"ჩიტადინის ტილო, რომელიც ანგელა მერკელს მამუკა ბახტაძემ გადასცა, სახელმწიფოს კერძო კოლექციონერმა აჩუქა"
24-08-2018
"ჩიტადინის ტილო, რომელიც ანგელა მერკელს მამუკა ბახტაძემ გადასცა, სახელმწიფოს კერძო კოლექციონერმა აჩუქა"
ტილო, რომელიც გერმანიის კანცლერ ანგელა მერკელს საქართველოს პრემიერ-მინისტრმა საჩუქრად გადასცა, ქუთაისში მცხოვრები კერძო პირის მფლობელობაში იყო.

როგორც "ინტერპრესნიუსს“ მთავრობის ადმინისტრაციაში განუცხადეს, ნამუშევარი წარმოადგენს პიეტრო ფრანჩესკო ჩიტადინის (1616-1681) ფერწერას სახელად "ნატურმორტი კურდღლით“ და შესრულებულია ზეთის საღებავით ტილოზე.

მათივე ინფორმაციით, ტილო საქართველოს ხელისუფლებას კერძო კოლექციონერმა უსასყიდლოდ გადასცა.

მე-17 საუკუნის ფერწერული ტილო დრეზდენის გალერეის ექსპონანტად ირიცხება და აქამდე დაკარგულად ითვლებოდა.

გუკა
24 აგვისტო 2018 16:42
ჩვენი პოლიტიკოსები მხოლოდ უცხოელ მაღალჩინოსნებთან კადრულობენ გაღიმებას. აბა დაბლამდგომს ხომ არ გაუყადრებენ თავს?

რედაქტორის რჩევით
რუბრიკის სხვა სიახლეები