"90% ჩაჭრილი მასწავლებელი რა უბედურებაა?!" - თამარ სანიკიძეს გია მურღულია შეცვლის?!
"90% ჩაჭრილი მასწავლებელი რა უბედურებაა?!" - თამარ სანიკიძეს გია მურღულია შეცვლის?!
პრემიერმა განათლების სისტემაში რამდენიმე მიმართულებით რეფორმა უკვე დააანონსა.

რა მიმართულებით საჭიროებს სისტემა გაჯანსაღებას და შეცვლის თუ არა თამარ სანიკიძეს განათლების მინისტრის პოსტზე, "კვირის პალიტრის" კითხვებს ფილოლოგიის დოქტორი გია მურღულია­ პასუხობს:

- განათლების პოლიტიკის­ მემკვიდრეობითი სისტემა ვერ ჩამოყალიბდა. ვერც პარლამენტი იქცა მის მაკონტროლებელ მექანიზმად, არადა, განათლების კომიტეტი საკანონმდებლო ბაზას უნდა ქმნიდეს, მის აღსრულებაზე კი განათლების სამინისტრო ზრუნავდეს. მხოლოდ ამ პირობის დაცვის შემთხვევაში შევძლებთ განსაზღვრას, სად გავჩერდით, რა გვაქვს გამოსასწორებელი და საიდან
უნდა გავაგრძელოთ მოქმედება. ბოლო 25 წლის განმავლობაში განათლების სისტემის რეფორმირებისთვის სოლიდური ფინანსები ხშირად გაუაზრებლად და ზოგჯერ მავნებლურადაც დაიხარჯა. ფულს ვინ ჩივის, თუმცა ესეც მნიშვნელოვანი ფაქტორია, რადგან უმეტესობა საქართველოსთვის გაცემული კრედიტი გახლდათ, დროც დავკარგეთ. შედეგი კი წლების განმავლობაში ვერ მივიღეთ.

- ეს არ უნდა გახდეს წინა
პირობა, რომ მოქმედი მინისტრი თანამდებობიდან გათავისუფლდეს?

- ამ კითხვას არ ვუპასუხებ. ზოგადად, განათლების სისტემის დაფინანსება და საკადრო პოლიტიკა ბევრის გაკეთების შესაძლებლობას არ იძლევა, მაგრამ ყველაფერი ხომ მაინც შედარებითია, ყოველთვის შეგვიძლია მეტი ვაკეთოთ. განათლების რეფორმა, ვფიქრობ, არასისტემურად და შესაბამისი მონიტორინგისა და საზოგადოებრივი შეფასების გარეშე ტარდებოდა. მაჯაზე ხელის დადებაა აუცილებელი, რომ ვიცოდეთ, რამდენად განათლებულ ახალგაზრდა თაობას ვზრდით.

- რეფორმებს შორის ყველაზე მტკივნეული მასწავლებელთა პროფესიული დონის განსაზღვრა აღმოჩნდა.
- როგორი მასწავლებელი მინდა მყავდეს, ამის განსაზღვრა სწორია, მაგრამ სახელმწიფომ ისიც უნდა განსაზღვროს, შრომის შედეგი კარგ, საშუალო­ და ცუდ მასწავლებელს შესაბამი­სად აუნაზღაუროს. სახელმწიფო­ მასწავლებელს­ განვითარების შესაძლებლო­ბასაც უნდა აძლევდეს.

- მასწავლებელთა სახლები ამ მხრივ არაეფექტურია?

- სამსაათიანი ტრენინგისგან რა უნდა მიიღოს მასწავლებელმა? ჩვენთან სულ 60 ათასამდე მასწავლებელია, შესაბამისად, მასწავლებელთა სახლებში გამტარუნარიანობაც მცირეა. რეფორმამ გამოავლინა, რომ მასწავლებელთა 90% სასერტიფიკაციო გამოცდებში იჭრება, საუბარია იმის შემოწმებაზე, რას ასწავლის პედაგოგი ბავშვს და რა მეთოდოლოგიით. 90% ჩაჭრილი მასწავლებელი რა უბედურებაა?! ასეთი მასწავლებლებისგან ხშირად მსმენია, პედაგოგობის 30-წლიანი სტაჟი მაქვსო. ეს საამაყო კი არა, სახელმწიფოს სირცხვილია. თუ უხარისხოდ მუშაობ, სტაჟი ინდულგენცია არ არის. მასწავლებლებში მოტივაციაც დაბალია. მოგეხსენებათ, დღეს სკოლები ვაუჩერული პრინციპით ფინანსდებიან და სახელმწიფო ერთ ბავშვში წელიწადში 350 ლარს იხდის. რა ქნას იმ სკოლამ, სადაც მოსწავლეების რაოდენობა მცირეა, მოკვდეს? ამასთან, სკოლის დირექტორს არა აქვს რესურსი, რომ კარგი მასწავლებლის იდეები დააფინანსოს. სახელმწიფოსგან გადარიცხულ თანხებს კომუნალური ხარჯები და სკოლის ადმინისტრაციის სახელფასო ფონდი "ჭამს".

