"სააკაშვილი ბანდიტია, მისი გუნდის წევრები კი - რეკეტიორები" - რას ერჩის ოდესის გუბერნატორს რადის დეპუტატი?!
14-12-2015
"სააკაშვილი ბანდიტია, მისი გუნდის წევრები კი - რეკეტიორები" -  რას ერჩის ოდესის გუბერნატორს რადის დეპუტატი?!
"მეომართა რეაბილიტაციის ფონდში ჩარიცხული თანხები დღემდე სააკაშვილისა და მისი გუნდის გართობას ემსახურება"

უკრაინის უმაღლესი რადის დეპუ­ტ­ატი, პეტრო პოროშენკოს ბლოკის წევრი დიმიტრი­ გოლუბოვი ოდესის ოლქის გუბერნატორ მიხეილ სააკაშვილს, მის გუნდსა და შსს-ს ოდესის ოლქის სამმართველოს ხელმძღვანელ გია ლორთქიფანიძეს კორუფციაში ადანაშაულებს. როგორც უკრაინელმა დეპუტატმა "კვირის პალიტრასთან" აღნ­იშნა, შესაბამისი მტკიცებულებები უკრაინის ანტიკორუფციულ სამსახურს უკვე წარუდგინა და შესაბამისი ორგანოებისგან სამართლებრივ რეაგირებასაც უახლოეს კვირაში ელოდება:

- არცთუ დიდი ხნის წინ, ოდესაში, ბიზნესმენებმა, მეომართა რეაბილიტაციისთვის საქველმოქმედო
ფონდი შექმნეს - ფონდში ჩარიცხული თანხა ომში დაჭრილთა რეაბილიტაციას, პროთეზების შეძენასა და დაღუპული ჯარისკაცების ოჯახებისთვის ბინის შეძენას უნდა მოხმარებოდა. ფინანსების შეგროვება საქართველოს ყოფილმა კონს­ულმა, თეიმურაზ ნიშნიანიძემ დაიწყო, რომელიც მოგვიანებით, ფონდის დირექტორადაც დაინიშნა. საბოლოოდ, მეომართა თანხები სულ სხვა მიმართულებით გადამისამართდა - დღემდე ფონდი მხოლოდ სააკაშვილისა და
მისი გუნდის გართობას ემსახურება.

- სერიოზული ბრალდებაა...
- ქართველების ეს ბანდა უკრაინაში­ გასტროლებზეა ჩამოსული და საქარ­თველოში არჩევნებისთვის ფუ­ლს­ აგროვებს. "მიხო სასწაულმოქ­მ­ედს"­ უკრაინიდან წასვლა მალე მო­უ­წევს, ჩვენ კი რა დაგვრჩება? გაფ­ლ­ანგული ფული, კორუფციული გარ­ი­გებები და სირცხვილი, რომელს­აც უკრაინის მმართველ გუნდს მიაწერენ­. ბრალდებების ყველა დამადასტურებელი დოკუმენტი მაქვს, საბანკო ამონაწერებით და ამას თავად სააკაშვილიც არ უარყოფს. ყველაფერთან ერთად, თეიმურაზ ნიშნიანიძე­ ბიზნესმენებს­ ატერორებს და ფონდში მილიონების ჩარიცხვას აიძულებს. საერთოდ, ბიზნესის დატერორების სქემა უკრაინაში "მიშკა იაპონჩიკმა" დაამკვიდრა, რასაც "მიშკა ქართველი" წარმატებით აგრძელებს. რაც საქართველოში წლების განმავლობაში ხდებოდა, უკრაინაშიც ანალოგიური მეორდება. თანაც ოდესაში ძალოვან უწყებებს სააკაშვილი მართავს, ბიზნესმენებმა ვისთან უნდა დაიჩივლონ? ვინც მათ წესებს არ დაემორჩილა, ოფისში შეუცვივდნენ და ბიზნესი ძალადობრივად წაართვეს.

