"შე დალოცვილო, ვაშინგტონში იკეტება გზა და მიშა მათხოვარი იდგა ნაგვის ბუნკერებთან და რა ყველაფერი აქ გიკვირთ?!"
"შე დალოცვილო, ვაშინგტონში იკეტება გზა და მიშა მათხოვარი იდგა ნაგვის ბუნკერებთან და რა ყველაფერი აქ გიკვირთ?!"
ახალარჩეული პრეზიდენტი სალომე ზურაბიშვილი დღეს ფიცს დადებს, რის შემდეგაც საპრეზიდენტო უფლებამოსილებების განხორციელებას შეუდგება.

როგორც გაერთიანებული ოპოზიციის მიერ იყო დაანანსებული, ინაუგურაციის პარალელურად ისინი საპროტესტო აქციის გამართვას გეგმავდნენ. დღეს დილით კი ცნობილი გახდა, რომ თელავში, იმ მოედანთან მისასვლელი გზები, სადაც გაერთიანებული ოპოზიცია საპროტესტო აქციის გამართვას გეგმავდა, პოლიციას აქვს დაკეტილი.

მოგვიანებით, გურჯაანის მუნიციპალიტეტში, სოფელ ველისციხესთან "ნაციონალური მოძრაობის“ ლიდერ ნიკა მელიასა და სამართალდამცველებს შორის დაპირისპირება მოხდა.

ნიკა მელია ოპოზიციის რამდენიმე ლიდერთან ერთად, თელავის მიმართულებით
გადაადგილებისთვის გზის გახსნას ითხოვდა, სამართალდაცმველებმა კი განუცხადეს, რომ გადაადგილება ყვარლის გზით გაეგრძელებინათ, რასაც დაპირისპირება მოჰყვა და შეხლა-შემოხლა ამ დრომდე გრძელდება. სამართალდამცავებსა და ოპოზიციის წევრებს შორის მომხდარ დაპირისპირებს სოციალურ ქსელში საზოგადოებისთვის ცნობილი პირები გამოეხმაურნენ:

მერაბ მეტრეველი, ჟურნალისტი:
"გზის გადაკეტვა იყო ყველაზე უგუნური გადაწყვეტილება, რაც შეიძლებოდა დღეს ხელისუფლებას
გაეკეთებინა"

თინათინ ხიდაშელი, თავდაცვის ყოფილი მინისტრი:
"10 წლის წინ ის ითხოვდა ინაგურაციის ჩაშლას .. ეხლა ესენი ითხოვენ იგივეს ...ტრიალებს.."

ქეთი დოლიძე, რეჟისორი:
"ჰო, ძალიანაც კარგი! ე. ი. "ნაცების" ჟაპა-ჟუპისთვის გვეყურებინა?! შე დალოცვილო, ვაშინგტონში იკეტება გზა და მიშა მათხოვარი იდგა ნაგვის ბუნკერებთან და რავა ყველაფერი აქ გიკვირთ?!"

გოგი გვახარია, ხელოვნებათმცოდნე:
"აბა, ახლა წარმოიდგინეთ, რომ პრეზიდენტად აგირჩიეს და თქვენს ინაუგურაციაზე (რომლის რეჟისორი ბასა ფოცხიშვილია) ასეთი რამეები ხდება... როგორ მოიქცეოდით? კაი, მოქცევა ჯანდაბას, რას იფიქრებდით?"



nugzari
17 დეკემბერი 2018 12:34
წავიდა ნაცების დრო კარგი გამოთქმით.ისე კი უნდა იმალებოდნენ სამალავებში ,მაგრამ ხელისუფლებამ თავიდანვე კოჰაბითაცია გამოუცხადა ამიტომაც ცხვირ პირს ამტვრევენ პოლიციელებს ,როცა წინა ხელისუფლების დროს ყველაფერი პირიქით ხდებოდა.ახია ამ ხელისუფლებაზე ევროპის ჭკუიტ სანამ ივლით ჩვენი საქმე წინ ფეხს ვერ მოიცლის.
lia
17 დეკემბერი 2018 12:24
პოლოტიკას ვინც აჰყვა ყველამ ბოლოს დაუსტვინა,ჰოდა მელიას პატრონი თუ ჰყავს მიხედოს. (ჩვენში დარჩეს და ქოცები კი არიან გასაყრელები მარტო იმისთვის,რომ ახალი წელი პურის გაძვირებით "მოგვილოცეს")
სიმართლე
17 დეკემბერი 2018 11:55
მიშამ რაც გააკეთა 2008 წელს ის იყო ცუდი,არ მოგვწონდა (ისე მაშინ გამყიდველმა ოპოზიციამაც შეუწყო ხელი მიშას თუ სიმართლე გინდათ, ხოლო იმ გამყიდველების ნაწილი ახლა ოცნებაშია ან მისი მხარდამჭერი) და ახლა იგივე უნდა აკეთოს ამ ხელისუფლებამაც? ასე ხომ ერთ წრეზე ვიტრიალებთ (ვტრიალებთ კიდეც რამდენი წელია). ქრისტემ შეცვალა ძველი აღთქმის "კბილი კბილის წილ".
ასეთი მოქმედებებით და მათი მხარდაჭერით თქვენდა უნებურად ხელს უწყობთ ნაცების უმრავლესობით მოსვლას ხელისუფლებაშ, რაც ნამდვილად არ იქნება კარგი. ცოტა გონივრულად უნდა შევხედოთ მდგომარეობას. წინა ხელისუფლების შეცდომები არ არის ინდულგენცია მომდევნო ხელისუფლებისათვის. სისხლიანი ცხრა წლის ძახილით გავიდა უკვე ერთი მაგდენი და შედეგები რა გვაქვს? პურის ფასი რომ გაიზარდა არჩევნების შემდეგ სამ დღეში ამ საკითხის ახსნა მოგეწონათ?. ხორბალი გაძვირდა ალბათ ბაზარზეო ეკონომიკის მინისტრმა. ხორბალი ბატონებო არჩევნების მეორე დღეს გაძვირდა? არჩევნებამდე რატომ არ გააძვირეს მეპურეებმა? ასეთი პატრიოტები არიან და ჩვენზე ზრუნავენ თუ დაავალეს არჩევნების დამთავრებამდე მოითმინეთო? ასეთი ტყუილებით ისევ ცუდს დავიმსახურებთ.

რუბრიკის სხვა სიახლეები
21-01-2019
გაზეთის სტატია. მიიღეთ წვდომა
თქვენი აზრით, ვინ არის პასუხისმგებელი დიდ დიღომში მომხდარ ტრაგედიაზე?
თქვენი აზრი მნიშვნელოვანია!
თქვენი აზრით, ვინ არის პასუხისმგებელი დიდ დიღომში მომხდარ ტრაგედიაზე?