"თუ რუსეთი დაუშვებს, რომ საქართველო აშშ-ის სრულ კონტროლქვეშ მოექცეს... " - რას წერენ საქართველოზე?
"თუ რუსეთი დაუშვებს, რომ საქართველო აშშ-ის სრულ კონტროლქვეშ მოექცეს... " - რას წერენ საქართველოზე?
რუსული გამოცემა "Военно-промышленный курьер"- აქვეყნებს სტატიას, სათაურით, "დიდი კომბლის დიპლომატია", რომელშიც გაანალიზებულია რუსეთის ფედერაციის საგარეო პოლიტიკის ვექტორები, განსაკუთრებით პოსტსაბჭოთა რესპუბლიკების მიმართ - ცენტრალურ აზიაში, კავკასიაში და ა.შ. მასალაში ნაჩვენებია აგრეთვე დასავლეთის სახელმწიფოების, უპირატესად კი ამერიკის შეერთებული შტატების მცდელობა - განახორციელოს პოსტსაბჭოთა სივრციდან რუსეთის "განდევნის" პოლიტიკა (ავტორი - ვიაჩესლავ ტეტეკინი).

გთავაზობთ ამონარიდებს სტატიიდან:
"რუსეთის პრეზიდენტის არჩევნების შემდეგ ჩამოყალიბებულმა ქვეყნის ახალი მთავრობის შემადგენლობაში საგარეო საქმეთა და თავდაცვის მინისტრები არ შეცვლილან. ეს ბუნებრივიცაა,
რადგან რუსეთის მიერ მიღწეული მთავარი წარმატებები სწორედ საგარეო და თავდაცვითი პოლიტიკითაა განპირობებული. ეს ნიშნავს, რომ სამომავლოდ სახელმწიფო მშენებლობის ეს მიმართულებები კიდევ უფრო გაღრმავდება და განვითარდება. ცხადია, მხედველობაში იქნება აგრეთვე მიღებული რუსეთის
"დაუძინებელი მეგობრების" მიერ გადადგმული ნაბიჯებიც. ასევე ეჭვგარეშეა, რომ რუსეთის საგარეო პოლიტიკას, რუსულ დიპლომატიას მტკიცე საყრდენი
ჭირდება მძლავრი ეკონომიკისა და არმიის სახით: ჩვენი დიპლომატები ამგვარი საყრდენის გარეშე ვერაფერს გახდებიან - პარტნიორები მხოლოდ თავაზიანად გაგვიღიმებენ, მაგრამ ჩვენს ნათქვამს მათთვის კაპიკის ფასი ექნება.

2000-იანი წლების დასაწყისში, ავღანეთში აშშ-ის ჯარების ზურგის უზრუნველყოფის თვალსაზრისით, ვაშინგტონმა ცენტრალური აზიის რეგიონში შეღწევა დაიწყო, გაჩნდა აშშ-ის სამხედრო ბაზები ჯერ ყირგიზეთში, შემდეგ კი უზბეკეთში. მოგვიანებით, სხვადასხვა მიზეზების ერთობლიობის გამო, ამერიკას ამ რეგიონში თავისი ყოფნის შესუსტება მოუწია, მაგრამ ეს სულაც არ ნიშნავს იმას, რომ ვაშინგტონი წარუმატებლობას შეეგუა. ამ მხრივ ძალზე საინტერესოა აშშ-ის პოლიტიკა ჩვენთვის "უსაზღვროდ მეგობრული" ყაზახეთის მიმართ.

რას აკეთებს პრეზიდენტი ნურსულთან ნაზარბაევი?
ყაზახი ლიდერის მიერ მიღებული გადაწყვეტილების მიხედვით თუ ვიმსჯელებთ, რომელიც ყაზახური დამწერლობის კირილიციდან ლატინიცაზე გადაყვანას გულისხმობს, გამოდის, რომ ყაზახეთის სტრატეგიულ მიზანს ატლანტურ ინსტიტუტებში ინტეგრაცია წარმოადგენს. ასევე, თუ მხედველობაში მივიღებთ რუსეთ-ყახაზეთის საზღვრის სიგრძეს და იმ სამხედრო ინფრასტრუქტურას, რომელიც ყაზახეტში საბჭოთა პერიოდშია აშენებული (და დღესაც მოქმედებს), მაშინ ასტანის გადახრა დასავლეთისაკენ რუსეთისათვის შეუმჩნეველი არ უნდა დარჩეს.

