"გვარამიას ეშინია, კონტროლი არ დაკარგოს და არ გაუგონ, რამდენი მიითვისა" - რას გეგმავს "რუსთავი 2"- ს ხელმძღვანელობა
05-10-2015
"გვარამიას ეშინია, კონტროლი არ დაკარგოს და არ გაუგონ, რამდენი მიითვისა" - რას გეგმავს "რუსთავი 2"- ს ხელმძღვანელობა
"გია ყარამანაშვილს ვიცნობ,­ "ვარდების რევოლუციის" შემდეგ მასაც არა უშავდა"

ნიკა გვარამია: "იმედთან" დაკავშირებული პროცესები შეცდომა იყო, მაგრამ "ქართული­ ოცნება" პასუხისმგებლობას ძველ შეცდომებზე აპელირებით ვერ მოიხსნის"


"ხელისუფლებამ თავისი გად­აწ­ყვეტილებით "რუსთავი 2" დახ­ურა", - ეს განცხადება ტელე­კ­ომპანიის გენერალურმა დირექტორმა ნიკა გვარამიამ საგანგებო­ პრესკონფერენციაზე მას შემდეგ­ გააკეთა, რაც ცნობილი გახდა,­ რომ ქიბარ ხალვაშის მოთხოვ­ნ­ის საფუძველზე "რუსთავი 2"-ის 51%-იანი წილის მფლობე­ლი შპს "ტელეკომპანია საქა­რთველოც" დაყ­ადაღდა. გვარამიას განმარტები­თვე, საჯარო რეესტრმა ორი დღის განმავლობაში­ არ დაარეგის­ტრირა
ფინანსური­ ტრანზაქცია, რომლითაც "რუსთ­ავი 2"-მა 6 მილიონი დოლარის­ ინვესტიცია მოიზიდა. მას არც ის დაუმალავს, რომ ტელეკომპანიაში 6-მილიონიანი ინვესტიციის ჩადებას თავდაცვის ყოფილი მინისტ­რის, დავით კეზერაშვილის ცოლისძმა, დიმიტრი ჩიქოვანი გეგმავდა.

ქიბარ ხალვაშის ადვოკატების­ განცხადებით, სასამართლოში მი­მარ­თვის საფუძველი ტელეკომ­პანია "საქართველოს" წილის გასხვისება გახდა, რაც "რუ­ს­თავი 2"-ში 51%-იანი წილის
მფლობელის ცვლილებას იწვევდა. შეგახსენებთ, ტელეკომპანია "საქართველოს" მფლობელები ძმები ლევან და გია ყარამანაშვილები არიან.

ნიკა გვარამია, "რუსთავი 2"-ის გენერალური დირექტორი: - ივანიშვილმა ეს პროცესი დიდი ხნით ადრე დაგეგმა და დააანონსა­ კიდეც. ამისთვის ჩასვეს თავის დროზე საარჩევნო სიაში ქიბარ ხალ­ვაშის და ფატი ხალვაშიც, რომელსაც, ალბათ, საკუთარი მეზ­ობლების გარდა, ქვეყანაში არავინ იცნობდა. თუმცა, მერწმუნეთ, თითოეული მათგანი ყველა კანონდარღვევაზე პასუხს აგებს. ქიბარ ხალვაში დღეს განს­აკუთრებული უპირატესობებით სარგებლობს. მას "ქართუ ბანკიდან" კრედიტები აქვს გამოტანილი, თბილისის აეროპორტშიც სამთავრობო კარი­დან აცილებენ და სახელმწიფო­ მანქანით ემსახურებიან. რაც შეეხება "რუსთავი 2"-ს, ნებისმიერი მიხვდება, რომ ეს მხოლოდ თითიდან გამოწოვილი მოთხოვნაა, თუმცა ისიც ვიცი, რომ მოსამართლე ურთმელიძე ხალვაშის მოთხოვნას დააკმაყოფილებს.

- საქალაქო სასამართლომ მსგავს შეფასებებზე საგანგებო განცხ­ადებით გიპასუხათ, რომ ამ გზით სასამართლოზე ზეწოლას ცდილობთ. პარალელურად, მასშტაბურ აქციებს აანონსებთ.
- მოსამართლე ურთმელიძე­ ჩვეულებრივი ჯიბის აგენტია და მას დიდი ფული აქვს აღებული. მისი მეუღლის "ფეისბუკზე" რომ შეხვიდეთ, მხოლოდ "რუსთავი 2"-ის წყევლა-კრულვის პოსტებს წაიკითხავთ. საბედნიეროდ, ამ ქვეყანაში სხვა ინსტანციებიც არსებო­ბს. ყველაფერს გავაკეთებთ, რომ "რუსთავი 2" ხალხის სამსახურში იყოს! აქციებს დავიწყებთ და ვიცი, რომ გვერდით ასიათასობით ადამიანი­ დაგვიდგება. პარლამენტის წინ ჩატარებული აქცია ტელეკომპანიის მხარდამ­ჭერებმა თვითნებურად დაგეგმეს და მადლობა მათ, თუმცა ჩვენ გაცილებით მასშტაბურ აქციებს ჩავატარებთ.

