ყველაზე მეტ გაღიზიანებას მიხეილ სააკაშვილი იწვევს, სიმპათიას კი არავინ - ნახეთ ინტერნეტგამოკითხვის შედეგები
გამოკითხულ ინტერნეტმომხმარებლებს შორის ყველაზე მეტ გაღიზიანებას პოლიტიკოსებიდან მიხეილ სააკაშვილი იწვევს, სიმპათიას კი - არც ერთი.
ასეთი შედეგები ვებგვერდებზე - AMBEBI.GE-სა და Kvirispalitra.ge-ზე ჩატარებულ გამოკითხვაში დაფიქსირდა. გამოკითხვაში მონაწილეობა მიიღო საიტების 8 000-მდე მკითხველმა.
ინტერნეტმომხმარებელი განსაზღვრულ გრაფაში პოლიტიკოსის სახელსა და გვარს საკუთარი სურვილის შესაბამისად უთითებდა. შეკითხვაზე, რომელი პოლიტიკოსი გაღიზიანებთ ყველაზე მეტად? - მკითხველების რეიტინგი ასე გადანაწილდა:
1. მიხეილ სააკაშვილი
2. სალომე ზურაბიშვილი
3. ეკა ბესელია
4. გრიგოლ ვაშაძე
5. ირაკლი კობახიძე
ასე გამოიყურება პირველი ხუთეული, თუმცა იმ პოლიტიკოსებს შორის, რომლებიც ყველაზე მეტად აღიზიანებთ მკითხველებს, ასევე მოხვდნენ: გიგა ბოკერია, ნიკა მელია, ბიძინა ივანიშვილი, რომან გოცირიძე, თეა წულუკიანი და სხვები.
ხოლო შეკითხვაზე, რომელი პოლიტიკოსი იწვევს თქვენში სიმპათიას? - მკითხველებმა ასეთი პასუხები გასცეს:
1. არც ერთი
2. კახა კალაძე
3. გრიგოლ ვაშაძე
4. სალომე ზურაბიშვილი
5. დავით უსუფაშვილი
ასე გამოიყურება პირველი ხუთეული, თუმცა იმ პოლიტიკოსებს შორის, რომლებიც მკითხველში სიმპათიას იწვევენ, ასევე მოხვდნენ: დავით სერგეენკო, გიორგი გახარია, გიორგი ვაშაძე, ბიძინა ივანიშვილი და სხვები.