უგულავას მეგობარი მერიას 11 მილიონს სთხოვს?!
07-03-2016
უგულავას მეგობარი მერიას 11 მილიონს სთხოვს?!
"უზარმაზარი ზარალის ანაზღაურებაზე ლაპარაკი ბიზნესმენების ვაჭრული ხრიკია"

სამოქალაქო მოძრაობამ "ვაკის პარკის გადასარჩენად" ბრძოლა მოიგო. თბილისის­ საქალაქო სასამართლომ გააბათილა პარკში­ სასტუმრო "ბუდაპეშტის" აშენების ნებართვა, რომელიც გიგი უგულავას მერობის დროს მისივე ხელმოწერით გაიცა. სასტუმრო ქართველ და უცხოელ ინვესტ­ორებს უნდა აეშენებინათ, მათ შორის - უგულავას მეგობარ გოგა ზაქაიძეს. თუმცა თავიდანვე ითქვა, რომ ზაქაიძე ფიქციური მშენებელია, მის უკან თავად ყოფილი მერი დგას, რომელმაც სარეკრეაციო ზონ­აში მშენებლობის ნებართვის გასაცემად თვითნებურად შეცვალა საკან­ონმდებლო რეგულაციები და ამ
ტერიტო­რიას "დაცულის" სტატუსი მოუხსნა.

"ბუდაპეშტის" მშენებლობის მოწინააღმდეგეები უგულავას ამ გადაწყვეტილებას აპროტესტებდნენ. დავა ორი წელია მიმდინარეობს. ამ ხნის განმავლობაში გოგა ზაქაიძემ არაერთხელ განაცხადა, რომ თუ მერიის თანხმობა გაუქ­მდება, "ბუდაპეშტის"­ მშენებლები თავიანთ ინტერესებს სასამართლოში დაიცავენ. "ტიფ­ლის ბიზნეს ჯგუფი" საპროტესტო აქციების დაწყებისთანავე აცხადებდა, რომ მზად იყო "ბუდაპეშტის" აშენებაზე
უარი ეთქვა, თუ მერია ზარალს აუნაზღაურებდა­ - ვაკის პარკში მიწა 3 მლნ აშშ დოლარად შევიძინეთ, ერთი მილიონიც ერთი წლის განმავლობაში (საძირკვლის ამოსათხრელად) დავხარჯეთ, ამასთან, პროექტში სულ ცოტა, 7 მლნ დოლარის მოგებას ვვარაუდობდითო. მოკლედ, გავრცელებული ინფორმაციით, ეს ჯგუფი 11 მილიონ დოლარს ითხოვს მშენებ­ლობაზე უარის სანაცვლოდ. გიგი უგულავას მეგობარი ზაქაიძე კი იმუქრება, მიწათმონაცვლეობასაც არ დავთანხმდებით, თუ ვაკის პარკის ალტერნატივას ჩვენთვის მისაღებ ადგილზე­ არ მივიღებთ, საქართველოდან წავალთ და სასტუმროს იქ ავაშენებთ, სადაც­ კერძო საკუთრება დაცულიაო. ამჯერად, სასამართლომ ნაწილობრივ დააკმაყოფილა მომჩივანთა მოთხოვნა, გააუქმა ვაკის პარკში მშენებლობაზე უგულავასეული თანხმობა, მაგრამ თბილისის მერიას საკითხი განსახილველად დაუტოვა.

ზურაბ ბაქრაძე, მოძრაობა "პარტიზანი მებაღეები":- საკითხის ნაწილობრივ დაკმაყოფილ­ება ნიშნავს იმას, რომ მერიას შეუძლია გააპროტესტოს საქალაქო სასამართლოს გადაწყვეტილება და სააპელაციოში იჩივლოს. ჩვენ ვუჩიოდით თბილისის მერიას, რომელმაც სასტუმროს მშენებლობაზე ნება­რთვა გასცა, და არა ბიზნესმენებს თუ მათ ჯგუფს,­ რომელიც გაურკვეველი ზარალის ანაზღაურებას ითხოვს (ისინი მესამე მხარე­ არიან). ჩვენი­ ინფორმ­აციით, მიწა, სადაც მშენებლობას აპირებდნენ, ნისიად აიღეს, გადახდას აპირებდნენ მას შემდეგ, რაც მშენებლობას დაიწყებდნენ. თუ გამოიძიებთ, ნახავთ, რომ "ბუდაპეშტის"­ მშენებ­ლობის დასაწყებად ან იმ მიწაზე რაიმე პრეტენზიის გასაცხადებლად ბევრი არაფერი დახარჯულა და უზარმაზარი ზარალის ანაზღაურებაზე ლაპარაკი ბიზნესმენების ვაჭრული ხრიკია. მერიაში გვეუბნებოდნენ, რომ ბიზნესმენებთან მიწის მონაცვლეობაზე ლაპარაკი სურდათ. ინვესტორი აცხადებდა, არავინ დაგვკავშირებიაო.