- ამიტომაც დაიწყო სკოლებში ე.წ. ფონდის ფულის აგროვება?

- სამწუხაროდ, საზოგადოება კორუფციაზე უარს თავად არ ამბობს. ხშირად მხოლოდ სიტყვით გვინდა პრობლემების გადაჭრა. ჯერჯერობით მენტალობის ცვლილება მაინც ვერ მოვახერხეთ. მეტიც, არავინ კითხულობს, რა წერია დოკუმენტში ზოგადი განათლების მიზნის შესახებ. მაგალითად, მუსიკის სტანდარტში ეწერა, რომ მე-11 კლასის მოსწავლემ სიმფონიური ორკესტრის დირიჟორობა უნდა შეძლოს. ლიტერატურის სტანდარტში კი ისეთი მოთხოვნებია, მის დაკმაყოფილებას სულ რამდენიმე ლიტერატორი თუ შეძლებს. რა უბედურებაა ეს, ან გვაძლევს კი ამის შესაძლებლობას სკოლის სახელმძღვანელოები?

- გავრცელდა ინფორმაცია, რომ განათლების მინისტრის პოსტზე თამარ სანიკიძეს შეცვლით.
- ასეთ ამბებზე დიდი ხანია მეღიმება. მოლა ნასრედინს უთხრეს, შენი ცოლი სხვებთან დადის და იქნებ ყურადღება მიაქციოო, მოლამ უპასუხა, ტყუილია, თორემ ერთხელ ჩემთანაც შემოივლიდაო... მსგავსი შინაარსის საუბარი ჩემთან არ ყოფილა.

