"ივანიშვილის გააქტიურება გადამწყვეტი ფაქტორი იქნება"
13-06-2016
"ივანიშვილის გააქტიურება გადამწყვეტი ფაქტორი იქნება"
"ვიზალიბერალიზაციას აუცილებლად მივიღებთ, შეფერხებაზე საუბარი კი ამ პროცესის შემადგენელი რგოლია"

"ოპოზიცია­ ეუთოს ანგარიშიდან იმ ეპიზოდებს იყენ­ებს, სადაც მათივე განწყობაა ასახული..."


კორცხელის ინციდენტში საპარლამენტო­ ოპოზიციის ბრალდებებს "ქართულმა ოცნებამ" საარჩევნო შტაბის ხელმძღვანელად კახა კალაძის დანიშვნით უპასუხა. რამდ­ე­ნ­ად კარგი "კაპიტანი" იქნება ყოფილი ფეხბურთე­ლი პარტიისთვის, ამას არჩევნ­ების შედეგები გამოავლენს, მანამდე კი კითხვებს: ვის ვიხილავთ საარჩევნო სიაში და როდის­ წარუდგენს მას მმართველი პარტია საზოგა­დოებას? რა კავშირი ჰქონდა კორცხელის ინციდენტთან? - ვიცე-პრემიერი კახა კალაძე პასუხობს.

-
საარჩევნო კამპანია დაიწყო, ოპოზი­ც­იამ­ რამდენიმე მაჟორიტარი კანდიდატი უკვე წა­რადგინა, "ქართული ოცნების" სიაზე­ კი მხო­ლოდ ის არის ცნობილი,­ რომ მასში გიორგი კვირიკაშვილი და დიდი ალბათ­ობით, მანანა კობახიძე იქნ­ებიან. ამომრჩევლებისთვის კანდ­იდატების წარდგენას ხომ არ აგვიანებთ?

- პარტია ემზადება ისე, როგორც საჭიროა. ვეცდებით ამომრჩეველს გასაგებად­ ჩავაბაროთ ამ ოთხი
წლის ანგარიში, პარა­ლელ­ურად, მომავალი ოთხი წლის რეალურ საფუძველზე აწყობილი სამომავლო გეგმაც გავაცნოთ და არა ფურცელზე დაწერილი დაპირებები, რასაც ჩვენი წინამორბედების დამსახურებით, ხალხი უნდობლად ხვდება. მხოლოდ დასაბუთებული პროგრამა გვექნება შემდგომი წლების შესახებ. რაც შეეხება­ სიას, საარჩევნო კამპანიისთვის დიდი დროა გამოყოფილი. ასე რომ, არც სიის დამუშავებას ვჩქარობთ, არც პრეზენტაციას.

- ითქვა, რომ საარჩევნო სიის სამეულში­ თქვენც განიხილებით. რა პრინციპით შეარჩევთ დანარჩენ წევრებს და ხედავს თუ არა გუნდი პარტიის განახლების აუცილებლობას?

- ცხადია, განახლება საჭიროა, 2012 წელს გუნდი სულ სხვა პოლიტიკურ რეალ­ობაში შეიქმნა, ამჟამად განსხვავებული გამოწვევებია როგორც პარტიის, ისე ქვეყნ­ის წინაშე. მოსახლეობასაც სხვა მოლოდინი აქვს, ამიტომ ცვლილებები ლოგიკურია და გადაადგილებებიც პრიორიტეტების გათვალისწინებით მოხდება. პირველ რიგში, პოლიტიკურად ეფექტიან გუნდზე­ ვზრუნავთ.

