"სააკაშვილი საქართველოში "ბოევიკთა" ჯგუფების შემოყვანას შეეცდება"
02-11-2015
"სააკაშვილი საქართველოში "ბოევიკთა" ჯგუფების შემოყვანას შეეცდება"
ყოფილ ხელისუფლებას დიდძალი შეიარაღება აქვს გადამალული საქართველოს ტერიტორიაზე. მათი 80-90% აღმოუჩენელია. ამის იმედზეა სააკაშვილი

რამდენი ხანია ვამბობ, რომ სააკაშვილს სწადია მასობრივი არეულობის მოწყობის ინსპირირება და ორგანიზება, რაც საბოლოოდ ემსახურება მის მთავარ მიზანს - ხელისუფლების დამხობას

უშიშროების ექსმინისტრი ირაკლი ბათიაშვილი­ გასულ კვირას გავრცელებულ სკანდალურ აუდიოჩანაწერებთან დაკავშირებით შემაშფოთებელ განცხადებას აკეთებს:

- სააკაშვილი ნიკა გვარამიასა და გიგა ბოკერიასთან პირდაპირ ლაპარაკობს ისეთი მოქმედების დაგეგმვა-ორგანიზებაზე,
იურიდიულად თუ ვიმსჯელებთ, ის შეგვიძლია დავაკვალიფიციროთ როგორც მასობრივი არეულობის ორგანიზება,
რომელიც გათვალისწინებულია სს კოდექსის 225-ე მუხლით. სააკაშვილი ამბობს, რომ უნდა აიგოს ბარიკადები, მოიტანონ რკინის კონსტრუქციები, დაიწყოს "ბოევიკების" მობილიზაცია და ამას მოჰყვება ცხვირის ნაყვა, სისხლი... ეს არის სწორედ მასობრივი არეულობის მოწყობა. ამავე დროს, იგეგმება ტელე-რადიომაუწყებლობის ბლოკირება. რაც შეეხება იმას, იკვეთება თუ არა სახელმწიფო გადატრიალების დაგეგმვა, ამაზე
ლაპარაკია ირიბად, ვინაიდან გამოყენებულია ისეთი ტერმინები, როგორიცაა რევოლუცია, რევოლუციური სცენარი და ა.შ.
რამდენი ხანია ვამბობ, რომ სააკაშვილს სწადია მასობრივი არეულობის მოწყობის ინსპირირება და ორგანიზება, რაც საბოლოოდ ემსახურება მის მთავარ მიზანს - ხელისუფლების დამხობას.

გვარამია ახლა რომ ამბობს, არ გვინდა არეულობაო, საუბარში არავითარ წინააღმდეგობას არ უწევს სააკაშვილის მითითებებს. რაც შეეხება გვარამია-ბოკერიას აუდიოჩანაწერს, ბოკერია ოდესის გუბერნატორთან ერთად განიხილავს, როგორ შეიძლება ამ ყველაფრის გაკეთება. გვარამია გაიძახის, არც ერთი პოლიტიკოსის აზრს არ ვითვალისწინებ და არ მინდა ანტიკონსტიტუციური მოქმედებებიო, მან "სიმღერა" იქიდან გამომდინარე შეცვალა, რომ ვითარება შეიცვალა - "რუსთავი 2"" ყოველდღე უხმობდა ხალხს და როცა დაინახა, მასობრივად ხალხი არ მივიდა, მიხვდნენ, ამ სცენარით ვეღარ განვითარდებოდა მოვლენები. ამასთან, გაჟონა ინფორმაციამ, რა ჰქონდათ დაგეგმილი, პოლიციამ დააყენა სათვალთვალო კამერები და აზრი აღარ ჰქონდა ბარიკადების აშენებას.