- სოციალურ ქსელში აქტიურად­ ტრიალებს ვიდეორგოლი, სადაც "იმედის" დარბევის გამართლებას ცდილ­ობთ, დღეს კი მედიის თავისუფლების დამცველად გვევლინებით.
- როდესაც "იმედთან" დაკავშირებული განცხადება გავაკეთე, მაშინ სახელმწიფო მოხელე გახლდით და ამის საფუძველიც მქონდა­. უკანონო განცხადება რომ გამეკე­თებინა, დღეს ამ ხელისუფლების წყალობით ციხეში აუცილებლად აღმოვჩნდებოდი. თუმცა, ვფიქრობ, მაშინ ეს პროცესი თავიდან უნდა აგვეცილებინა. ეს მიზანშეწონილი­ ნაბიჯი არ გახლდათ­. დიახ, ეს იყო შეცდომა, მაგრამ "ქართული­ ოცნება" პასუხისმგებლობას ძველ შეცდომებზე აპელირებით ვერ მოიხსნის.

შოთა მინდელი, დავით კეზერაშვილის ცოლისძმის, დიმიტრი ჩიქოვანის ადვოკატი: "დიმიტრი ჩიქოვანთან დადებული კონტრაქტით იგეგმებოდა "რუსთ­ავი 2"-ის გაძლიერება. ეს იყო წმინდა ინვესტიცია, რომელიც ტელევიზიას ფუნქციონირებისთვის სჭირდებოდა. საჯარო რეესტრი, სასამართლო და ქიბარ ხილვაშის ადვოკატები ორკესტრირებულად მოქმედებდნენ. რეესტრში 29 სექტემბერს ჩაბარებული ხელშეკრულება აბსურდული მიზეზებით გამოაცხადეს ხარვეზიანად, მეორე დღეს კი, ე.წ. ხარვე­ზების აღმოფხვრის შემ­დეგ, პასუხი არ გაგვცეს... ეს იყო ხელოვნურად მოგონილი პროცედურა, რათა ჩიქოვანისთვის ინვესტიციის შესაძლებლობა არ მიეცათ".
პაატა სალია, ქიბარ ხალვაშის ადვოკატი: "ჩვენ მხოლოდ იმ ქონების გასხვისების აკრძალვა­ მოვითხოვეთ, რომლის არარსებ­ული ვალდებულე­ბებით დატვი­რთვა უკანონო გზებით ხდებოდა. დღეს "რუსთავი­ 2"-ის მენეჯმენტი აჟი­ოტაჟს ქმნის, რომ სასამართლო გადაწყვეტილებაზე გავლენა­ მოახდინოს. არადა,
სიცრუეა, თითქ­ოს­ ქონების დაყადაღებით ტელეკომპანიის ფინანსური წყაროები ჩაიკეტა.

დაყადაღებამდე ტელეკო­მპანიას საბანკო ვალდებულებები ჰქონდა, ამიტომ კრედიტის გაზ­რდის მიზნობრიობის დასაბუთ­ება ბანკთან მოუწევდა. ჩვენც სწო­რედ ამ რეჟიმში გვინდოდა მათთან ურთ­­იერთობა. მართალია,­ ვედა­ვებით,­ მაგრამ თუ დაგვისაბუთებდნენ, რომ მაუწყებლობას ყადაღის გამო ხელი ეშლ­ებოდა, შეზღუდვებს შევამცირებდით.
დღეს ტელეკომპანია შეუფერხებლად მაუწყებ­ლობს. ზღა­პა­რია, თით­ქოს ფუ­ლი არა აქვთ და ფინანსების მიღებას სამი თვის შემდეგ შეძლებენ. ტელეკომპანია­ "საქართველოს" დაყადაღებით "რუს­თ­ავი 2"-ის დამატებითი ვალდებ­ულებებით დატვირთვის სქემა ჩავშალეთ.