რაც შეეხება ამიერკავკავასიას: რუსეთი ამ რეგიონში თავის პოზიციებს ენერგიულად თმობს. თავდაპირველად საქართველოს ნება მიეცა, რომ აშშ-ის საყრდენად გადაქცეულიყო. არადა, ამიერკავკასიის რეგიონის სხვა ქვეყნებთან შედარებით, საუკუნეთა განმავლობაში, სწორედ საქართველო იყო ჯერ რუსეთის იმპერიასთან ყველაზე მეტად ინტეგრირებული, შემდეგ კი საბჭოთა კავშირთან.

მეფის რუსეთის ხელისუფლებაში ქართველი თავადები ყოველთვის უმნიშვნელოვანეს როლს ასრულებდნენ, საბჭოთა ეპოქაში კი სახელმწიფო ხელისუფლების საკვანძო პოსტები სწორედ ქართველებს ეკავათ - იოსებ ჯუღაშვილს, სერგო ორჯონიკიძეს, ლავრენტი ბერიას და სხვებს. მოკლედ, თუ რუსეთი დაუშვებს იმას, რომ საქართველო აშშ-ის სრულ კონტროლქვეშ მოექცეს, ეს იქნება ჩვენი საგარეო პოლიტიკის ძალიან დიდი მარცხი.

აზერბაიჯანმა, საქართველოსაგან განსხვავებით, რუსეთისაგან გადახრა საკმაოდ შეუმჩნევლად დაიწყო. ამჟამად მას უკვე ვეღარ ჩავთვლით მოსკოვის პირუთვნელ მოკავშირედ. მაგრამ ყველაზე მეტი შოკისმომგვრელი მოვლენები მოხდა სომხეთში, სადაც ქვეყნის პრემიერ-მინისტრის პოსტი დასავლეთთან ინტეგრირების მხარდამჭერმა ნიკოლ ფაშინიანმა დაიკავა. საერთოდ კი, თუ სადამდე შეიძლება მიგვიყვანოს ასეთი ინტეგრაციის მოსურნეებმა, ამას უკრაინის მაგალითზეც ვხედავთ. დასავლეთი "რძის მდინარეებს" და "ყველის ნაპირებს" პირდება იმ პოსტსაბჭოთა რესპუბლიკებს, ვინც ევროკავშირთან ინტეგრირებას მოისურვებს, თუმცა პირველ რიგში მაინც იმაზე მიანიშნებს, რომ ჯერ ნატოში გაწევრიანდითო". წყარო

