"კოალიციას მივმართავ, - გააკეთონ არჩევანი! თოფაძემ კი სხვა საქმეებს მიხედოს"
"კოალიციას მივმართავ, - გააკეთონ არჩევანი! თოფაძემ კი სხვა საქმეებს მიხედოს"
"თოფაძე ანტირესპუბლიკურ კამპანიაზე არ დახურდავებულა, ამ საქმეში სხვა ხალხია შემჩნეული"

"თუ თოფაძეს ხელისუფლების კურსი არ მოსწონს, რა უნდა მას მმართველ გუნდში?"


"რესპუბლიკელებისა" და "მრეწველების" დაპირისპირებიდან პარტია "ქართული ოცნების" წევრმა თამაზ მეჭიაურმა მარტივი გამოსავალი იპოვა - ორივე პარტიამ დამოუკიდებლად იყაროს კენჭიო. ამ განცხადების შემდეგ, საზოგადოების გარკვეულ ნაწილში გაჩნდა ეჭვი, რომ რეალურად კოალიციის ხელმძღვანელობა გოგი თოფაძის ავანსცენაზე გააქტიურებით, "რესპუბლიკელების" გაერთიანებიდან ჩაჩოჩებასა და მათი ამბიციების მოთოკვას ცდილობს. ცნობილია, რომ "რესპუბლიკელები" კოალიციასთან კვოტებზე სავაჭროდ ემზადებიან, რაზე
You must have Flash Player installed in order to see this player.
მინიშნებებიც საჯაროდაც არაერთხელ გაკეთდა. მათ პოლიტიკურ აღზევებას კი, გაერთიანებაში გარკვეული ჯგუფი დიდი ხანია ეწინააღმდეგება. ასეა თუ ისე, გადამწყვეტი ბრძოლა დაიწყო და მალე, სავარაუდოდ, "რესპუბლიკელებს" არჩევანის გაკეთება მოუწევთ - ან კოალიციაში დარჩებიან და მიიღებენ იმას, რასაც საარჩევნოდ შესთავაზებენ, ან ოპოზიციაში გადანაცვლება მოუწევთ, რაც, როგორც ჩანს, კოალიციის ნაწილს ნაკლებად აწუხებთ. მანამდე კი, თამაზ მეჭიაურის "შემოთავაზებაზე" "რესპუბლიკელების" პასუხით დავინტერესდით და დავით ბერძენიშვილს დავუკავშირდით:

- თამაზ მეჭიაურმა "რესპუბლიკელებისა" და "მრეწველების" კოალიციიდან გასვლის საკითხი, პირველ რიგში, საკუთარ პარტიაში დასვას. დეკლარირებულია, რომ "ქართული ოცნების" ფრაქციას გიორგი
ვოლსკი ხელმძღვანელობს, როგორც დაანონსებულია, პარტიის თავმჯდომარე მალე გიორგი კვირიკაშვილი გახდება, კახა კალაძეც პარტიის გენერალური მდივანია. ჯერჯერობით, მათი პოზიცია თამაზ მეჭიაურის შეხედულებებისგან განსხვავდება.

- და ფიქრობთ, რომ მეჭიაურის ეს პოზიცია პარტიასთან
წინასწარ შეთანხმებული არ იყო?

- ზოგადად, თამაზ მეჭიაური საინტერესო დეპუტატია, ზოგჯერ, ისეთ განცხადებებს აკეთებს, კომენტირებაც კი რთულია.

- ყოველ შემთხვევაში, "რესპუბლიკური პარტიის" მისამართით გაკეთებულ განცხადებებზე არ გაკეთებულა განმარტება, რომ მის მოსაზრებებს პარტიის ლიდერები არ იზიარებენ.
- ამ საკითხზე "ქართული ოცნების" ხელმძღვანელებმა უნდა ილაპარაკონ, მათ პოზიციას მართლაც ველოდებით. ჯერჯერობით, მაინც მგონია, რომ ეს აჟიტირებული ლაპარაკია, მაგრამ თუ "ქართული ოცნება" დისკუსიას ხსნის, კი ბატონო, შევხედავთ, მოვლენები როგორ განვითარდება.

