როგორ ეხმაურება ზაქარია ქუცნაშვილი, გიორგი კვირიკაშვილის განცხადებას?
2012 წლის ფასეულობებს დაცვა ნამდვილად სჭირდება - მე გიორგი კვირკაშვილის განცხადებას მივესალმები, - ამის შესახებ "ინტერპრესნიუსს" "ქართული ოცნების" დეპუტატმა ზაქარია ქუცნაშვილმა განუცხადა.
ქუცნაშვილის თქმით, რევანშის საფრთხე, პირველ რიგში, სწორედ ფასეულობებს ემუქრება.
"ფასეულობებს ორი რამ ემუქრება - ეს არის ჩვენი შეცდომები და ის, რაც დღეს პოლიტიკაში ხდება", - აღნიშნა ზაქარია ქუცნაშვილმა
ყოფილმა პრემიერ-მინისტრმა გიორგი კვირიკაშვილმა განცხადება გაავრცელა და აღნიშნა, რომ "მთელი ეს პერიოდი სიჩუმე არჩია და არც ახლა აპირებს პოლიტიკურ აქტივობას", თუმცა მხარს უჭერს ფასეულობებს, რომელსაც 2012 წელს ქართველმა ხალხმა დაუჭირა მხარი.
"მხარს ვუჭერ იმ ფასეულობებს, რომლისაც მწამდა და მჯეროდა მთელი ჩემი შეგენებული ცხოვრება, რომლის სიმაღლეც ჩვენი ქვეყნის ისტორიამ გვასწავლა, რომლის მაგალითიც ჩემმა მშობლებმა და წინაპრებმა მომცეს, მასწავლეს ჩემმა მეგობრებმა, ასევე - ჩვენი ერის გამორჩეულმა მოღვაწეებმა, მათ შორის, თანამედროვეობის ღირსეულმა წარმომადგენლებმა, ხანდახან კი, ყველასთვის უცნობმა ადამიანებმაც ცხოვრების სხვადასხვა მონაკვეთში, ფასეულობებს, რომლებიც ძვირფასი იყო ყოველთვის, მათ შორის 2007 წლის შემოდგომაზე, 2011 წლის შემოდგომაზე და რომელსაც ქართველი ხალხის უდიდესმა ნაწილმა დაუჭირა მხარი 2012-ში და შემდგომ 2016-ში. მთელი ეს პერიოდი სიჩუმე ვარჩიე და არც ახლა ვაპირებ პოლიტიკურ აქტივობას და არა იმიტომ, რომ არაფერი მაქვს სათქმელი. ჩემს სათქმელში ბევრია საამაყოც და რა თქმა უნდა - სასინანულოც. ეს ყველაფერი ჩემი ცხოვრების ნაწილი გახდა. და ყველაფრის მიუხედავად და ყველაფრის გათვალისწინებითაც, ფასეულობები გადასარჩენია, გადასარჩენია ახლა, ამ მომენტში და გადასარჩენია მუდმივად და ეს დაუსრულებელი ძალისხმევა არ დაიღლება ჩვენს ერში და არ დაიღლება ჩემშიც, ვიდრე სული მიდგას", - ნათქვამია გიორგი კვირიკაშვილის განცხადებაში.
"ინტერპრესნიუსი"