"პოლიტიკურ თავშესაფარს არ მოვითხოვ"
საქართველოს ყოფილი პრეზიდენტი მიხეილ სააკაშვილი პოლონეთში პოლიტიკურ თავშესაფარს არ მოითხოვს. ამის შესახებ მიხეილ სააკაშვილმა უკრაინულ ტელეარხ NewsOne-სთვის მიცემულ ინტერვიუში განაცხადა.
მისი თქმით, პოლონეთის შს სამინისტროში მას ჰკითხეს, აქვს თუ არა პოლიტიკური თავშესაფრის მოთხოვნის სურვილი.
"მე მათ ვუპასუხე, რომ პოლიტიკურ თავშესაფარს არ მოვითხოვ", - განაცხადა მიხეილ სააკაშვილმა.
გუშინ უკრაინის სასაზღვრო სამსახურმა მიხეილ სააკაშვილი ქვეყნიდან პოლონეთში რეადმისიის შეთანხმების საფუძველზე გააძევა.
იხილეთ: ექსპრეზიდენტ სააკაშვილის დაკავების აქამდე უცნობი კადრები
"ინტერპრესნიუსი"