მე რა ვქნა, მე?! (მერაბ მეტრეველის კვირის ფიქრები)
12-10-2015
მე რა ვქნა, მე?! (მერაბ მეტრეველის კვირის ფიქრები)
ისეთი სისწრაფით ხდება ”ოცნების”­ ”ნაციონალიზაცია”, რომ ყოველ კვირას­ მიწევს ამ თემაზე წერა. ”ოცნებამ” იმდენი ქნა, უგულავაც ჩემი დასაცავი­ გახდა, ”რუსთავი 2”-იც და ახლა უკვე ”ნაციონალური მოძრაობის” აქტივისტებიც. როგ­ორც ჩანს, ”ოცნებას” მართლაც შეუძლია, წარმოუდგენელი რეალობად აქც­იოს! წარმოვიდგენდით, რომ ირმა ნადირაშვილსა და ხათუნა გოგო­რიშვილს დავეთანხმებოდით?

ან როგორ­ გინდა, არ დაეთანხმო, როცა ამბობენ, რომ კანონისთვის არ უნდა იყოს განსხვავება­ ჩიორა თაქთაქიშვილსა და დავით ლორთქიფანიძეს შორის, მხოლოდ­ იმიტომ­, რომ ერთი ოპოზი­ციის დეპუტატია, მეორე -
უმრავლესობის, რომ არ შეიძლება ერთი დეპუტ­ატის ფიზიკური შეურაცხყოფა მხოლოდ ადმინისტრა­ციული წესით ისჯებოდეს, მეორის - დაჭერით! რომ პროკურატურამ იმის მიხედვით არ უნდა იხელმძ­ღვ­­ანელოს, შენიანს სცემეს თუ სხვის­იანს­. გასაგებია, როცა ხელისუფლებაში იყვნენ, ქალბატონ ირმასა და ქალბატონ ხათუნას ეს საკითხები არ ადარდებდათ, როცა ორმაგი სტანდარტი მათ მომხრეებს შეეხო,
აეწვათ, მაგრამ მე ეს მაშინაც მადარდ­ებდა და დღესაც. ორი უკვდავი კითხვა არსებობს სამყაროში: ერთი შექსპირმა­ დასვა, მეორე კი ირაკლი ალასანიამ. მე რა ვქნა, მე?!

ვის მოეკითხება ჭკუა?


თბილისის მერიაში უცნ­აური ამბები ტრიალებს. ადამიანს სისხლს რომ გამოუცვლიან, ისე უცვლიან ნარმანიას ყოველ 6 თვეში კადრებს. დღეს მერიაში­ იმდენი თანამდებობაა ვაკანტური, გეგონება, არჩევნები ახლა ჩატარდა­ და მერი გუნდს აკომპლექტებსო. ბოროტი ხმები ამბობენ, მერს მათ არც მოხსნას ეკითხებიან, არც დანიშვნასო. ეგ კიდევ რა არის! ერთ-ერთი სამსახურის უფროსს, რომელიც კალაძის ცოლისძმაა, არააკრედიტებული უმაღლესი დაუმთავრებია და ახლა მისი დიპლომი­ ფარატინა ქაღალდია, ვიცე-პრემიერმა საჯაროდ ურჩია გადადგომა, მაგრამ არ მიდის...

ამასობაში ნარმანიას გადადგომის მოთხოვნაც დადგა. ეს მოთხოვნა ”ნაცი­ო­ნალებმა” წამოაყენეს, მაგრამ სავარაუდოდ იმიტომ, რომ კულუარებიდან ინფ­ორმაცია მიუვიდათ, თავად ხელისუფლებაში ფიქრობენ ნარმანიას გადაყე­ნებასო, ნარმანია კი მშვიდი სახით გაიძახის, უჩვეულო არაფერი ხდებაო.
ჯერ გაიძახოდნენ, კომუნალური­ ვაუჩერები მარტო სოციალურად დაუცველებს უნდა დავურიგოთო, ახლა კი გამოაცხადეს, სჭირდებათ თუ არა, ყველას მივცემთ და ვისაც არ უნდა, ღარიბებს გადასცესო. თქვენც დეჟა-ვუ გაქვთ? ალბათ, გაგახსენდათ, წინა ხელისუფლების დროს როგორ დადიოდნენ მაღალჩინოსნები და საჩვენებლად როგორ ურიგებდნენ ხალხს ოცლარიან ვაუჩერებს. ალბათ, ახლა ჯაბა სამუშიას და სხვებს ვნახავთ­ იმავე მდგომარეობაში.

