღეს უკრაინაში საკუთრების გადა­ნაწილება მიმდინარეობს, პოროშე­ნკო კი მთავარი ოლიგარქია, რომე­ლ­იც არათუ საკუთარ ბიზნესს აფა­რ­თოებს, სხვა კოლეგებისთვის­ განკუთვნილ "ნაჭერსაც" ისაკუთრებს.­
მან სააკაშვილს ე.წ. ომის ბიზნესის გამოყენებისა და ხალხის ყურადღების სხვადასხვა თემაზე გადამისამართების მითითება მისცა, რადგან რეალურად საზოგადოება პრეზიდენტის მმართველობით იმედგაცრუებულია.
სააკაშვილი საკუთარი ძალაუფლების გასამყარებლად პორ­ოშენკოსთვის კომფორტული ინსტრუმენტია.
ერთი მხრივ, სააკაშვილი კარგი ორატორია­, ატარებს პიარაქციებს, ქარიზმატულია და უხეშ მეთოდებსაც არ ერიდება. მეორე­ მხრივ, აბსოლუტურად პორო­შენკოზეა და­მ­­ო­­­კიდებული: თუ პოროშენკო ძალაუფლებას დაკარგავს, სააკაშვილი და მისი გუნდი უკრაინას ავტომატურად დატოვებენ.

- რა კონკრეტული მიზეზი უნდა არსებობდეს, რომ ქართველებმა არა მხოლოდ უკრაინის მოქალაქეობა მიიღონ, არამედ როგორც ამბობთ, ოლიგარქიულ ჯგუფებსაც ემსახურონ?
- მოგეხსენებათ, სააკაშვილი ძებნილია. უკრაინასა და საქართველოს შორის კი 1996 წლის 5 ნოემბრიდან სამოქალაქო და სისხლისსამართლებრივ საქმეებზე ორმხრივი დახმარების შესახებ დადგენილება მოქმედებს. სანამ სააკაშვილი საქართველოს მოქალაქე იყო და მისი სამშობლო უკრაინის ხელისუფლებისგან ექსპრეზიდენტის ექსტრადირებას ითხოვდა, უკრაინა მოთხოვნის იგნორირებით შეთანხმებას დემონსტ­რაციულად არღვევდა. სააკაშვილის მიერ უკრაინის მოქალაქეობის მიღების შემთხვევაშიც ირღვევა დადგენილების 46-ე მუხლი, რომლის საფუძველზე უკრაინული მხარე ვალდებულია, საქართველოს ტერიტორიაზე­ ჩადენილი დანაშაულის გამო სააკაშვილის სისხლისსამართლებრივი დევნა დაიწყოს. მიუხედავად იმისა, რომ უკრაინი­სთვის საქართველო რუსული აგრესიის ფონზე უმნიშვნელოვანესი სტრატეგიული პარტნიორია, ის საერთაშორისო სამართლებრივი ვალდებულებების იგნორირებას აგრძელებს. საკმარისია, პოროშენკომ პროკურატურაზე გავ­ლენა დაკარგოს, რომ სააკაშვილი გისოსებს­ მიღმა აღმოჩნდება. ამიტომ საქართველოს ექსპრეზიდენტი თავისივე პირად უსაფრთხოებას ემსახურება.

- ცოტა ხნის წინ ვიდეოჩანაწერი გავრცელდა, სადაც სააკაშვილი­ სახელმწიფო ავიაციის სამსახურის ხელმძღვანელს ბრალს კორუფციაში სდებს.
- ღია დიალოგისთვის მზაობისა და კარგი განათლების გამო სააკაშვილს მართლაც ვაფასებ. მიუხედავად ამისა, მას, ისევე როგორც მისი გუნდის სხვა წევრებს,­ ჯაბა ებანოიძის გარდა, ამ მასშტაბით მუშაობის არც ცოდნა და არც უნარი­ არ გააჩნიათ. მხოლოდ კიევში იმაზე მეტი ადამიანი ცხოვრობს, ვიდრე მთელ საქართველოში, თანაც "ახალი უკრაინელები" გარკვეულ პირობებს რთულად ემორჩილებიან. საქართველოში­ "მექანიკური რეჟიმის" მართვა, ალბათ, შესაძლებელია, უკრაინაში კი ამ პრინცი­პით­ მართვა უშედეგო მცდე­ლობაა.

