"პარტიული სია 150 ადამიანით რომ იყოს დაკომპლექტებული, სადაც ნახევარი ქალი იქნება, ბავშვებს ვინ გაზრდის?!"
"პარტიული სია 150 ადამიანით რომ იყოს დაკომპლექტებული, სადაც ნახევარი ქალი იქნება, ბავშვებს ვინ გაზრდის?!"
დეპუტატ ემზარ კვიციანის განცხადებით, საარჩევნო სიაში გენდერული კვოტირების თაობაზე არანაირი ვალდებულება არ უნდა არსებობდეს, რადგან საქართველოში ქალები შეზღუდული არ არიან, რომ პოლიტიკაში მოვიდნენ.

"ქალბატონები აკეთებთ იმას, რაც გინდათ. გინდათ, პოლიტიკაში წასვლა - წახვალთ და წინ არავინ გეღობებათ. დამოკიდებულება, რომ გინდა თუ არა პარტიაში 50 პროცენტი ქალი უნდა გყავდეს, ასე არ უნდა იყოს. პრინციპულად ვეთანხმები იმას, რომ ქალებს თავისუფლება ჰქონდეთ და პოლიტიკაში რაც შეიძლება მეტი ქალი იყოს წარმოდგენილი, მაგრამ ეს დაძალება არ უნდა იყოს. ჩვენს პარტიას სურს, რომ კონსტიტუციაში ჩანაწერი იყოს,
არჩევნებზე მისვლა სავალდებულო გახდეს და თურმე, ეს იმის გამო არ შეიძლება, რომ ეს დაძალებაა. შესაძლებელია, რომ ზარმაცი ადამიანი იძულებით გამოიყვანო, რათა არჩევნების გაყალბება არ მოხდეს, მაგრამ ეს არ შეიძლება და ის შეიძლება, რომ პარტიაში ქალი იძულებით მოგაყვანინონ?! - საქართველოში 240 პარტიაა და პარტიული სია 150 ადამიანით დაკომპლექტებული რომ იყოს, სადაც ნახევარი ქალი იქნება, ბავშვებს ვინ გაზრდის?! არიან ქალები, რომლებიც ბავშვებს ზრდიან და ოჯახს უფრო უვლიან, მაგრამ არიან ქალები, რომელთაც პოლიტიკაში ყოფნა ურჩევნიათ“, - განუცხადა ჟურნალისტებს ემზარ კვიციანმა.

დღეს პარლამენტის თვითმმართველობის კომიტეტმა არასამთავრობო ორგანიზაციების ინიციატივაზე იმსჯელა,
რომელიც გენდერული კვოტირების ამოქმედებას ითვალისწინებს და პრინციპების დონეზე მხარი დაუჭირა.

"ინტერპრესნიუსი"
antibneleti
15 სექტემბერი 2017 12:10
კვიციანის ყველა წინადადება კომიკურად ჟღერს, თუმცა ქალისთვის პრივილეგიების მიცემას ქვეყნის სამართავად, მხოლოდ იმიტომ, რომ იგი ქალია, ნამდვილად ვერ მივემხრობი, როგორც ერთი ცივილიზებული მოქალაქე! ქვეყანა სათამაშო ბურთი არ არის! გაიაროს მამაკაცებთან ერთად თანაბარი კონკურენციის წნეხი და თუ გაიმარჯვებს - კი, ბატონო! ძალიან მივესალმები მე პირადად! ქვეყნის მართვის საჭე და ავტომობილის საჭე ისეთი რაღაცეებია, სადაც ქალისთვის პრივილეგიების მინიჭებაზე ზედმეტი უნდა იყოს ლაპარაკი!
DEVI
15 სექტემბერი 2017 11:54
ჩემი აზრით ეს ცუდი არ იქნება. და აი რატომ- 70 პარლამენტარი ქალი ნიშნავს მატერიალურად უზრუნველყიფილ 70 ქალს, რომელსაც ბავშვების გაჩენისათვის პროცედურების ჩასატარებლად დიდი დრო ექნება, ამასთან ერთად მატერიალურად უზრუნველყოფილი ქალბატონი ბავშვების აღსაზრდელად ფულს არ დაინანებს და გაჩნდება სამუშაო ადგილები, რომრლსაც აითვისებს საზღვარგარეთისკენ თვალგაქცეული ქალები(და შეიძლება კაცებიც). თუ კარგად დააკვირდებით და გააანალიზებთ ამ შეთავაზებას სარგებელი გეომეტრიული პროგრესით დაგვირგვინდება და საქვეყნო მასშტაბებს გაუტოლდება.
ალექს
14 სექტემბერი 2017 04:54
ამაზე უარესებიც მომისმენია და გამიგონია,აი მაგალითად, კონფუცის უთქვამს , ქალსო ,ქათმის ჭკუა აქვსო!
მხოლოდ არაჩვეულებრივ ქალსა აქვსო ორი ქათმის ჭკუაო !?
მე არცერთს არ ვეთანხმები !
რუბრიკის სხვა სიახლეები
ყველაზე მეტად რომელი სამთავრობო სტრუქტურების გაერთიანებაა თქვენთვის მიუღებელი?
თქვენი აზრი მნიშვნელოვანია!
ყველაზე მეტად რომელი სამთავრობო სტრუქტურების გაერთიანებაა თქვენთვის მიუღებელი?