"შემცირებული შობადობა, ნარკომანთა და შიდსით დაავადებულთა გაზრდილი რიცხვი" - აფხაზები დემოგრაფიული კატასტროფის წინაშე
"შემცირებული შობადობა,  ნარკომანთა და შიდსით დაავადებულთა გაზრდილი რიცხვი" - აფხაზები დემოგრაფიული კატასტროფის წინაშე
აფხაზეთში დემოგრაფიული კატასტროფის საფრთხეზე ალაპარაკდნენ

"ოკუპირებულ აფხაზეთსა და "სამხრეთ ოსეთში" ბოლო წლებია, შობადობა მცირდება - ბოლო 5 წლის განმავლობაში ცხინვალის რეგიონში 20%-ით შემცირებულია დაბადებულთა რიცხვი, ხოლო აფხაზეთში შობადობის ტენდენცია ბოლო წლებში სულ უფრო და უფრო მცირდება, მათ შორის: 2017 წელს დაიბადა 25%-ით ნაკლები ბავშვი, ვიდრე 2016 წელს და ამის გამო სოხუმში ექიმებმა დემოგრაფიული კატასტროფის საფრთხეებზეც დაიწყეს საუბარი. დემოგრაფია და შობადობა ერთ-ერთ უმთავრეს პრობლემად სახელ
დება როგორც აფხაზეთში, ისე ოსებში და ისინი დე ფაქტო ხელისუფლებებს მოუწოდებენ, რაღაც კანონებითა და შეღავათებით გამოასწორონ ეს სურათი, რათა დემოგრაფიული კატასტროფის წინაშე არ დადგეს მათი, ისედაც "მცირერიცხოვანი ერი", - წერს გაზეთი "რეზონანსი" სტატიაში სათაურით, აფხაზეთში დემოგრაფიული კატასტროფის საფრთხეზე ალაპარაკდნენ.

"ექსპერტთა კლუბის" წევრ ირაკლი ცქიტიშვილის თქმით, აფხაზეთში დემოგრაფიაზე წუხილი არსებობს. მისი თქმით, მიუხედავად
იმისა, რომ ბოლო აღწერით აფხაზების რაოდენობა გაზრდილია, ამ სტატისტიკას თავად აფხაზებიც კი დასცინიან. შობადობაზე სოხუმში პერიოდულად საუბრობდნენ, მაგალითად, როდესაც აბორტების აკრძალვაზე იყო საუბარი ან როდესაც შობადობის სტატისტიკას გამოაქვეყნებდნენ. რა თქმა უნდა, მათ აწუხებთ, რომ მოსახლეობა იკლებს. ძირითადად იმაზე საუბრობენ, რომ მოსახლეობის კლების მიზეზი გზებზე ძალიან ცუდი მდგომარეობაა და ავტოავარიებში ახალგაზრდები იხოცებიან. ასევე ხაზს უსვამენ, რომ ძალიან დიდია ნარკომანთა რაოდენობა და ძალიან მაღალია შიდსით დაავადებულთა რიცხვი და ეს ყველაფერი მათ დემოგრაფიას ურტყამს პირველ რიგში", - აღნიშნავს გამოცემა. (წაიკითხეთ სრულად გაზეთ "რეზონანსის"  20 თებერვლის ნომერში)

იხილეთ ასევე:
გიორგი
21 თებერვალი 2018 19:30
ძმებო აფხაზებო და ოსებო თუ ჩემ კომენტარს კითხულობთ იცოდეთ რომ ქართველები, აფხაზები და ოსები ყოველთვის ძმები ვიყავით და ვიქნებით კიდეც. მთავარია რომ ეს თქვენ მოინდომოთ და ჩვენც მაშინვე გვერდში დაგიდგებით, გვეყოფა ასე ცალკე ყოფნა ჩვენ ერთმანეთ ვჭირდებით. ერთად ვერავინ მოგვერევა რადგან ძალა ერთობაშია.
gio-s
21 თებერვალი 2018 14:47
მე რატო უნდა მრცხვენოდეს? იმ არასამათავრობოებს, იმ "თეთრ მოძრაობას", იმ ჟურნალისტებს, იმ პარტიებს შერცხვეთ რომლებიც ითხოვენ ნარკოტიკების(ყველა სახის) დაკანონებას. იმ საკონსტიტუციოს შერცხვეს რომელმაც ერთ ჯერზე 70 გრამი მარიხუანა დააკანონა. მე კი ვიცი რომ აფხაზეთშიც და აქაც რუსები ცდილობენ ნარკოს გავრცელებას, მაგრამ სამწუხაროდ თავისუფალი სიტყვა უზურპირებული აქვთ ვიღაც ცნობადებს, ხოლო მთავრობა უნიათოა.
gio
21 თებერვალი 2018 12:52
ვინც აქ გამოდიხართ და იძახით რომ აქაც იგივე ხდება, ან ჩერჩეტები ხართ ან მოღალატეები, ჯერ ერთი იმას უნდა ხვდებოდეთ რომ ეს რატომაც ხდება მიზეზი მათთანაც და ჩვენთანაც ერთია - ის საშინელი ომი რომელმაც ქვეყანა დაყო და დააქუცმაცა და ცოდვა რასაც ძმის მკვლეობა ქვია, ჩვენ ამ ცოდვას ისევ სიყვარულით თუ გამოვისყიდით სხვა გზა არცერთს არ გვაქვს. ჩვენთან რომ უკეთესი მდგომარეობაა ეს ფაქტია და თქვენ იმის მაგივრად რომ ეს აფხაზებს უთხრათ და მოანდომოთ ისევ ერთიან და ძლიერ საქართველოში ცხოვრება, რას აკეთებთ? ნებით ან უნებლიედ რუსეთის წისქვილზე ასხავთ წყალს. გრცხვენოდეთ!

რუბრიკის სხვა სიახლეები
თქვენი აზრით, როგორი პრეზიდენტი იქნება სალომე ზურაბიშვილი?
თქვენი აზრი მნიშვნელოვანია!
თქვენი აზრით, როგორი პრეზიდენტი იქნება სალომე ზურაბიშვილი?
თვის კითხვადი სტატიები