"კანაფის დედოფალმა" ბევრი იძახა დღეს არ ვარ მოღალატეო - სალომე ზურაბიშვილმა უნდა მოხსნას კანდიდატურა" - კვირის პალიტრა

"კანაფის დედოფალმა" ბევრი იძახა დღეს არ ვარ მოღალატეო - სალომე ზურაბიშვილმა უნდა მოხსნას კანდიდატურა"

გაიხმოს თავისი ბრალდებები ჰააგიდან და იმის გათვალისწინებით რა ზიანი მოგვაყენა უკვე, სალომე ზურაბიშვილმა მოხსნას საკუთარი კანდიდატურა, - ამის შესახებ საქართველოს ყოფილი პრეზიდენტი მიხეილ სააკაშვილი ფეისბუქის საკუთარ გვერდზე წერს. სააკაშვილის შეფასებით, ზურაბიშვილმა ასევე ბოდიში უნდა მოიხადოს 2008 წლის აგვისტოს ომთან დაკავშირებით გაკეთებული განცხადებების გამო.

"საქართველოს მთავარი ბარიგის მიერ დასახელებულმა "კანაფის დედოფალმა" ბევრი იძახა დღეს არ ვარ მოღალატეო. მაშინ ბოდიში მოიხადოს იმაზე, რომ წითელუბნის დაბომბვა ქართულ ავიაციას დააბრალა, ბოდიში მოიხადოს და უარყოს ფრაზა -"ჩვენ დავბომბეთ საკუთარი მოსახლეობა და როგორ მოვითხოვოთ ტერიტორიული მთლიანობა? გაიხმოს თავისი ბრალდებები ჰააგიდან და იმის გათვალისწინებით, რა ზიანი მოგვაყენა უკვე, მოხსნას საკუთარი კანდიდატურა", - წერს სააკაშვილი.

"ინტერპრესნიუსი"