- "ნაციონალური მოძრაობის" წევრები აუდიოჩანაწერების შინაარსზე მეტად, მათ კანონიერება-წარმომავლობაზე აკეთებენ აქცენტს. როგორც უშიშროების ექსმინისტრი, რას იტყვით, რა შემთხვევაში ჩაითვლება ეს ფარული მოსმენა კანონიერად?
- ეს აუდიოჩანაწერები თუ მოპოვებულია სხვა ქვეყნის სამსახურების მიერ და მათგან მოიპოვა ჩვენმა შესაბამისმა ორგანოებმა, ეს კანონიერია.
თუ ამ საუბრებს ჩვენმა სპეცსამსახურებმა მოუსმინეს, ისინი ამას კანონიერად აკეთებდნენ - როცა ანტისახელმწიფოებრივი მოქმედებები იგეგმება, ვალდებული იყვნენ, ფარულად მოესმინათ. როცა არის არეულობის, გადატრიალების ან ტერორისტული აქტის მცდელობა, თუ შენ ამას სათანადოდ ვერ აკონტროლებ, შეცდომაა. გასარკვევია ფარული ჩანაწერის გენეზისი, თუმცა, დარწმუნებული ვარ, ის კანონიერია.
კონკრეტულ ინფორმაციაზე დაყრდნობით ვაცხადებ, რომ სააკაშვილს აქცენტი და გათვლა აქვს გამოცდილ "ბოევიკთა" ჯგუფების საქართველოში თანამიმდევრულ შემოყვანაზე. ის ამას შეეცდება. შეიარაღებული ჯგუფები არსებობენ და ჩვენდა სამწუხაროდ, ისინი დაკომპლექტებულია როგორც ქართველი, ისე უკრაინელი მებრძოლებით. სააკაშვილი და მისი ვიწრო წრე - გია ლორთქიფანიძე და დავით კეზერაშვილი აქტიურად მუშაობენ, რომ ამ საქმეში ჩართონ საბრძოლო გამოცდილების მქონე ჩეჩნური ჯგუფები და ისინი თანამიმდევრულად შემოვიდნენ საქართველოში. ბევრია ასეთი ჯგუფი, მათ შორის ახლო აღმოსავლეთში მებრძოლები, ასევე ის ჯგუფები, რომლებიც შესაძლოა ჩრდილო კავკასიიდან შემოვიდნენ. მებრძოლების შემოსვლა თურქეთიდან ან რუსეთიდანაც არ იქნება პრობლემა.
რაც შეეხება შეიარაღებას, ყოფილ ხელისუფლებას დიდძალი შეიარაღება აქვს გადამალული საქართველოს ტერიტორიაზე. მათი 80-90% აღმოუჩენელია. ამის იმედზეა სააკაშვილი. ჩვენს ხელისუფლებასა და შესაბამის სტრუქტურებს დიდი შრომა ელის. მთავარია, არ შეცდნენ ჩვენი ღირსეული მამულიშვილები და საამაყო ქართველი მეომრები, ვინმე სააკაშვილმა არ გამოიყენოს თავისი მიზნებისთვის, რაც მას გადაწყვეტილიც აქვს. დარწმუნებული ვარ, ჩარხს უკან ვერავინ დააბრუნებს და "ნაციონალური მოძრაობა" ხელისუფლებაში ვერ მობრუნდება. უმალ მთვარე ჩამოვარდება მიწაზე. ასეთი ავანტიურები მათთვისვე დასრულდება ცუდად. მიუხედავად ამისა, ხელისუფლება არხეინად არ უნდა იყოს, ამის უფლება არა აქვს. საკმაოდ დიდ ძალაზეა საუბარი და იმედია, ხელისუფლება ყველაფერს გააკეთებს, რომ თავიდან ავიცილოთ სერიოზული პრობლემები.

ნანა ფიცხელაური
ვინმე პეტრეს!
02 ნოემბერი 2015 13:49
ძალიან სამწუხაროა,რომ სახელის გარდა არაფერი გაქვს წმინდა...
პეტრე შენგელიას
02 ნოემბერი 2015 13:16
ბატონო პეტრე ომიდან გამოქცეულ,გზაზე წაქცეულ ზედ მცველებ გადაფარებულ კაცისკან ელოდით ნათელ მომავალს?და თქვენ ეძახით სხვებს დაჩმორებულს.მართლა საოცარია
avto
02 ნოემბერი 2015 12:34
აგეწვატტტტ

რედაქტორის რჩევით