"სააკაშვილის ნდობა წარმოუდგენელია...არსებობენ წებოვანი ადამიანები, რომლებსაც კარს რომ უკეტავ, ფანჯრიდან მოძვრებიან"
ჟურნალისტი თამარ ჩერგოლეიშვილი საქართველოს ყოფილი პრეზიდენტის ქმედებებს საკუთარ ფეისბუკგვერდზე ეხმაურება:
"სააკაშვილის ნდობა რომ წარმოუდგენელია, იქიდანაც გამოჩნდა, რა განცხადებაც გააკეთა "ერთ ოჯახზე". ის, რომ ჩვენი ინტერესები სალომე ზურაბიშვილის დამარცხებასთან მიმართებით ერთმანეთს დაემთხვა, მასთან ერთ ოჯახად არანაირად არ გვაქცევს - მაგრამ სასურველის რეალობად გასაღება, მისი საყვარელი სპორტია.
არსებობენ წებოვანი ადამიანები, რომლებსაც კარს რომ უკეტავ, ფანჯრიდან მოძვრებიან და იმათ ფანჯარაც დაკეტილი უნდა დაახვედროო - ბებიაჩემმა მასწავლა ჰალსტუხის შეკვრასთან ერთად და ძალიან გამომადგა.
შეგახსენებთ, რომ მიხეილ სააკაშვილი ჰელსინკში "ევროპული საქართველოს" ლიდერს გიგი უგულავს შეხვდა და განცახადა, ჯამში ჩვენ ვართ ერთი ოჯახიო.