"რესპუბლიკელები" ტროას ცხენივით შემოყვნენ ივანიშვილს პოლიტიკაში" - კვირის პალიტრა

"რესპუბლიკელები" ტროას ცხენივით შემოყვნენ ივანიშვილს პოლიტიკაში"

"მინდა მჯეროდეს, რომ სააკაშვილის სისხლიანი რეჟიმის შეცვლისას, ამერიკელებმა დააძალეს ბიძინა ივანიშვილს "რესპუბლიკელების" კოალიციაში შეყვანა და ეს მისი იდეა არ იყო"

"გოგი თოფაძის განცხადებები ანტიდასავლურ კურსზე ჩრდილოელი მეზობლის განცხდებებს ემთხვევა. თოფაძე ანტიდასავლურად განწყობილ პირებთან, მათ შორის, ლევან ვასაძესთან ერთად ცდილობს ჯგუფის წამყვანი ფიგურა გახდეს. ვასაძესთან პრეტენზია არ მაქვს, რადგან ის საქართველოს ხელისუფლებას არ წარმოადგენს, თოფაძე კი, მმართველ გუნდშია. ამიტომაც მიჩნდება ლეგიტიმური კითხვა, რატომ არის ე ს ადამიანი ჩვენს რიგებში?" - განაცხადა გოგო თოფაძისა და რესპუბლიკური პარტიის დაპირისპირების თაობაზე საუბრისას დავით ბერძენიშვილმა (იხილეთ სრულად). ამ საკითხს ბიზნესმენმა ლევან ვასაძემ "კვირის პალიტრასთან" ისაუბრა:

"როდესაც საქართველოს მოღალატეები მის ვნებასა და ნგრევას აგრძელებენ, ჩვენ სხვა არჩევანი არ გვრჩება გარდა იმისა, რომ ყველაფერს თავის სახელი დავარქვათ, თუნდაც ამის შედეგად მორიგი ცილისწამებისა და სიბინძურის ტალღა მივიღოთ.

მინდა მჯეროდეს, რომ სააკაშვილის სისხლიანი რეჟიმის შეცვლისას, ამერიკელებმა დააძალეს ბიძინა ივანიშვილს "რესპუბლიკელების" კოალიციაში შეყვანა და ეს მისი იდეა არ იყო. ალბათ, ეს იყო ულტიმატუმი - თუ არ იქნებოდნენ კოალიციაში "რესპუბლიკელები", ივანიშვილს საპარლამენტო არჩევნებზე გამარჯვების შანსი არ ექნებოდა. ამრიგად, მიმაჩნია, რომ "რესპუბლიკელები" ტროას ცხენივით შემოყვნენ ივანიშვილს პოლიტიკაში და უცხოელი პატრონების დაკვეთით მოექცენ ხელისუფლების სათავეში. 9 აპრილის შემდეგ, როდესაც ცოცხალ-მკვდარი კრწანისში თვალის კლინიკაში ვიწექი, ქართველმა ნამუსიანმა კომუნისტებმა პარტბილეთები გადაყარეს, კომპარტიამ კი მაშინ დაიწყო დაცლილი კვოტების შევსება და თავის რიგებში ის ხალხი მიიღო ვისაც ძალიან უნდოდა, მაგრამ ვერ ხვდებოდა პარტიაში. დავით უსუფაშვილმა სწორედ მაშინ აიღო პარტბილეთი, მის მეუღლეს, ქალბატონ თინა ხიდაშელს კი ნათქვამი აქვს მე სულ არ მედარდება საქართველო დაიბრუნებს თუ არა აფხაზეთსო და დღეს ის ჩვენს მეომრებს ხელმძღვანელობს, რაც მათი შეურაცხყოფაა...

ლევან ბერძენიშვილის მიერ კა-გე-ბე-სთვის მიერ მიცემული აღიარებითი ჩვენებები კი ყველას წაკითხული გვაქვს. ახლა დავით უსუფაშვილი, თინათინ ხიდაშელი და ძმები ბერძენიშვილები მასწავლიან საქართველოს დამოუკიდებულეობისთვის ბრძოლას და ვაჟკაცობას?! ხვალ ჩინურმა კონფუციონიზმმა თუ რუსულმა აღორძინებულმა იმპერიალიზმმა საქართველოდან ამერიკელები და ევროპელები რომ გააძევონ, "რესპუბლიკელებს" ვერავინ დაასწრებს მათ სამსახურში ჩადგომას. "რესპუბლიკელებს" არანაირი პრიციპები არ აქვთ და შეიძლება, ხალხს, რომლებიც ნდობით არ სარგებლობენ საზოგადოებაში, ასეთი მაღალი თანამდებობები ეკავოთ?! ესაა ლიბერალური დემოკრატია? დიახაც, რომ სამწუხაროდ, ესაა! ეს იგივე ლიბერალური - დემოკრატიაა, რომელმაც ხალხის გამაუპატიურებელი სააკაშვილი ხელშეუხებელი გახადა. ასე რომ, "რესპუბლიკები" "ნაციონალების" იდეოლოგიური ძმები არიან"

გახდით გაზეთ "კვირის პალიტრის" ხელმომწერი უკვე ინტერნეტში, შეიძინეთ სასურველი პაკეტი და იხილეთ ინტერვიუ სრულად.