რუსუდან შელია
მკითხველის კომენტარი (45)
a
26 იანვარი 2016 18:03
(გაგრძელება) დასანანია, რომ კომენტართა უმეტესობაში პირადი პრობლემებია გამოხატული, რაც ჩვენს შემთხვევაში ადვილად მისახვედრია.მინდა დავასრულო ჩემიპ რეტენზია პარლამენტის თავმჯდომარის მიმართ. გახსოვთ ალბათ გიგანის და ბედიას მიერ გამოთქმული პრეტენზია განათლების ეროვნული ცენტრის მიმართ, რომელიც ბრწყინვალედ გაახმაურა ჟურნალისტმა (მაპატიოს გვარი აღარ მახსოვს), ამ ორმა მუსიკაში საქართველოს მომავალმა, კონსერვატორიაში ჩაბარებაზე უარი განაცხადა ზოგადი უნარების აუცილებლობის გამო. ჟურნალისტმა პარლამენტიდან დაიწყო, შეკითხვით:"რამდენად გამართულია მისაღების სისტემა თუ ამ სისტემით განსაკუთებულად ნიჭიიერი აბითურიენტი გარეთ დარჩება", განათლების კომიტეტის თავმჯომარეს, მსოფლიოში ცნობილ მეცნიერს ივანე კიღურაძეს მიმართა, რომელმაც დაუყონებლივ უპასუხაა: ასეთი სისტემა უნდა შეიცვალოს. ამავე შეკითვაზე განათლების სისტემის მმართველმა ქალბატონებმა კი:"კიღურაძემ იჩქარა და უხეში შეცდომა დაუშვა". ეს ინციდენტი აბსოლუტურად უყურადღებოდ დატოვა პარლამენტის თავმჯდომარემ, რითაც დამიდასტურა, რომ იგი განათლების სისტემას ბოლომდე გაანადგურებს, რაც საუბედუროდ გამართლდა კიდეც.
a
26 იანვარი 2016 17:55
(გაგრძელება) დასანანია, რომ კომენტართა უმეტესობაში პირადი პრობლემებია გამოხატული, რაც ჩვენს შემთხვევაში ადვილად მისახვედრია.მინდა დავასრულო ჩემიპ რეტენზია პარლამენტის თავმჯდომარის მიმართ. გახსოვთ ალბათ გიგანის და ბედიას მიერ გამოთქმული პრეტენზია განათლების ეროვნული ცენტრის მიმართ, რომელიც ბრწყინვალედ გაახმაურა ჟურნალისტმა (მაპატიოს გვარი აღარ მახსოვს), ამ ორმა მუსიკაში საქართველოს მომავალმა, კონსერვატორიაში ჩაბარებაზე უარი განაცხადა ზოგადი უნარების აუცილებლობის გამო. ჟურნალისტმა პარლამენტიდან დაიწყო, შეკითხვით:"რამდენად გამართულია მისაღების სისტემა თუ ამ სისტემით განსაკუთებულად ნიჭიიერი აბითურიენტი გარეთ დარჩება", განათლების კომიტეტის თავმჯომარეს, მსოფლიოში ცნობილ მეცნიერს ივანე კიღურაძეს მიმართა, რომელმაც დაუყონებლივ უპასუხაა: ასეთი სისტემა უნდა შეიცვალოს. ამავე შეკითვაზე განათლების სისტემის მმართველმა ქალბატონებმა კი:"კიღურაძემ იჩქარა და უხეში შეცდომა დაუშვა". ეს ინციდენტი აბსოლუტურად უყურადღებოდ დატოვა პარლამენტის თავმჯდომარემ, რითაც დამიდასტურა, რომ იგი განათლების სისტემას ბოლომდე გაანადგურებს, რაც საუბედუროდ გამართლდა კიდეც.
მარი
26 იანვარი 2016 17:08
ალბათ, ძალიან ძნელია ამ ყველაფერს გაუჩუმდე. გუშინ სტატია რომ წავიკითხე , საშინელი ტკივილი ვიგრძენი... გვეშველება როდესმე?!. სადამდე მივდივართ, რომელ ევროპას ვემსგავსებით?!. კარგი რა მოგაქვთ მათგან?!. ალბათ, არც არაფერი. გული მეტკინა, 90 % პედაგოგების გამოცდას ვერ აბარებს. ერთხელ მაინც არ დაფიქრებულხართ, ეს ქაღლოდმანია, ეს სქემები და ერთიდაიგივე სიტყვის ტკეპნა მოიტანს სიკეთეს... აჭრელებულია პრესა, თუ ვებ-გვერდები ჩინეთის, ფინეთის სწავლების სისტემით და ჩვენ კი ბავშვებზე ყურადღების ნაცვლად ათას ,,ექსპარიმენტში გვიკრეს" თავი... დღემდე ვერ მოიძებნა ის გზა , რომ არც პედაგოგს შეაძულონ თავის საქმე და სწავლის სისტემაც მორგებული იყოს უნარიანი ახალგაზრდების აღზრდაზე. დღეს მე-12 კლასში გვყავს ალბათ, არანაკლებ 70% მოსწავლე, რომელსაც ინტერესი არ აქვს , სხვასაც ხელს უშლის და ძალით ,,ეჭიდავები "... რა შედეგს დადებს მასწავლებელი... ძალიან გულსატკენია, დონეც დაბალია და მიდგომებიც არასწორია. გვაკლია კვალიფიცირებული კადრი, ჯერ თავში და მერე ალბათ ქვევით საფეხურზეც საზრუნავია. დაიღალა ხალხი ექსპერიმენტებში და ჩასაფრებულ მდგომარეობაში ყოფნით...
!!!
26 იანვარი 2016 15:19
ევროპაო, რომ გაიძახით და მხოლოდ მასწავლებლების კონტროლზე რომ გაქვთ გეზი აღებული, იმ ევროპაში არ დადიხართ, ვერ ხედავთ, როგორი განათლების სისტემაა იქ, რა ხდება ევოპულ სკოლებში, უმაღლეს სასწავლებლებში?