მილიონამდე ლარი დაჯდება თურმე ”თბილისობის” დღესასწაული­. და რაში იხარჯება?! იდიოტურ დღეს­ა­სწაულში, რომლის არსი არასდროს მესმოდა! ნარმანიამ თქვა: ”თბილისო­ბაზე” აქცენტი თბილისის, როგორც მწვანე ქალაქის კონცეფციაზე იქნება აღებული, რამაც კიდევ გაზარდა ხარჯიო. ”თბილისობაზე” კონცეფციების წარმოდგენას, ამ თანხით ხეები დაგერგოთ, არ ჯობდა?! მილიონი ხე რომ გაქვთ დასარგავი, დაგავიწყდათ? ყველას­თვის დარიგებული ვაუჩერები და ”თბილისობა” ბიუჯეტის გონივრული ხარჯვაა?

მაგრამ ნარმანიას რას ვერჩი, ქვეყნის­ მთავრობამ პარლამენტში მომავალი წლის ბიუჯეტი წარადგინა, სადაც ბიუროკრატიის შესანახი ხარჯები გაზრდილია, ხოლო პენსიის მატება არ არის გათვალისწინებული. კარგი, მოხუცებზე არ ზრუნავენ, მაგრამ საკუთარ თავზე მაინც არ ფიქრობენ? მომავალ წელს არჩევნებია და საარჩევნო წლის ბიუჯეტში პენსიების მატებას რომ არ გაითვალ­ისწინებ, ჭკუა მოგეკითხება?!
tomasu uno kundo
18 ოქტომბერი 2015 21:01
ისე მეტრეველო შენც კაი მერყევი ვინმე ხარ. ხან იქით ხან აქეთ ბახმაროს ქარივით!! მე მგონი შენც ნაცი ხარ!! აააა
ძმა
18 ოქტომბერი 2015 10:21
დაუშვებელია ნარმანია იყოს ქალაქის მერი.
საქართველოს ენერგეტიკის მინისტრობას განათლება არ ესაჭიროება.
გაუგებარი ნიშნით დანიშნული დანარჩენი უვიცები და კრიმინალები.
უვიცობის პროპაგანდა (განათლების ანტიპროპაგანდა).უვიცობის პროპაგანდა ქვეყანას და საზოგადოებას თითქმის იგივე დაუჯდება, რაც ჯაბიზმი და მხედრიონი.


ნაც მოძრაობის დანაშაულების გამგრძელებლები, რაც გამოხატულია: მომხვეჭელობით; ცინიზმით (კალაძისა და მისი ცოლიძმის მაგალითი სულ ახალია) კანონის ფეხქვეშ გათელვით; ნაციონალების პატივისცემით და საზოგადოების აბუჩად აგდებით; უსამართლო კანონების მიღებით, შვილების საზღვარგარეთ გახიზვნით.

ნაციონალებისაგან განსხვავებაც აქვთ - აღაზევეს რესპუბლიკელები, ნაციონალების სათამაშო მოედანზე მოკუნტრუშეები.

არცერთ უზნეობას ესენი არ ითაკილებენ. უბრალოდ ისეთი გარეკილი არ ყავთ სათავეში, როგორიც მიშა იყო.

რა უნდა გავაკეთოთ?

არჩევნებზე ხმის მიცემა არ მიცემით ამათი შეგონება არ გამოვა და მომდევნო მთავრობაც ასევე მოიქცევა, თუ ჩვენ არ ვისწავლით ჭკუას.

ჩემი რეცეპტი ასეთია: ამათაც და მომდევნოებსაც მოვთხოვოთ პროტესტებით, საზოგადოებრივი აქტიურობით და მშვიდობიანი პოლიტიკური ბრძოლის ყველა მეთოდით იმ საკითხების ცხოვრებაში გატარება, რომელიც ჩვენთვის მნიშვნელოვანია. ანუ თუ გვინდა სიცოცხლე და ცხოვრება, სიცოცხლის უნარი უნდა გამოვავლინოთ.

მომატებულ ტარიფზე არცერთი პროტესტი არ ყოფილა საზოგადოების მხრიდან, ეს არის იმის ნიშანი, რომ საზოგადოება მკვდარია.

გამოცოცხლდით, თუ სიცოცხლე გინდათ. ომში წასვლას ხომ არ მოგიწოდებთ, დაიცავით თქვენი უფლებები.

merabi
16 ოქტომბერი 2015 11:01
txebi midian ufskrulshi da cxvaris ukan mikveba ai esaa dges saqartvelo

რედაქტორის რჩევით