- გაჩნდა მოსაზრება, რომ გოგი თოფაძის
განცხადება შემთხვევითი არ ყოფილა და "რესუბლიკელების" წინააღმდეგ გარკვეული გეგმის ნაწილია - გამორიცხავთ, რომ ამ გზით კოალიციის ხელმძღვანელობა თქვენი პოლიტიკური ამბიციების შესუსტებას ცდილობს?

- ამას გამოვრიცხავ. გოგი თოფაძე "რესპუბლიკურ პარტიას" კი არა, კონკრეტულად თინა ხიდაშელს ერჩის. მან ერთ-ერთ ინტერვიუში განაცხადა კიდეც, "რესპუბლიკელები" კარგები არიან, ხიდაშელია - ცუდიო. თოფაძე ანტირესპუბლიკურ კამპანიაზე არ დახურდავებულა, ამ საქმეში სხვა ხალხია შემჩნეული. ის, როგორც "უფრო მსხვილი კალიბრის ფიგურა", ვიდრე "რესპუბლიკურ პარტიაზე" გაბრაზებული სხვა პოლიტიკოსები არიან, პირდაპირ საქართველოს ხელისუფლებას დაუპირისპირდა. გავიხსენოთ მისი ფრაზები, რომ ნატო აგრესიული ბლოკია, საქართველო კი ნეიტრალური ქვეყანა უნდა იყოს. თოფაძე დასავლური კურსს ღიად უპირისპირდება. თანაც, მისი განცხადებები საგარეო ვიზიტებს ემთხვევა, სწორედ იმ პერიოდს, როდესაც კვირიკაშვილი მიუნხენის კონფერენციაზე პარტნიორებზე კარგ შთაბეჭდილებას ტოვებს და აქტიურად ვისმენთ განმარტებებს ნატო-ში საქართველოს გაწევრებაზეც. მაინტერესებს, თუ თოფაძეს ხელისუფლების კურსი არ მოსწონს, რა უნდა მას მმართველ გუნდში? საგარეჯოს საკითხი მან მხოლოდ პოლიტიკურ საბაბად გამოიყენა, რეალურად კი, მისთვის საგარეო პოლიტიკაა არსებითად მნიშვნელოვანი.

- მიანიშნებთ, რომ თოფაძე ხიდაშელს რუსული ინტერესების გათვალისწინებით დაუპირისპირდა?
- ამაზე არცერთ ჩემ საჯარო გამოსვლაში მისაუბრია, მაგრამ ფაქტია, რომ მისი განცხადებები ანტიდასავლურ კურსზე მეზობლის განცხდებებს ემთხვევა. თოფაძე ანტიდასავლურად განწყობილ პირებთან, მათ შორის, ლევან ვასაძესთან ერთად ცდილობს ჯგუფის წამყვანი ფიგურა გახდეს. ვასაძესთან პრეტენზია არ მაქვს, რადგან ის საქართველოს ხელისუფლებას არ წარმოადგენს, თოფაძე კი, მმართველ გუნდშია. ამიტომაც მიჩნდება ლეგიტიმური კითხვა, რატომ არის ე ს ადამიანი ჩვენს რიგებში?

- თუ საბოლოოდ, გადაწყდა, რომ კოალიციაში "მრეწველებიც" რჩებიან, გაერთიანებაში პარტიებთან თანამშრომლობა როგორ წარმოგიდგენიათ?

- "რესპუბლიკელები" კოალიციის სუბიექტებთან ნორმალურ ფორმატში თანამშრომლობა არ გაუჭირდება. უბრალოდ, კოალიციას მივმართავ, - გააკეთონ არჩევანი! თოფაძემ სხვა საქმეებს მიხედოს.

რუსუდან შელია (სპეციალურად საიტისთის)
მკითხველის კომენტარი (11)
tina
29 თებერვალი 2016 05:35
კი მაგრამ საინტერესოა ხალხს არ ეკიტხებით გვინდა თუ არა რესპუბლიკელები? საოცარია ვირს პიტნა ეჯავრებოდაო ისა თქვენი საქმე ტქვე 2% იანებო.თოფაძე აგისჰენდა ოჯახი ხალხის სათქმელი რომ თქვი არა და ახალი არაფერი უთქვია საგარეჯოს არჩევნები რომ გააყალბა ხიდაშელმა ეგ ყველამ კარგად იცის.რაც კი აქ კომენტარები დაიწერა ვეტანხმები სიმართლეა.თუ მაგრები ხართ ცალკე იყარეთ კენჭი და მაშინ მიხვდებით ვანა ხართ

