"ვიმედოვნებთ, "ომეგას“ საქმეზე ჩატარდება დამოუკიდებელი გამოძიება" - კვირის პალიტრა

"ვიმედოვნებთ, "ომეგას“ საქმეზე ჩატარდება დამოუკიდებელი გამოძიება"

ევროკავშირის ელჩი საქართველოში კარლ ჰარცელი ელის, რომ "ომეგა ჯგუფის“ საქმეზე გამოძიება ეფექტურად ჩატარდება.როგორც ელჩმა აღნიშნულ საკითხზე კომენტირებისას ჟურნალისტებს განუცხადა, ევროკავშირი საქმეს ყურადღებით აკვირდება.

"ჩვენ ძალიან ყურადღებით ვაკვირდებით "ომეგას“ საქმეს. ვიმედოვნებთ, რომ ჩატარებული იქნება დამოუკიდებელი გამოძიება და ნათელი გახდება, თუ რა მიზეზი დგას იმის უკან, რასაც ვხედავთ. ვიმედოვნებთ, რომ ეფექტური გამოძიების ჩატარებასა და დასრულებას ექნება ადგილი ამ საქმეზე“, - განაცხადა კარლ ჰარცელმა.