- მტკიცებულებები უკრაინელ სამართალდამცავებს უკვე წარუდგინეთ?
- მომავალ კვირაში ანტიკორუფციული სამსახურისგან კონკრეტულ პასუხს ველოდები. კიევის პოლიტიკურ ელიტაში ყველაფერი იციან. უკრაინის რადაში უკვე დიდი ხანია იციან, რომ სააკაშვილი მხოლოდ ტელევიზორში ბაქიბუქობს და კორუფციასთან მებრძოლის იმიჯს ირგებს, რეალურად კი, ყველაზე დიდ კორუფციონერად თავად ჩამოყალიბდა. სააკაშვილი ჩვეულებრივი ყბედია, მაგრამ მისი ზღაპრები მალე საპნის ბუშტივით გასკდება.



- ცოტა ხნის წინ ფარული სატელეფონო­ ჩანაწერები გავრცელდა, რომლის მიხედვით იკვეთება, რომ სააკაშვილსა და პოროშენკოს შორის ურთიერთობა შანტაჟის ფორმას იღებს. რეალურად რა ბერკეტი აქვს დღეს საქართველოს ექსპრეზიდენტს უკრაინაში?
- სააკაშვილი მუდმივად ცდილობს უკრაინაში რაც შეიძლება მეტი გავლენა მოიხვეჭოს, მაგრამ ყველაფერი იმით დამთავრდება, რომ მას ოდესის გუბერნატორობიდან გადადგომა მოუწევს. ვფიქრობ, სამ-ოთხ თვეში სააკაშვილი ახალ პოლიტიკურ პარტიას შექმნის და ოპოზიციაში წავა. სხვა გზა მას არა აქვს - საქართველოში დაბრუნება არ შეუძლია, უკრაინაში კი მოსწონს, რადგან ფულის დაგროვების შესაძლებლობა ეძლევა.

- ოპოზიციაში გადასვლით სააკაშვილი გაპრ­ემიერებას შეეცდება?
- სააკაშვილი დიდი ხანია უკრაინის პრემიერად დანიშვნას ცდილობს­. ამ მიზნით, ის უკრაინის რადის დეპუტატებსაც არაერთხელ შეხვდა და მათ მხარდაჭერას სთხოვს.
თუმცა, როგორც გითხარით, დეპუტატების უმრავლესობამ კარგად იცის, რომ ოდესის გუბერნატორს მხოლოდ ყბედობა, ცრუ დაპირებების გაცემა და ბიზნესმენების დატერორება შეუძლია. შესაბამისად, მას მიზნის მიღწევა გაუჭირდება. ისიც საეჭვოა, უკრაინის მოსახლეობამ სააკაშვილის სისულელეები დაიჯეროს.
უახლოეს მომავალში ოდესის გუბერნატორის არაერთ კორუფციულ სქემას გამოვააშკარავებ - ყველაფერს გავაკეთებ, რომ მან უკრაინა საქართველოს მსგავსად არ მოა­ტ­ყუოს. სააკაშვილისნაირი ხალხი უკრაინას არ სჭირდება, ეს არა მხოლოდ ჩვენი ქვეყნის იმიჯს, იმ რეფორმებსაც ზიანს აყენებს, რომლის გატარებასაც ვცდილობთ.



"სააკაშვილი საქველმოქმედო ფონდს ძარცვავს"

