"ბიზნესმენი ადასტურებს, რომ გიორგი გახარიასგან მიღებული წერილიდან, ერთ-ერთი პუნქტი შეასრულა" - რას აცხადებს ხაზარაძის ადვოკატი
"ბიზნესმენი ადასტურებს, რომ გიორგი გახარიასგან მიღებული წერილიდან, ერთ-ერთი პუნქტი შეასრულა" - რას აცხადებს ხაზარაძის ადვოკატი
"თიბისი ბანკის" დამფუძნებლის, მამუკა ხაზარაძის ადვოკატის, ზვიად კორძაძის თქმით, ბიზნესმენი ადასტურებს, რომ 2 ნოემბერს "ნაციონალური მოძრაობის" რევანშთაზე გაკეთებული განცხადებით, სწორედ გიორგი გახარიასგან მიღებული წერილის ერთ-ერთი პუნქტი შეასრულა.

როგორც კორძაძემ "ინტერპრესნიუსს" განუცხადა, ხაზარაძე აღნიშნულს იმით ხსნის, რომ უნდოდა "თიბისი ბანკს" და ანაკლიის პორტის პროექტს რაიმე საფრთხე არ შექმნოდათ.

"მამუკა ხაზარაძე ამბობს, რომ შეასრულა წერილის მხოლოდ ერთი პუნქტი, დანარჩენს რაც შეეხება, მას "ტელეკომპანია პირველთან" შეხება არ აქვს, შესაბამისად, ვერაფერს შეასრულებდა. მამუკა განმარტავს,
რომ აღნიშნული პუნქტის შესრულება იმას უკავშირდებოდა, რომ "თიბისი ბანკს" და ანაკლიის პორტის პროექტს პრობლემები არ შექმნოდა", - განაცხადა ზვიად კორძაძემ.

რაც შეეხება შუამავალ პირს, ვინც მამუკა ხაზარაძის მტკიცებით, მას გიორგი გახარიას წერილი გადასცა, ზვიად კორძაძე ამბობს, რომ კონკრეტული პირის დასახელება არ შეუძლია, თუმცა ეს ადამიანი
შინაგან საქმეთა სამინისტროში არ მუშაობს.

შეგახსენებთ, რომ საქართველოს გენერალურმა პროკურატურამ გაავრცელა წერილი, რომელიც მამუკა ხაზარაძემ გამოძიებას გადასცა. წერილის ერთ-ერთ პუნქტში წერია - "მ.ხ.-მ უნდა გააკეთოს ოფიციალური განცხადება, რომ მისთვის მიუღებელია "ნაციონალური მოძრაობის" რევანში. ქართულ ბიზნესს კარგად ახსოვს, როგორ ექცეოდნენ მას "ნაციონალური მოძრაობის" პირობებში და ამის გამეორება მიუღებელია. მან უნდა მოუწოდოს ბიზნესმენებს, რომ გაერთიანდნენ და ერთობლივად იმოქმედონ(აქ უკვე მისი ინტერპრეტაცია არის შესაძლებელი).

2018 წლის 2 ნოემბერს მამუკა ხაზარაძემ გაავრცელა განცხადება, რომელშიც ის წერდა, რომ "რევანშის დრო არ არის".

"პოლიტიკაში არასდროს ჩავრეულვარ, მაგრამ ახლა თავს მოვალედ ვთვლი, ქვეყანაში შექმნილ ვითარებასთან დაკავშირებით რამდენიმე სიტყვა ვთქვა. 28 ოქტომბრის საპრეზიდენტო არჩევნების შედეგებმა ნათლად დაგავანახა მოსახლეობის შეცვლილი განწყობა მმართველი პარტიის მიმართ.

მიუხედავად იმისა, რომ დღეს ბიზნესი თავისუფალია და ბევრ წარმატებას მივაღწიეთ, ჩემი აზრით, ბევრი მნიშვნელოვანი რეფორმა კიდევ განსახორციელებელია. როგორც ბიზნესის წარმომადგენელი, დიდი იმედით შევცქეროდი სასამართლო სისტემაში მოსალოდნელ რადიკალურ რეფორმებს, რომელიც ჩემი ღრმა რწმენით, ყველაზე მნიშვნელოვანი და აუცილებელი პირობაა ქვეყანაში ჯანსაღი კონკურენტული გარემოსა თუ ზოგადად, სამართლიანობის შეგრძნების გაჩენისთვის. სამწუხაროდ, დღემდე ეს არ მოხდა, მაგრამ ახლა გაცილებით რთული და გამოწვევებით სავსე რეალობის წინაშე დავდექით. ეს არის რევანშიზმი, რომელსაც შეუძლია ქვეყნის განვითარება რამდენიმე წლით შეაფერხოს და გამოიწვიოს ქაოსი. ამის თქმის საფუძველს მაძლევს ის განცხადებებიც, რომელიც რამდენიმე თვეა მესმის და რომელიც განუწყვეტლივ გრძელდება თუნდაც ჩემი და ჩემი კომპანიების, ჩემი მონაწილეობით წარმოებული ბიზნესებისა და იმ პროექტების მიმართ, რომელიც ჩემი და ჩვენი 10 000 კაციანი გუნდის ღრმა რწმენით, უაღრესად მნიშვნელოვანია ქვეყნის მომავლისთვის.