- საარჩევნო გარემოს სამართლიანობაზე თუ იზრუნებთ? ეუთოს ანგარიშში ხაზგასმით არის მითითებული ამომრჩეველზე შესაძლო­ ზე­წ­ოლაზე და საარჩევნო კანონმდებლობაზე,­ რომ­ელიც საერთაშორისო ორგანიზაციებისა და ოპოზიციის მოთხო­ვნების მიუხედავად, ხელისუფ­ლებამ არ შეცვალა.
- ეუთოს მისიასთან აქტიურად ვთან­ამშრომლობთ, მათ პრემიერმაც სთხოვა, არჩევნებზე დამკვირვებლების რაოდენობა მაქსიმალურად გაზარდონ. საქართველოში­ 26-29 აპრილს საჭიროების შემფასებელი მისია­ იმყოფებოდა, რათა წინასაარჩევნო გარემოს შესწავლის შედეგად გაეწია რეკ­ომ­ენდაცია ODIHR-ისთვის... გაიმ­ართა შეხვედ­რები პარტიებთან, მედიასთან, არასამთავრობო სექ­ტორსა და სახელმწიფო უწყებებთან. ანგ­არიში მრავალფეროვანია­ და ამასთან, ასახავს პროცესების ხედ­ვას­ ოპოზიციური პარტიების რაკურსიდან. მაგ­ალითად, "ნაციონალურმა მოძრაობამ" რა ნეგატიური ინფორმაცია მიაწოდა მისიას,­ ამ ნაწილის ტირაჟირ­ებას ახდენენ... ანგ­არიშში დადებით­ ტენდენციებზეც არის საუბარი. მაგალითად,­ საკონსტიტუციო სასა­მართლოს გადაწყვეტილების შესაბამისად, მაჟორიტარული ოლ­ქების ცვლილება მოხდა, დიდწილად დაკმაყოფილდა არჩევითობის თანასწორობის პრინციპიც, გაიზარდა პარტიებისათვის­ გამოყოფილი საეთერო დრო და ფინანსური­ სანქციებიც დაკონკრეტდა. საარჩევნო კამპანიასთან, მედიასა და დაფინანსებასთან დაკავშირებით, დანარჩენი რეკომენდაციები ჯერ არ შესრულებულა,­ თუმცა პროცესში ვართ.

- სპორტსმენების­ "საა­რჩევნო ვოიაჟი" კითხვის ნიშნებს არ აჩენს?

- საარჩევნო კამპანიის პროცესში უსაფრთხოების სამსახურის ჩარ­ევის, დაშინებისა და ადმინი­სტრაციული რესურსების გამოყენების საშიშროების ვარაუდი გამოითქვა არა შემფა­სებელი მისიის, არამედ პოლიტიკური პარტიების მხრიდან. ოპოზიცია­ ეუთოს ანგარიშიდან იმ ეპიზოდებს იყენ­ებს, სადაც მათივე განწყობაა ასახული...

- კორცხელის ინციდენტზე პასუხისმგებ­ლობას თუ გრძნობთ, თუნდაც ბიძინა ივანიშვილის განცხადების შემდეგ, რომელიც პასუხისმგებლობას ხელისუფლებას აკისრებს?

- ცხადია, ხელისუფლების პასუხისმგებლობაა ყველა ის მოვლენა, რაც ქვეყანაში­ ხდება. ახალგაზრდების ზონდერებად გამოცხადება არასწორი ინტერპრეტაცია გახლდათ და მაშინვე განვაცხადე, რომ ისინი ჩვენი მხარდამჭერები არიან, ბევრი პარტიის­ წევრიცაა. რაც შეეხება მათ მობილიზაციას, მიუხედავად იმისა, რომ არჩევნები მხოლოდ კორცხელში არ მიმდინარეობდა, ყველა საარჩევნო უბანზე ხმის მიცემამ მშვიდობიანად, დაპირისპირების გარეშე ჩაიარა. მეტიც, ყველგან იყვნენ მობილიზებული როგორც "ქართული ოცნების", ისე "ნაციონალ­ური მოძრაობისა" და სხვა პარტიების აქტივისტები. ჩვენ უამრავი­ მხარდამჭერი გვყავს,­ სპორტსმენიც და სხვა პროფესიის წარმომადგენელიც. არავინ მალავს, რომ რთული პროცესია და ხარვეზებიც ახლავს. მთავარი საკუთარ შეცდომებზე სწავლაა.