gg
22 თებერვალი 2016 09:30
რესპუბლიკელები ქვეყანაში - მოსაცილებელი მუწუკი კაცის სხეულზე.
dato d.
20 თებერვალი 2016 14:10
რესპებო, ამბიციები მოთოკეთ, ხომ არ დაგავიწყდათ თქვენი ამომრჩეველი რამდენი პროცენტია. რომ ჩაიხვიეთ ევროპული იდეალების და ნატოს მომხრე პარტია ვართო, კიდევ რისი მომხრე ხართ, ერთსქესიანთა ქორწინების, სკოლების გარყვნის და რისი იმედი გაქვთ საელჩოების არა? მაგრამ არჩევნებში ქართველი ხალხი იღებს მონაწილეობას რომელიც თქვენ პარტიას ქვეყნის მტრათ უყურებს. ვერ გამიგია ასეთი უჯიშოები სად შეიკრიბეთ, ეკლესიას ებრძვით, ტრადიციებს ებრძვით. ქვეყანას უნდა მართავდეს პრო ქართული ხელისუფლება რომელიც მოლომდე იბრძოლებს ქართული ინტერესების დაცვისთვის და არ იქნებიან ყველა საელჩოს მონები ამერიკა, ევროპიდან. დუპლეტებო, როდის დარღვეულა საქართველოში რომელიმე რელიგიური ჯგუფის უფლებები, დედა ეკლესიას რომ ებრძვით თქვენ და დასავლეთის სპეცსამსახურებიდან დაფინანსებული ე.გ.წ. არასამთავრობოები, როდისმე გაგიბედიათ და თურქეთში ქართველ ეკლესიის მსახურებს,ქართულ დაპყრობილ მიწებზე ეკლესიებში, წირვაზე აღარ ვსაუბრობ შესამოსელის გახდას რომ თხოვენ ჟანდარმები და იქაური ტლუ " მეგობარი" ქვეყნის მოსახლეობა, არ ამოგიღიათ და არც ამოიღებთ იმიტომ რომ გიხარიათ. აზერბაიჯანში კახში ყურმუხის წმინდა გიორგის ეკლესია დაგვიკეტეს და წინამძღვარი გაადეპორტრეს არც მაშინ გაგიღიათ ხმა.ხოლო ამ პატარა საქართველოში 250 მეჩეთი ავაშენებინეთ,ამდენი რა საჭიროა არ მესმის ამას მხარს უსჭერთ, თან დიდ სიამოვნებას იღებთ. "ევროპელო" რესპებო, რას მიახწიეთ ან ნატოს მიმართულებით ან ევროპის, რომელ კომიტეტეტს ევრო ინტეგრაციას დიდი გახრწნილი "ტვინიკოსი" და კომუნისტების ნასედკა ბერძენიშვილი ხელმძღვანელობს, ხოლო თავდაცვის მინისტრად ხიდაშელი,რომ ეყოლება ქვეყანას რომელიც,ღმერთს და ეკლესია ქვეყნის განვითარების შემაფერხებელად აცხადებს იმ ქვეყანას განვითარება კი არა ღვთის რისხვა არ ასცდება. გული მოგიკვდება ქართველს, პატრიოტს როცა წმინდა თამარ მეფის, წმინდა წამებული დედოფლის ქეთევანის ქვეყანაში ხიდაშელი რომ ნატოთი გვბურღავს,ისინი გვეუბნებიან უკვე მერამდენეთ არას და ეს მაინც ვითომ "დიდი " თავდაცვის მინისტრი ხალხს მასხრად იგდებს. ოცნებას ვაფრთხილებ რესპები კოალიციაში ნიშნავს მინუს 15-20% მაგრამ მერე ამ სკამის მონებს ოცნებაში ეშინიათ ვიღაცა ჭე კლასის ევროპელმა რამე არ დაგვაბრალოს.
ზური
20 თებერვალი 2016 14:09
კოალიციას მიმართავს ბიჭი.კოალიციაში რომ არ ყოფილიყავით და ბიძინას სახელს არ ამოფარებოდით ვინ მოგცემდათ ხმას რესპუბლიკელებს მაგას რატომ არ იძახით...
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
რუბრიკის სხვა სიახლეები