რატომ შესთავაზეს სააკაშვილს მაინცდამაინც ოდესის გუბერნატორობა, ნუთუ ვერ მოიძებნა თანამდებობა, რომელიც უფრო შეეფერებ­ოდა? პასუხი ნათელია­: ოლიგარქების შეთანხმების საფუძველზე, გასულ წელს ოდესის რეგიონი ოლიგარქ იგორ კოლომოისკის გავლენის ქვეშ იყო, ოდესას კი მისი პროტეჟე მართავდა. პოროშენკოს ერთი ხელის მოსმით კოლომოისკის კაცის თანამდებობიდან გათავისუფლების შეეშინდა, რადგან ეს ავტომატურად შეთანხმების დარღვევასა და გამოცხადებულ ღია ომს ნიშნავდა. ამიტომაც "ღირსეული" საბაბი მოიგონეს: თითქოს ოდესის გუბერნატორობა ქარიზმატულმა ქართველმა მოისურვა. ოლიგარქ კოლომოისკის გავლენის სფეროში სახელმწიფო ავიაციის სამსახურიც შედის, პოროშენკოს კი უნდა ამ ორგანოსაც მისი კაცი მართავდეს, თუმცა კონსტიტუციის მიხედვით, პრეზიდენტს მსგავს საკითხებში მონაწილეობის უფლება არა აქვს, უწყება მინისტრთა კაბინეტს ექვემდებარება. მიუხედავად ამისა, იანუკოვიჩი ავიაციის სამსახურის ხელმძღვანელად საკუთარ პროტეჟეს­ ღიად დანიშნავდა, თუმცა პოროშენკო ბევრად ჭკვიანია - ტრანსპორტის სამინისტროს სააკაშვილი აწვია.

როდესაც სააკაშვილმა ნახა, რომ მიზანს მაინც ვერ აღწევდა, ტელეკამერების წინ ისტერიკა გამართა: სახელმწიფო ავიაციის ხელმძღვანელისგან ანგარიში მოითხოვა. ინციდენტს პრესაში სააკაშვილის მხარდასაჭერი პიარკამპანიები მოჰყვა. საბოლოოდ, იმისთვის, რომ მინისტრთა კაბინეტს გაცეცხლებული ქართველი ბიჭი დაეწყნარებინა, სახელმწიფო ავიაციის სამსახურის შემოწმება დაიწყო, მისი ხელმძ­ღვანელი კი დრო­ებით დაითხოვა. აი, ამისთვის სჭირდებოდა­ პოროშენკოს სააკაშვილი!­ გენერალური პროკურატურა კორუმპირებული ორგანო რომ არ იყოს, სააკაშვილზე საქმე დაუყოვნ­ებლივ აღიძვრებოდა. არც ერთი კანონი არ აძლევს ხელმძღვანელს იმის შესაძლებლობას, რომ რეგიონული სახელმწიფო ადმინისტრაციის მმართველობაში ჩაერიოს, საპარლამენტო კომიტეტების შეხვედრაზე კომენტარები აკეთოს და კოლეგებს თანამშრომლების თვალწინ შეურაცხყოფა მიაყენოს. სააკაშვილისა და მისი გუნდისთვის ელემენტარული სამართლიანობა არ არსებობს, ისინი ქცევის ნორმებს პატივს არ სცემენ. თუ სააკაშვილი და მისი გარემოცვა, განსაკუთრებით კი დავით საყვარელიძე, საჯაროდ უკრაინის კანონმდებლობის უპატივცემლობას არ შეწყვეტენ, თანამდებობებზე დიდხანს ყოფნა არ მოუწევთ.

მიკვირს საყვარელიძე როგორ ახერხებდა საქართველოში საპასუხისმგებლო თანამდებობებზე მუშაობას? მან პროკურორების კაბინეტების ჩხრეკა ყოველგვარი კანონიერი საფუძვლების გარეშე დაიწყო, მათ შორის, არც გენპროკურორის მოვალეობის შემსრულებლის, გუზირისთვის უცნობებია. ვერავითარი ქრთამი ვერ აღმოა­ჩინეს. საყვარელიძეს ერთი ნიუანსი გამორჩა: არ იცოდა, რომ უკრაინაში ჩხრეკის ჩასატარებლად მოსამართლის სანქციაა აუცილებელი. საქმეში პოროშენკოს ჩართვა გახდა აუცილებელი, რის შემდეგაც პროკურატურაში ამ საქმის შესახებ ინფორმაცია განადგურდა.

