"მთავრობამ "ნაციონალური მოძრაობა" შოკში ჩააგდო" - როგორ აპირებს ხელისუფლება ე.წ. "შავი სიის" პრობლემის მოგვარებას?
18-11-2018
"მთავრობამ "ნაციონალური მოძრაობა" შოკში ჩააგდო" - როგორ აპირებს ხელისუფლება ე.წ. "შავი სიის" პრობლემის მოგვარებას?
ხვალ პრემიერ-მინისტრი გამოაცხადებს უმნიშვნელოვანეს გადაწყვეტილებას ჭარბვალიანობის დაძლევის გზაზე, - ამის შესახებ "ქართული ოცნების“ გენერალურმა მდივანმა კახა კალაძემ პარტიის ოფისში გამართულ ბრიფინგზე განაცხადა.

კახა კალაძე გამოეხმაურა ოპოზიციური პარტიების საპრეზიდენტო კანდიდატის განცხადებას, რომელმაც მოქალაქეების საბანკო დავალიანებებთან დაკავშირებით საქართველოს მთავრობას რამდენიმე მოთხოვნა წაუყენა. კახა კალაძემ მის ამ განცხადებას კლოუნადა უწოდა და აღნიშნა, რომ ჭარბვალიანობის დასაძლევად "ქართული ოცნება“ და პრემიერი მამუკა ბახტაძე ჯერ კიდევ ფინანსთა მინისტრობის დროს საუბრობდა.

"როგორც ჩანს "ნაციონალური მოძრაობა“ და მისი
ლიდერი შოკში ჩააგდო ინფორმაციამ იმის თაობაზე, რომ საქართველოს მთავრობა ხვალ აცხადებს მასშტაბურ და პრინციპულ გადაწყვეტილებას, რაც იქნება უმნიშვნელოვანესი ნაბიჯი ჭარბვალიანობის დასაძლევად და ე.წ. "შავი სიის“ პრობლემის მოგვარების გზაზე. ამ შოკის გამოხატულება იყო ის კლოუნადა, რომელიც რამდენიმე საათის წინ პირდაპირ ეთერში მოაწყო გრიგოლ ვაშაძემ. "ქართული ოცნება“
ასრულებს დაპირებას, რომელზეც პარტიის თავმჯდომარემ პოლიტიკაში დაბრუნებისას საუბრობდა და რომლის განხორციელება პრემიერ-მინისტრმა მამუკა ბახტაძემ ჯერ კიდევ ფინანსთა მინისტრობის დროს დაიწყო.

მინდა მივმართო "ნაციონალური მოძრაობის“ ლიდერებს, დამშვიდდით, ნუ კანკალებთ, შეწყვიტეთ პანიკა და შეეგუეთ, რომ ხელისუფლება თქვენგან მემკვიდრეობით მიღებულ პრობლემებს აგვარებს და მომავალშიც მოაგვარებს. დაელოდეთ, ხვალ პრემიერ-მინისტრი გამოაცხადებს უმნიშვნელოვანეს გადაწყვეტილებას ჭარბვალიანობის დაძლევის გზაზე“, - განაცხადა კახა კალაძემ.

გაერთიანებული ოპოზიციის "ძალა ერთობაშია“ საპრეზიდენტო კანდიდატმა გრიგოლ ვაშაძემ დღეს, მოქალაქეების საბანკო დავალიანებებთან დაკავშირებით, საქართველოს მთავრობას რამდენიმე მოთხოვნა წაუყენა. კერძოდ, ვაშაძის განცხადებით, ე.წ. შავი სიიდან უნდა ამოიღონ ის მოქალაქეები, რომლებიც ვერ იხდიან კრედიტებს და მათ ვალდებულებები უნდა ჩამოეწეროთ. ასევე, მთავრობამ უნდა შეისყიდოს მათი დავალიანებები.

"ინტერპრესნიუსი"

იხილეთ ვიდეო
მედეა
19 ნოემბერი 2018 11:32
2-3 წელია სულ იმაზე ვწერ და ვყვირი--ხალხი ვალებში იხრჩობა და მისახედია ეს საქმე-თქო, ჩემი შვილის ბინა სანამ ბანკმა არ წაიღო--არავინ გაიგონა, ახლა სხვას მაინც მიეშველეთ, მარტო ლაპარაკი რა ბედენაა--იმოქმედეთ ოპერატიულად. ბანკებია გაჯეჯილებული, ხალხი გაღატაკებული---აი თქვენგან წარმოებული პოლიტიკის შედეგი! კოჰაბიტაცია სასწრაფოდ გასაუქმებელია. ალბათ, მილიონობით დოლარ ზარალს ღებულობს სახელმწიფო საბოტაჟნიკებისა და უმაქნისი-უუნარო ჩინოვნიკებისგან. სისტემები და სახელმწიფო სტრუქტურები საათივით უნდა მუშაობდეს, კადრები პროფესიონალიზმის მიხედვით ინიშნებოდეს, ენერგიული , მცოდნე და საქმის წარმართვის უნარის მქონე კადრები, რომლებსაც გამოცდილი მეცნიერები ედგებიან გვერდით --წაიყვანს ქვეყანას წინ. ხ შ ი რ ა დ ჩაატარეთ პრესკონფერენციები, ხალხის კითხვებს ნუ გაურბიხართ, წაიკითხეთ ჩვენი კომენტარები, გამოასწორეთ ხალხის ხმისადმი მიდგომა. დადგით ყუთები, სადაც ხალხი მოგაწვდით ხმას და ზოგადად გაიგებთ რა სურათია ქვეყანაში, მარტო მლიქვნელებსა და ყვითელ მედიას რომ ეყრდნობით, უშუალოდ ხალხს მიეცით სატკივარის თქვენამდე მოტანის საშუალება, რაც დანერგილია---ის არ არის საკმარისი.
ნანა
19 ნოემბერი 2018 10:18
სანამ თქვენ ერთმანეთს შოკში აგდებთ.... იქნებ ხალხს ამასობაში რამე ეშველოს?

რედაქტორის რჩევით
რუბრიკის სხვა სიახლეები