"საქართველოს რუსეთთან შერიგება აუკრძალეს" - ვის არ ეძახიან კრემლში და ვინ მოუხშირა იქ სიარულს?
19-02-2019
"საქართველოს რუსეთთან შერიგება აუკრძალეს" - ვის არ ეძახიან კრემლში და ვინ მოუხშირა იქ სიარულს?
ფოტო:სალომე ზურაბიშვილი, ვლადიმირ პუტინი, ალექსანდრე ლუკაშენკო, რეჯეფ თაიფ ერდოღანი
რუსული გამოცემა «Комсомольская правда» აქვეყნებს სტატიას, სათაურით: "ვის არ ეძახიან კრემლში და ვინ მოუხშირა იქ სიარულს"

"კრემლის დარბაზებს ბოლო წლებში პლანეტის სხვადასხვა კუთხეებიდან ჩასული ბევრი პრეზიდენტი და პრემიერ-მინისტრი უნახავთ... მაგრამ არიან ლიდერები, რომლებსაც კრემლის პარკეტზე უკვე დიდი ხანია ფეხი აღარ დაუბიჯებიათ და არ გაუვლიათ... და ვლადიმირ პუტინიც მათთან სტუმრად პრინციპულად არ დადის..." - ვკითხულობთ სტატიაში.

"ვინ არიან ის ადამიანები, რომლებთანაც რუსეთის პრეზიდენტს ურთიერთობა არ აქვს და რატომ?", - ასეთი კითხვაა
დასმული პუბლიკაციაში, რომელშიც ჩამოთვლილია ის პოლიტიკური მოღვაწეები - ქვეყნების მეთაურები, რომლებსაც ვლადიმირ პუტინი "ხელს არ ართმევს" და განმარტებულია მათთან ნეგატიური დამოკიდებულების მიზეზები (პოლონეთის, ესტონეთის, ლატვიის, ლიეტუვის, უკრაინის, რუმინეთის პრეზიდენტები).

გთავაზობთ ამონარიდს სტატიიდან, რომელშიც საქართველოზეა ლაპარაკი:

საქართველოს რუსეთთან შერიგება აუკრძალეს

"ჯერ კიდევ 2008 წლის მაისში პრეზიდენტმა
მიხეილ სააკაშვილმა
საქართველოს ეროვნული დღესასწაულის - დამოუკიდებლობის აღდგენის დღესთან დაკავშირებით, ყირიმიდან ვლადიმირ პუტინის მილოცვა მიიღო: "გულწრფელად ვუსურვებ მშვიდობას და აყვავებას ქართველ ხალხს, რომელთანაც მრავალსაუკუნოვანი მეგობრობა და სულიერი ერთობა გვაკავშირებს. ვიმედოვნებთ კეთილმეზობლური ურთიერთობის, სტაბილურობისა და უსაფრთხოების განმტკიცებას კავკასიის რეგიონში", - ნათქვამი იყო მილოცვაში.
მიხეილ სააკაშვილი და ვლადიმირ პუტინი
მაგრამ აგვისტოს ომის შემდეგ მოსკოვსა და თბილისს შორის "კეთილმეზობლური ურთიერთობება" დასრულდა. აგერ უკვე თერთმეტი წელია ორ მეზობელ ქვეყანას შორის დიპლომატიური ურთიერთობაც გაწყვეტილია. მართალია, რუსი ტურისტები ძალიან ხშირად დადიან საქართველოში, ქართველებიც ჩამოდიან რუსეთში, მაგრამ ოფიციალურ დონეზე არანაირი სახელმწიფოთაშორისო ურთიერთობა არ არსებობს.

რუსეთის პრეზიდენტის საახალწლო მილოცვათა სიაშიც კი საქართველოს ადგილზე სიცარიელეა - მიუხედავად იმისა, რომ იქ უკვე ქვეყნის მეთაური დიდი ხანია შეიცვალა და მიხეილ სააკაშვილი საზღვარგარეთაა წასული. საეჭვოა, რომ სტატუს კვო უახლოეს ხანში აღდგეს - საქართველოს ერთმნიშვნელოვანი პოლიტიკური ორიენტაციის გამო. როგორც ქვეყნის ახალმა პრეზიდენტმა სალომე ზურაბიშვილმა განაცხადა, "ჯერ-ჯერობით ვერ ვხედავ დიპლომატიური ურთიერთობის დაწყების რაიმე წინაპირობებს. ეს შეუძლებელია ჩვენი მთავარი პარტნიორების ჩართვის გარეშე". და ვინ არიან საქართველოს "მთავარი პარტნიორები", რომელთა თანხმობის გარეშე თბილისი ნაბიჯსაც ვერ გადადგამს, გასაგებია: პირველ რიგში - ამერიკის შეერთებული შტატები".