კეზერაშვილის ცოლისძმა ტელე­კომ­პა­ნიაში­ 6 მილიონს დებს მაშინ, როდ­ე­საც­ იცის, ხვალ შეიძ­ლება "რუსთავი 2"-ის მფლობელი ქიბარ ხალვაში­ გახდეს.
სწორედ ეს იყო მიზანი - ამ კონტრაქტის საფუძველზე, სასამართლო დავის­ დასრულების შემდეგ, ხალვაშისგან 6 მილიონის დაბრუნება მოეთხოვათ და ამ სქემით "რუსთავი 2"-ის გაკოტრების პროცესი დაეწყოთ".

ჩვენ ვცადეთ ძმებ ყარამანაშვი­ლებთან დაკავშირება, თუმცა მათზე ყოფილმა მაღალჩინოსნებმაც არაფერი იციან. როგორც გვითხ­რეს, ძმებს ბიზნესი მოსკოვსა და საფრანგეთში აქვთ, მათზე ინფორმაციას კი მხოლოდ კეზერაშვილი და სააკაშვილი ფლობენ.
ვცადეთ ქიბარ ხალვ­აშთან დაკავშირებაც.­ ის ვრცელ ინტე­რვიუზე კატეგორიულ უარს აცხადებდა. რამდენიმე დღის წინ კი სოციალურ ქსელში დავ­უკავშირდით და მცირე კომენტარი ექსკლუზიურად მივიღეთ:

- ვინ არიან ძმები ყარამანაშვილები და როგორ აღმოჩნდნენ ისინი "რუსთავი 2"-თან კავშირში?

- გია ყარამანაშვილს ვიცნობ,­ "ვარდების რევოლუციის" შემდეგ მასაც არა უშავდა. ის მიშას ჯგუფელია. მეორე ძმას არ ვიცნობ.

- გია ყარამანაშვილთან საქმიანი­ კავშირი თქვენც გქონდათ?

- გამარჯობა-გაგიმარჯოს დო­­ნეზე ვიცნობდი. მიშასთვის ის ყველაზე სანდო ადამიანი იყო, "რუსთავი 2"-იც მას სწორედ ამიტომ ანდო. გვარამიას კი ეშინია, კონტროლი არ დაკარგოს და არ გაუგონ, რამდენი მიითვისა.

- გავრცელდა ვერსია, რომ სააკაშვილსა და კეზერაშვილს ტელეკომპანიაში ჩიქოვანის შემოყვანით ყარამანაშვილების ჩაჩოჩება უნდოდათ.
- მათ რომ გაუგო, მათსავით ტვინნაღრძობი უნდა იყო. მიშასა და "ნაციონალებს­" უნდათ, ტელეკ­ომპანია ზედმეტი ვალდებულებებ­ით დატვირთონ.
მთავარი მოქმედი პირი ოდესაშია, რა მნიშვნ­ელობა აქვს, ყარამანაშვილები სად არიან?!

- გვარამია მთავარ მოქმედ პირად ამ პროცესში ბიძინა ივანიშვილს ასახელებს. ამბობს, რომ თქვენც მისი დავალებით მოქმედებთ.
- 1992 წლის შემდეგ დავალება არავისგან მიმიღია, ამიტომ ვერიდები საჯარო და სხვის სამსახურში ყოფნას. ასე რომ, ეს სიტ­ყვა ძალიან "ნაცურად" ჟღერს... ნეტავ იცოდეთ, გვარამიას ბრალდება როგორ არ მენაღვლება.

რუსუდან შელია
09 ოქტომბერი 2015 14:46
მინდადიდი მადლობა გდაუხადო ქალბატონ რუსუდანს. ამ რამოდენიმე კითხვა- პასუხით მე მგონი უკვე ყველასთვის ცხადი გახადა რუსთავი 2-ის "შეფი"-ს ასე აღვირახსნილი აფორიაქების მიზეზი. ასეთი ქცევით მე მგონი თვითონაც დაიღუპება და ბევრ უდანაშაულოს გაიყოლიებს.
moqalaqe
08 ოქტომბერი 2015 13:40
გვარამია თუ დაგავიწყდა რა არაკაცობები აკეტე როცა პროკურორი იყავი სეგახსენებთ
rezo
06 ოქტომბერი 2015 16:43
erti welic da tqveni duxi ar iqneba am mtavrobashi!

რედაქტორის რჩევით
თქვენი აზრით, რამდენად ხშირად ხდება დღეს  საქართველოში თანამდებობის პირთა მიერ უფლებამოსილების პირადი მიზნებისთვის გამოყენება?
თქვენი აზრი მნიშვნელოვანია!
თქვენი აზრით, რამდენად ხშირად ხდება დღეს საქართველოში თანამდებობის პირთა მიერ უფლებამოსილების პირადი მიზნებისთვის გამოყენება?
თვის კითხვადი სტატიები