- როგორია თქვენი პროგნოზი, უკრაინაში მოვლენები რა სცენარით წარიმართება?

- დარწმუნებული ვარ, პოროშენკო უახლოეს მომავალში ყველაფერს გააკეთებს იმისთვის, რომ მიხეილ სააკაშვილი პრემიერად, დავით საყვარელიძე კი - გენერალურ პროკურორად დანიშნოს. მართალია, დღეს ჩვეულებრივი უკრაინელები სასწაულზე ოცნებობენ და სააკაშვილს მეტ-ნაკლებად ენდობიან, თუმცა, ვფიქრობ,
სააკაშვილის ქმედებების ბოლო იგივე იქნება, რაც საქართველოში იყო - სამართლებრივი დევნა და გაფრენა საზღვარგარეთ.

სააკაშვილმა 25 წლის ლამაზმანი მოადგილედ დანიშნა


იულია მარუშევსკა
ოდესის გუბერნატორმა ახალი მოადგილეები­ დანიშნა. ერთ-ერთი 25 წლის მაიდნელი აქტივისტი, იულია მარუშევსკაა, რომელიც კიევში მიმდინარე აქციების დროს, სოციალურ ქსელში გავრცელებული ვირუსული ვიდეორგოლით ძ - ერჰფბყრფ, ევრომაიდნის სიმბოლოდ იქცა. სააკაშვილის თქმით, იულია ბოლო წელი ჰარვარდისა­ და სტენფო­რდის უნივერსიტეტებში სწავლობდა. სააკაშვილმა ხაზგასმით აღნიშნა, რომ მარუშევსკასა და მეორე მრჩეველს (ავღანეთის ომის ვეტერანსა და ბიზნესმენს, ვლადიმირ ჟმაკს) სახელმწიფო სამსახურში მუშაობის გამოცდილება­ არ აქვთ და ამიტომაც მან ხელისუფლებაში "ახალი, სუფთა და კომპეტენტური" ადამიანების მოყვანა შეძლო. იულია მარუშევსკა სააკაშვილის მარჯვენა ხელი გახდა.

რუსუდან შელია
ia
27 ივლისი 2015 00:15
ქოცუნიებო,რაო გესიზმრებათ სააკაშვილის დაჭერა?
იოცნებეთ თქვენმა არქიფომ ხომ გასწავლათ ოცნება და იოცნებეთ.განათლებულ ადამიასნსააკაშვილი კი მოღვაწეობს როგორც განათლებულ ადამიანს ეკადრება ისე.
ვოტ ტაკ.ქოცუშკებო
ბანდიტების უფლებები უპირველეს ყოვლისა!
18 ივლისი 2015 22:12
როგორც ამ სტატიიდან ირკვევა, სააკაშვილის და მისი გუნდის მთავარი დანაშაული ის ყოფილა, ქვეყნის გამფარჩაკებელ დიდ ვირთხებს "ადამიანის უფლებების სრული დაცვით" რომ არ იჭერს...
ვაი თქვენს პატრონს. აღმაშენებელი თავისი მოღვაწეობის დასაწყისში ძელზე სვავდა და თვალებს თხრიდა ყველას, ვინც მოღალატეობაში იყო ეჭვმიტანილი და სწორედ ამის წყალობით გააერთიანა საქართველო. თქვენ მოეფერეთ ბანდიტებს, ქურდებს და იმიტომაა კრიმინალი რომ ყვავის და მარად-მათხოვრად რომ დარჩა ჩვენი ქვეყანა.
თქვენთვის მოქალაქეებს ... რაც გინდა უქენით, ოღონდ "მდიდარი ძიების' უფლებები არ დაარღვიოთ!
პეტრე შენგელია
18 ივლისი 2015 10:58
ვინ ხალხი ვერ სუნთქავდა სააკაშვილის დროს, ვერ გავიგე: კრიმინალები?
კრიმინალებმა რატომ უნდა ისუნთქონ მშვიდათ, თქვე მართლა ქოცებო?

რედაქტორის რჩევით
რუბრიკის სხვა სიახლეები