პრეზიდენტმა კონსტიტუციაში განხორციელებულ ცვლილებებს ხელი მოაწერა
პრეზიდენტმა საქართველოს კონსტიტუციაში განხორციელებულ ცვლილებებს ხელი მოაწერა. საკონსტიტუციო ცვლილებების პროექტზე ხელმოწერის შესახებ გიორგი მარგველაშვილმა სპეციალურ ბრიფინგზე გამოაცხადა.
ხელმოწერის მიუხედავად, როგორ ცნობილია, პრეზიდენტი კონსტიტუციაში შეტანილი ცვლილებების მთელ რიგ დებულებებს არ იზიარებს. მან საკონსტიტუციო ცვლილებების პროექტს ვეტო დაადო, რომელიც პარლამენტმა 117 ხმით დასძლია.
13 ოქტომბრის რიგგარეშე სხდომაზე უმრავლესობამ პრეზიდენტის მოტივირებული შენიშვნები არ გაიზიარა და კენჭისყრის შედეგად, პროექტის პირვანდელ რედაქციას მხარი ხმათა უმრავლესობით დაუჭირა.
"ინტერპრესნიუსი"