- თუ შეცდომას ქვეყნისთვის გადამ­წყვეტ ეტაპზე - ვიზალიბერალიზაციის მინიჭების განხილვისას უშვებთ, ვინ უნდა აგოს პასუხი?

- შიდაპოლიტიკური ვითარება ვიზალიბერალიზაციის შეფერხებასთან კავშირში­ არ არის, ისე როგორც გერმანიაში, კრიმინალურ დაჯგუფებებში ქართველების რაოდენობაზე ლაპარაკი... ეს მრავალწახნაგოვანი,­ პოლიტიკური საკითხია. მთავარია, ჩვენი გუნდი როგორ მუშაობს ევროპაში, პარალელურად კი მოსახლეობაში იმ განწყობის­ შექმნაა აუცილებელი, რომ ამ შეფერხებით­ იზოლაციაში კი არ ვექცევით, არამედ ეს ევროი­ნტეგრაციის პროცესში რიგითი პროცედურაა. მთავარია, საქართველოში იყოს დემოკრატიული და ევროპულ ღირებულებებზე მორგებული საზოგადოება. ვიზალიბერალიზაციას აუცილებლად მივიღებთ, შეფერხებაზე საუბარი კი ამ პროცესის შემადგენელი რგოლია. საქართველო ევროპაა და ეს არის ფაქტი, რომელსაც ჩვენი მენტალობითა და განვითარების სწორი გზით ყოველდღიურად გავამყარებთ.

- ივანიშვილი ამბობს, რომ "ქართული­ ოცნების" სასარგებლოდ წინასაარჩევნო­ კამპან­იაში აქტიურად ჩაერთვება. იქნება თუ არა ყოფილი პრემიერი არჩევნებში გადამწყვეტი ფაქტორი?

- ცხადია, "ქართული ოცნება" ხომ ბიძინა ივანიშვილის შექმნილია, შესაბამისად, პარტიის მხარდამჭერებისთვის მისი გააქტიურება გადამწყვეტი ფაქტორი იქნება.

რუსუდან შელია
გოგა
19 ივნისი 2016 14:11
ადმინისტრაციული რესურსის იმედზე არიან ესენი დარჩენილები, გამგეობებში და მუნიციპალიტეტებში ხო ცხვრები მუშაობენ უმეტესად, სადაც გარეკავენ იქით მიერეკებიან რომლებსაც არანაირი ღირებულებები არ გააჩნიათ ცხოვრებაში, ლიჟბი სამსახურები რომ არ დაკარგონ და ყველაფერს რომ აკეთებენ, ხო და მაგათ იმედზე არაინ ესენიც გატენიან საარჩევნო შტაბებს ადმინისტრაციული რესურსით და მაგათ გამოიყენებენ ესენი.
oqro
18 ივნისი 2016 23:04
ეჰ, კალაძე, კალაძე! 4 წელიწადში აუშვით სუნი თქვენ! ქართული ოცნება ერთ დიდ ზოოპარკს გავს!
amomrCeveli
17 ივნისი 2016 16:59
ივანიშვილის გააქტიურება კი არა მამაღმერთი ვერ გიშველით რაც თქვენ ამ 4 წელიწადში ქვეყანა დააქციეთ და ხალხი გაამათხოვრეთ რაც პრემიები აიღეთ და ხელფასები ათიათასობით ლარი ის შეირგეთ და წადით, თქვენ არჩევნები წაგებული გაქვთ და უმრავლესობით ხელისუფლებაში ვერ მოხვალთ, თუ შეეცდებით გაყალბებას გადაყვებით სამუდამოთ. ისე კოალიციური მთავრობა დიდი ალბათობით იქნება. ივანიშვილმა რაც არ უნდა დაგვპირდეს აწი არავინ დაიჯერებს ზღაპრებს.

რედაქტორის რჩევით