ოდნავ მაინც მიბაძეთ და აღარ დაგჭირდებათ დღე და ღამე მასწავლებლების "პროფესიულ" ზრუნვაზე ფიქრი და ფულის ხარჯვა. სხვა მიმართულებით დსახარჯეთ თანხა და შედეგსაც ნახავთ!!!
ნანა
26 იანვარი 2016 15:16
ბატონო გია! მაინტერესებს,რატომ არ არის შეფასების ჯგუფი მზად იმისთვის რომ ჩავატარო გაკვეთილი.ხომ გვპირდებოდით,ჩვენც მზად ვართ რომ გადავიდეთ მომდევნო სტატუსზე.სტიმული მეკარგება,ნუთუ არასდროს არ უნდა დამიფასდეს შრომა სკოლაში.სადაა ეს სქემა!რას აკეთებს სისტემა
!!!
26 იანვარი 2016 15:11
1. სკოლებში დაფინანსების სისტემა უნდა შეიცვალოს (ვაუჩერზე დამოკიდებული სკოლა "ინახავს" მოსწავლეებს და გადაყავს კლასიდან კლასში ის მოსწავლეებიც, რომლებსაც არ სურთ სკოლაში დარჩენა და სწავლა (აქ საუბარია საშუალო საფეხურზე);
2. ყველა სკოლა უნდა ჩადგეს თანაბარ პირობებში (ინფრასტრუქტურა, მატერიალურ-ტექნიკური რესურსი, დაფინანსება და ა.შ.);
3. მასწავლებელს არ უნდა უწევდეს საკუთარი სახსრებით სხვადასხვა რესურსის ყიდვა და მოძიება, იმისათვის რომ, თუნდაც, რაიმე პროექტი განახორციელოს, ეს უნდა უზრუნველყოს სკოლამ;
4. მოსწავლეთა რაოდენობა კლასში არ უნდა აღემატებოდეს 20-ს;
5. სახელმძვანელოები და პროგრამები ძირეულად უნდა შეიცვალოს, ის რაც ახლა არის, სრული მარაზმია;
6. უმაღლეს სასწავლებლებში ჩასარიცხი ბარიერი უნდა აიწიოს მინიმუმ 50%.
ეს არასრული ჩამონათვალია, თუმცა განათლების ხარისხზე პირდაპირ აისახება.
ამის შემდეგ იზრუნეთ მასწავლებლების პროფესიულ განვითარებაზე. სხვა შემთხვევაში ყველა მცდელობა იქნება ფუჭი და უშედეგო!
gigo
26 იანვარი 2016 15:03
საოცრად დაეცა ადამიანთა ინტელექტი და აკადემიური განათლების დონე.ასეთი ჩამორჩენილი ახალგაზრდობა ალბათ ქვეყანას არასოდეს ყოლია.ახალგაზრდას, თბილისის უბანი "აფრიკა"ტერიტორიულად აფრიკაში რომ ეგონება, ვფიქრობ, კომენტარები ზედმეტია.წიგნი ალბათ 80% არ წაუკითხავს.კ ა ტ ა ს ტ რ ო ფ ა !
naTia
26 იანვარი 2016 13:58
თქვენ არ იცით, ალბათ როგორ არ უყვართ მასწავლებელი რომელიც ყველაზე კარგია და ყველა ბავშვს უყვარს. ერთ-ერთ სკოლაში გამოდიოდა სკოლის გაზეთი, იქ იყო ასეთი სვეტი, ჩემი საყვარელი მასწავლებელი, ჩემი შვილი ხვდებოდა თითქმის პირველ ადგილზე და რა მოხდა? მასწავლებელი აითვალიწუნეს დანარჩენმ ამასწავლებლებმა. ჩვენთან არ უყვართ თავისზე კარგი, თავისზე ნიჭიერი, თავისზე განათლებულიდა ა. შ. 18 წლის წინ დამთავრებულმა მოსწავლეებმა დღესაც აღფრთოვანებით ილაპარაკეს მასზე. მე არ მინდა მისი გვარიდა სახელი დავასახელო, მაგრამ ბავშვები, რომლებიც დჟურნალიოსტები,მსახიობები, მუსიკოსები ზოგიერთი სოფეშიდაც წავიდა სამუშაოდ, ამბობენ, ადამიანებს არ სჯერათ მასზე, რომ ვყვებით რა მასწავლებელი გვყავდაო. დღემდე მეგობრობენ მასთან და ხშირად ღჩწევებსაც ეკითხებიან.მისთვის ბავშვები ყველაფერია დამაგონდება ბაბუაჩემის ნათქვამი; ღმერთმა გამოგზავნა ქვეყნად ორი პიროვნება მღვდელიდა მასწავლებელი, ადამიანების სამწყესავადო... პროფესიას დაუფლება უნდა და არა ფულით აღებული ნიშნები, თანამდებობები და ავტორიტეტი. გააკარით სკოლაში განცხადება, ვის რომელ მასწავლებელთან უნდა სწავლადა ბავშვები თავად გეტყვიან მათ პროფესიალიზმზე ყველაფერს.
-
26 იანვარი 2016 13:55
მარტო ჩაჭრილი, ენას რომ უკიდებს და წიგნის მაგიერ წინგნის რომ ამბოსბდა , :მითომ "ვითომს მაგივარად და მითვინ და ა.შ კარგით რა 90% ჩაჭრილი კია არა . იმერული ესკიზების მასაწავლებელია 90%. ასე რომ კარგია თუ ამას ყურადღება მიიქცევა
naira
26 იანვარი 2016 12:53
ბნ გია , რა არის მე12 კლასი და ვის სჭირდება, დასვით საკითხი რომ გაუქმდეს, მე 10 კლასი დავამთავრე და რაც საჭირო იყო ვისწAVLE

რუბრიკის სხვა სიახლეები
როგორ შეაფასებთ გიორგი გახარიას წლიურ ანგარიშს?
თქვენი აზრი მნიშვნელოვანია!
როგორ შეაფასებთ გიორგი გახარიას წლიურ ანგარიშს?