მერიას შეუძლია განაახლოს საქმის წარმოება, გასცეს ახალი ნებართვა, რაც შესაძლოა კვლავ სადავო იყოს ან არ იყოს. ასევე შეუძლია იჩივლოს ან არ იჩივლოს შემდგომ ინსტანციაში. ამის უფლება აქვს და თუ გამოიყენებს, თავიდან დაიწყება ბრძოლა. ამიტომაც სასამართლოს ეს გადაწყვეტილება ნაწილობრივ ჩვენი გამარჯვებაა."

"კვირის პალიტრა" შეეცადა მერიის პო­ზი­ციაც შეეტყო, თუმცა საზოგადოებასა და პრესასთან ურთიერთობის სამსახურში განაცხადეს, რომ ამ ეტაპზე მერია კომენტ­არს­ არ აკეთებს და ამზადებს ოფიციალურ განცხადებას. შევეცადეთ, არაოფიციალური­ წყაროს საშუალებით მოგვეპოვებინა ინფ­ორ­მაცია, რის თანახმადაც, მერია სააპელ­აციოში ჩივილს არ აპირებს და ბიზნესმენებს ვაკის პარკის მიწის სანაცვლოს შესთავაზებს. მერიაში არაოფ­იციალურ საუბრებში იმასაც გვიდასტურ­ებენ, რომ ვაკის პარკის ის ნაწილი, სადაც სასტუმროს აშენება სურდათ, მართლაც ნისიად არის გაყიდული. ამასთან, არასერიოზულად მიიჩნევენ ბიზნესმენების მოთხოვნას ზარალის, 11 მლნ დოლარის ანაზღაურებაზე. "იურისტები ჩვენც გვყავს და ვიც­ით, კანონით ვის რა ეკუთვნის. არ ვაპირებთ ვინმეს ტყუილად გადავუხადოთ თანხა, რომელიც უამრავ მნიშვნელოვან საქმეს უნდა მოხმარდეს", - აცხადებენ არაოფიც­იალურ საუბ­რებში. არადა, თანამდებობაზე ყოფნის დროს სხვანაირად ლაპარაკობდა­ თბილისის მერიის არქიტექტურის სამსახურის ყოფილი უფროსი ნინო ღოღობერიძე - ბიზნესმენებს "ბუდაპეშტის" მშენებლობაზე­ წინა ხელისუფლებისგან აქვთ თანხმობა და მათი შეზღუდვა არავის­ შეუძლიაო. ღოღობერ­იძეს ვერც ის გაეგო, მშენებლობის შემთხვ­ევაში ვაკის პარკს მნიშვნელოვანი ზიანი რატომ მიადგებოდა. როგორც ჩანს, მერიაში სამსახურების უფროსების შეცვლასთან ერთად თავგასული ბიზნესმენების მიმართ მიდგომებიც შეიცვალა და მათი ალოგიკური მოთხოვნების შემზღუდვ­ელი მექანიზმიც იპოვეს. თუმცა, ვინ იცის?! ვნახოთ, მერია ოფიციალურად რას განა­ცხადებს, ნარმანია­ თავის სიტყვებს უკან წაიღებს თუ არა. როდესაც მშენებლობის წინააღმდეგ აქციები დაიწყო, მერმა განაცხადა, ინვესტორს კანონიერი უფლება აქვს და აშენებსო...

სასამართლომ მშენებლობის უფლება იმიტომ გააუქმა, რომ მერიის მიერ ზონა­ლური შეთანხმების გაცემისას არ გამოკ­ვ­ლეულა, რა ნეგატიური ფაქტორები მოჰ­ყვებოდა მშენებლობას ვაკის პარკში და რა გავლენას იქონიებდა რეკრეაციულ გარემოზე. იმდროინდელმა მერმა საზოგადოების ინტერესებიც არაფრად მიიჩნია.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით
რუბრიკის სხვა სიახლეები