დიმიტრი­ გოლუბოვი: - სააკაშვილი მეომრების ფულით ბანკეტებს­ აწყობს, მეგობრებისთვის ძვირად ღირებულ ავტომობილებს ყიდულობს, იტალიიდან და თბილისიდან მომღერლებს იძახებს და საკუთარი პიარისთვის ჯარისკაცების პროთეზებისთვის განკუთვნილ თანხებს ფლანგავს. კერძოდ, ფონდიდან 190 000 გრივნა სასტუმრო "ბრისტოლში" ფურშეტ­ისთვის დაიხარჯა, ტელეკომპანია "ინტერში" სამი დღის მანძილზე სააკაშვილის პირადი პიარისთვის 3 მილიონი გრივნა გადაირიცხა, მეტიც, ოთხი მილიონი გრივნით შეიძინეს 6 ავტომობილი "რეფორმატორების" კორტეჟისთვის. 30 000 საწვავში დაიხარჯა; ფონდის ფულით შეიძინეს სააკაშვილის პირადი მცველების გიორგი რუბაშვილისა და გიორგი ცინცაძის თვითმფრინავის ბილეთებიც. 31 ოქტომბერს ჯარისკაცების პროტეზისთვის განკუთვნილი ფულით რომიდან სტამბოლის გავლით ოდესაში ჩამოიყვანეს მომღერალი სოფო ნიჟარაძე, 3 ნოემბერს ეს ქალბატონი კიდევ ერთხელ ჩამოფრინდა ოდესაში იმავე ფონდის სახსრებით. სააკაშვილი საქველმოქმედო ფონდს ძარცვავს. ყოველდღიურად ასე ხდება, მაგრამ რაც მთავარია, სამხედროების სარეაბილიტაციო ფონდის ხარჯზე იმგზავრა ოდესის შს სამმართველოს უფროსმა,­ მილიციის გენერალ-მაიორმა ლორთქიფანიძემ, ეს კი კორუფციული დანაშაულის გამოვლინებაა. ამ ადამიანმა უნდა დაამარცხოს მილიციაში კორუფცია? აბსურდია, სააკაშვილი ბანდიტია, მისი გუნდის წევრები კი - რეკეტიორები.

იხილეთ ასევე: მონეტები მიხეილ სააკაშვილის გამოსახულებით

რუსუდან შელია
dato
18 დეკემბერი 2015 00:47
ვინც დგეს წინა ფლანგზე იბრდძვის მიშაა და რუსულ ვირუს ებრძვის და ამას ვინმე თუ უპირისპირდება ის ამ ქვეყნის მტერია.თქვენ ფიქროფთ პუტინი ამით დაისვენებს არა მას ეზიზგება ქართველი. და სანამ არ განადგურებს არ დაისვენებს.
nan
15 დეკემბერი 2015 16:24
რადას გამაძღარ ვირთხებს სააკაშვილი არ მოსწონდათო,ერთი აკომენტარებს.ესე იგი მშიერებს -- მოსწონთ. ისე, მიშას ფულით საქართველოში რაიმე გაკეთებული თუ არის . როცა ხალხს დაარეკეტებ და შვილებით დააშანტაჟებ, მერე ქონებას წაართმევ და გზებს დააგებ, შენობებს შეღებავ ,ნახევარს საყვარლებში და გართობაზე დახარჯავ,შადრევნებს და ძეგლებს დადგამ, ვის ეთვლება გაკეთებაში, მიშას თუ იმ დარეკეტებულ ხალხს? თუ ვინმეს ასეთი ხელისუფალი მოსწონს, ესე იგი ისიც სხვის ხარჯზე მაცხოვრებელი პარაზიტივიტაა და შორს საქართველოსგან ასეთი ხალხი
აკა
15 დეკემბერი 2015 15:25

აკას-ს და გლახუნას-ს. როგორ მოგმართო?! მე მგონია ერთი და იგივე არარაობა ხართ, სახელს, რომ არ ამბობთ.... გაგებაში არა ხარ ირგვლივ რა ხდება...მეცოდები.. ეტყობა რუსეთმა ჭკუა არ გასწავლა...გილოცავ გადარჩენას, გისურვებ ჯანმრთელობას... 1991-92 და 2008 წლების სისხლიანი ომების მომსწრე ყველა ქართველი, ვინც რუსეთისკენ იყურება, ქვეყნის ამომგდები მტერია, სისხლიანი პუტინისა და რუსული საოკუპაციო ჯარისავით...

რედაქტორის რჩევით