მინდა ვუპასუხო "ნაციონალური მოძრაობის" ლიდერის ბოლოდროინდელ განცხადებას, რომელიც შეიცავს მოწოდებას კერძო ქონების ჩამორთმევა-ექსპროპრიაციისკენ და ასევე განცხადებას ანაკლიის პორტთან დაკავშირებით. სრულიად მიუღებელია ქონების წართმევის მუქარა, ხოლო რაც შეეხება ანაკლიის პორტის პროექტს, მისი ასაშენებელი ტერიტორია, სადაც აქამდე ჭაობი იყო, ჩვენთვის "უფასოდ" არავის უჩუქებია. პროექტის განხორციელების უფლება ჩვენს უცხოელ პარტნიორებთან ერთად მოვიპოვეთ საერთაშორისო ტენდერში კონკურენციის პირობებში. ანაკლია სწორედაც რომ ქართველი ხალხისაა და აშენების შემდეგ, სახელმწიფოსთან არსებული ხელშეკრულების თანახმად, მას უბრუნდება. მისი სიკეთე არა "რამდენიმე ადამიანის გამდიდრებას", როგორც ეს ეთერში ნათქვამი იყო, არამედ საქართველოს მოსახლეობის კეთილდღეობას ემსახურება, ემსახურება ქვეყანაში ეკონომიკური აღმავლობისა და უამრავი სამუშაო ადგილის შექმნას, ქვეყნის უსაფრთხოებისა და გეოპოლიტიკური მნიშვნელობის გაზრდას. აქვე აღსანიშნავია, რომ ეს პროექტი ხორციელდება უშუალოდ საოკუპაციო ზოლთან და დასაფასებელია ის დიდი რისკი, რომელსაც იღებს ადგილობრივი თუ უცხოელი ინვესტორი. მათ შორის, ცნობილი საერთაშორისო ფინანსური ინსტიტუტები.

კიდევ ერთხელ განვმარტავ, რომ ჩემი და ჩვენი დიდი გუნდის სურვილია, დასრულდეს ქვეყნის ორ ბანაკად გაყოფა, პოლარიზაცია და დაპირისპირება. მიუხედავად იმისა, რომ არაერთხელ ვყოფილვარ დარტყმის ობიექტი, 2004 წელს ჩემზე პირადად აღუძრავთ სისხლის სამართლის საქმე სრულიად აბსურდული ბრალდებით, რომლის წარმოება არაერთი წელი გრძელდებოდა, 2007 წელს თიბისი ბანკს პრაქტიკულად შეუჩერდა ძირითადი საქმიანობის - კრედიტების გაცემის საშუალება, იყო ჩემი პირადი ქონების წართმევის მცდელობა აჭარაში რამდენიმე წლის განმავლობაში, რომელიც შეწყდა 2012 წელს სასამართლო გადაწყვეტილებით, უსაფუძვლობის გამო. აღარ შევჩერდები სხვა ბიზნესმენთა მაგალითებზე. მიუხედავად ამისა, სამაგიეროს გადახდაზე არასდროს გვიფიქრია და დღეს, ერთხელ და სამუდამოდ ვუთხრათ არა შურისძიებას, რევანშიზმს, რათა დაპირისპირებებმა არ გადაგვიყოლოს და დამღუპველი შედეგები არ მოუტანოს ქვეყანას", - ნათქვამია ხაზარაძის განცხადებაში.
...
08 მარტი 2019 01:15
Business mani anu - saqmis kaci, modi qartulad visaubrot!
ალექს
07 მარტი 2019 08:16
ხაზარაძის ბანკი ,შეზრდილია სახელმწიფოსთან სხვა ბანკებივით,კომპარტიულ კომკავშირული რესურსითაა შექმნილი,ნაცმოც ,ისე ქოცებიც და ხელისუფლება ეგაა -ნაცქოცმოქკავშირი სატელიტებიანად,შეკრულიც ეგაა და დავალებულიც სხვა და ეროვნულ ბანკებიანად !
ახლა გაიგეთ,რომ ბანკი და საბანკო სისტემა ,ეროვნულით სათავეში ,სახელისუფლებო ინსტრუმენტია აქა ?
ბიზნესს ,გარდა საკუთარისა და ეიფილირებულისა აფინანსებს საბანკო სფერო ?
არა,ჰოდა ბანკი კი არა ინსტრუმენტია ,საეჭვო პოლიტიტდავალებებს ხომ აფინანსებს !?
კი !

რუბრიკის სხვა სიახლეები
როგორ აფასებთ სტრასბურგის ადამიანის უფლებათა ევროპული სასამართლოს გადაწყვეტილებას „რუსთავი 2“-ის საქმეზე?
თქვენი აზრი მნიშვნელოვანია!
როგორ აფასებთ სტრასბურგის ადამიანის უფლებათა ევროპული სასამართლოს გადაწყვეტილებას „რუსთავი 2“-ის საქმეზე?