მოამზადა სიმონ კილაძემ
მკითხველის კომენტარი (7)
ზაზუნა
23 ივნისი 2018 07:32
KAI RA RUSEBS OMI UNDA MOUGOT SASACILOA SATIRALI RO AR IYOS SUL GAMOVDEBILDIT?
იკა
22 ივნისი 2018 09:21
ამერიკელებმა ისეთი იარაღები მოგვცეს, არამგონია რუსეთმა ომი მოგვიგოს. ჯაველინები ანადგურებს ტანკებს, ხოლო სტინგერები თვითმფრინავებს. 1 ქართველი ხოცავდა 10 რუსს 2008 წელს. თავად რუსებმა აღიარეს. ბოდიში და არარაობები უნდა ვიყოთ ომი ვერ მოვუგოთ უკვე. ავღანალებმა გაერთიანებული საბჭოთა ჯარი გაანადგურეს სტინგერებით ხოლო ჩვენს შეგვეძლება.
nugo
20 ივნისი 2018 20:38
სიმონ როცა თარგმნი რუსულიდან ქართულ ენაზე ქართლად იაზროვნე, გეიგე სიმონ? :D
¨კირილიცა¨- კირილურია. ხოლო ¨ლტინიცა¨ -ლათინური.
ალექს
20 ივნისი 2018 16:11
საქართველო ,სანამ ერთი ქართველი იქნება ცოცხალი,იბრძოლებს !
იმპერიაში თუ მის გარეთ ,საქართველოს რუსეთის აწმყო მომავალზე გავლენა აქვს ,წარსულშიც იქონია !
აქ თუ დიქტატურა იქნა,რუსეთშიც იგივე იქნება !
აქ თუ დემოკრატია იქნა,იქაც იქნება !
დავიშლებით და ისიც დაიშლება !
ეს პუტინმაც იცის,პუტინამდე ვინც იყვნენ , იმეებმაც იცოდნენ ,და ვინც მოვა,ეცოდინება იმასაც !
ყველაზე დიდი ,რაც პუტინს შეუძლია გვავნოს , საქართველოს გადემოკრატიულების პროცესის დროში შეფერხებაა,ვერ შეაჩერებს ,რუსეთიც გადემოკრატიულდება,ვერც ამას შეაჩერებს,მთავარი მისი ამოცანა იმპერიის შიგნიდან უცაბედი ჩამოშლის თავიდან აცილებაა ,თავს მათ გარედან არავინ დაესხმება,აზრი არ აქვს ამას ,პირიქით უცაბედად რომ არ ჩამოიშალოს, ამაზე იზრუნებს მსოფლიო იმპერიალიზმი,წესრიგის ის დონე, რაც დღესაა შესაძლოა არასაკმარისია,მაგრამ უკეთესი ჯერ არ ჩანს !უკეთესობა გადის გაერთგვაროვნებაზე,ეს კი ხანგძლივი პროცესია და მტკივნეულიც,ახლა ჩვენ დასავლეთთან გაერთგვაროვნების პროცესში ვართ,ადრე რუსეთთან გაერთგვაროვნებული გახლდით ,როცა დავასრულებთ,დაიწყება რუსეთის გაერთგვაროვნება დასავლეთთან ,ის კი არ დგას ერთ ადგილას ,თავადაც იცვლის ფორმას,ზომას,პერიმეტრს,ბირთვიც ინაცვლებს და გარსიც ,უნდა ავყვეთ ამ პროცესს აქტიურად,აი მოჩვენებითად კი არა,გულწრფელად უნდა ავყვეთ,არ უნდა ვიტყუოთ თავი,რასაც ეს განვლილი 27 წელი ვაკეთებდით,მთლად ფუჭად არ დაკარგულა,მაგრამ 7 წელიწადშიც მოეწრებოდა,რაც 27 წელი ვაკეთეთ ,მომავალ 7 წელიწადში მაინც გავაკეთოთ გასაკეთებელი,მეც მინდა მოვესწრო !
პოლიტროლოგი
20 ივნისი 2018 16:07
ძალიან საინტერესო სტატია და მოსაზრებებია. რათქმაუნდა გასაგებია, რომ მსგავსად მსოფლიოს სხვა რეგიონებისა, კავკასიაშიც არც რუსეთი და არც ამერიკა (თავიანთი მოკავშირეების ჩათვლით) თავის ინტერესებს ნებით არასდროს დათმობენ, მაგრამ რა გველის ჩვენ? უტოპიური, მაგრამ საუკეთესო გამოსავალი სიტუაციიდან არის ნეიტრალიტეტი. რადგან ამათ იმპერიალისტურ დაპირისპირებებში შეიარაღებული კომფლიქტები სანამ ერთმანეთის ტერიტორიაზე მოხდება, მანამდე მოკავშირეების ტერიტორიებზე ხდებოდა და კიდევ გაგრძელდება ასე, ანუ რა მნიშვნელობა აქვს აშშ-ს მოკავშირე საქართველოს რუსეთი დაემუქრება თუ რუსეთის მოკავშირე საქართველოს აშშ?! ასეთი პრინციპია კომენტარში და გამგები გაიგებს.
გიორგი.
20 ივნისი 2018 15:54
სანამ გვიანი არ არის და თუ საქართველოში მოვძებნით, 100-მდე ჯანმრთელ ხემლმძღვანელს და თანამედროვე ომის
მეომარ ქართველს, გამოუცხადოთ ომი რუსეთს. სამი ნაბიჯი წინ, ვისაც გჯერათ, რომ ომს წავაგებთ.
Tekla
20 ივნისი 2018 15:50
ალბათ სამარეში ჩავალ მე კი არა და კიდევ ბევრი თაობა, რომ ეს შუასაუკუნეობრივი აზროვნება ისევ დარჩება ამ ატავისტურ რუსეთს.

რუბრიკის სხვა სიახლეები
როგორ აფასებთ საპენსიო რეფორმას?
თქვენი აზრი მნიშვნელოვანია!
როგორ აფასებთ საპენსიო რეფორმას?
თვის კითხვადი სტატიები