სტატიაში მოცემულია აგრეთვე იმ ქვეყნების ლიდერების სია, რომლებიც ვლადიმირ პუტინს 2018 წელს ხშირად შეხვდნენ და ვისაც რუსეთის პრეზიდენტი "ხელს ართმევს":
"რომელიმე ქვეყნის ლიდერის წასვლა სხვა ქვეყანაში წელიწადში ორჯერაც კი - არაორდინარული მოვლენაა და ერთმანეთისადმი კარგი განწყობის მაჩვენებელია... და როცა სამჯერ ხდება ვიზიტი - ეს უკვე უჩვეულო და საოცარია. ბელარუსის პრეზიდენტი ალექსანდრე ლუკაშენკო 2018 წლის განმავლობაში თავის რუს კოლეგას ვლადიმირ პუტინს ოთხჯერ შეხვდა (კრემლში და სოჭის რეზიდენციაში) და ამრიგად, ხშირი სტუმრების სიაში პირველ ადგილს იკავებს. თუმცა თვითონ ვლადიმირ პუტინმაც დაამყარა რეკორდი, როცა გასულ წელს თურქეთს სამჯერ ეწვია... თანაც ორი ვიზიტი თითქმის მოულოდნელიც კი იყო, სულ რაღაც ორიოდ დღე დაჭირდა ურთიერთშეთანხმებას. სულ 2018 წელს ვლადიმირ პუტინთან სტუმრად 47 ქვეყნის ლიდერი იყო", - აღნიშნავს ავტორი. იქვე ჩამოთვლილია ის ნივთებიც, რომლითაც უცხოელი ლიდერები ასაჩუქრებენ რუსეთის პრეზიდენტს და პირიქით. წყარო

მოამზადა სიმონ კილაძემ

ალექს
21 თებერვალი 2019 11:02
არც არაფერი შეიცვლება ,ამასთან ,არც შეცვლილა ,ამხანაგო ბატონებო და ქალბატონებო !
ჩვენ სწორედ ისეთი სამართლის სისტემა და შესაფერისი საკანონმდებლო ჩარჩო და მისი აღსრულების ისეთი ადმინისტრირება გვაქვს ,როგორიც გვქონდა ,როცა კრემლის ქიმი გვეპყრა და ერთიან სახელმწიფოს წარმოვადგენდით,ახლაც ერთიანი სახელმწიფოს კანონები გვაქვს,გეგონება დუმამ დაწერა და ქართულმა პარლამენტმა წერა არ იცისო!
წართმევა,მონოპოლიზაცია,ოლიგარქიზაცია ,გაციმბირება,განკულაკება,გადაფორმება და წილის ახევა,დაჯარიმება -აი რუსული,ამითა ვართ მიბმული რუსეთზე !
აბა ვის რად უნდა აქ ქართული !
რეზო
20 თებერვალი 2019 00:34
სანამ რუსეთი მენტალურად არ შეიცვლება, იქამდე არაფერი ეშველება არც რუსეთს და არც სამეზობლოს.
INTRIGAN
19 თებერვალი 2019 20:09
ნუ იტყუები აქ ,ezra, !!! არავის , არასოდეს ოფიციალურ დონეზე არ შეუთავაზებია რუსეთისთვის ,ნატო,-ზე უარის თქმა!! ზღაპრებს ნუ წერ აქ რა!! ან დასახელე წყარო, სახელი და გვარი!! ეს რა ლაპარაკია (,ერთ ცნობილ პოლიტიკოსს) !!! თქვენ უარი თქვით ნატოზე, დაპირდით რომ ბაზები და რაკეტები არ იქნება საქართველოში და სამაგიეროდ მოსთხოვედ ტერიტორიების დაბრუნება!! უთხრა ვინმემ ეს??!! არა, ამერიკის მონობა გინდათ თქვენ!!!

რედაქტორის რჩევით
რუბრიკის სხვა სიახლეები
თქვენი აზრით, როგორ ჩატარდა 19 მაისის შუალედური არჩევნები?
თქვენი აზრი მნიშვნელოვანია!
თქვენი აზრით, როგორ ჩატარდა 19 მაისის შუალედური არჩევნები?