"რიგგარეშე არჩევნები ხელისუფლების უკანასკნელი შანსია" - კვირის პალიტრა

"რიგგარეშე არჩევნები ხელისუფლების უკანასკნელი შანსია"

ექსპერტი გია ხუხაშვილი რიგგარეშე არჩევნების დანიშვნის შესაძლებლობას სოციალურ ქსელში ეხმაურება და პოსტს აქვეყნებს.

"2007 წელს სააკაშვილის ლეგიტიმაცია კრიტიკულად დასუსტდა, როგორც ქვეყნის შიგნით, ასევე მის ფარგლებს გარეთ. ყველა პროგნოზით, ვარდნის შეჩერება მხოლოდ არჩევნების გზით ძალაუფლების დაბრუნებას შეეძლო და მან ეს ნაბიჯი გადადგა. დღეს გარკვეულწილად სიტუაცია ანალოგიურია.

რიგგარეშე არჩევნები ხელისუფის უკანასკნელი შანსია, შეაჩეროს დეგრადაციის პროცესი და ბოლომდე გაიტანოს თავისი მოდელი, როგორც მართლმსაჯულების, ასევე ფინანსური ნაკადების მართვის მიმართულებით.

პლიუსები:

1. ჯერ კიდევ შეუძლია ორპოლუსიანი ნარატივის ნარჩენი ენერგიის გამოყენება, ე.წ. ანტი-მიშას ფაქტორით სპეკულირებით, ალტერნატული ცენტრების არარსებობის პირობებში.

2. დღის წესრიგში მაჟორიტარების შენარჩუნება. უბრალოდ ვერ მოესწრება ცვლილებები.

3. სრულიად ცხადია, რომ 2020-სთვის ბევრად უფრო მძიმე მდგომარეობა ექნებათ, პოლიტიკური დღის წესრიგიდან გამომდინარე.

პრობლემა მხოლოდ იმაშია, რომ ქართული ოცნების დღევანდელი ელიტისთვის ხელისუფლებაში ყოფნის ყოველი დღე სულზე უტკბესია და არც ის პოლიტიკური კლასი აქვთ, რომ ასეთი მასშტაბური თამაში წამოიწყონ. დღევანდელი კვერცხი უფრო ძვირფასია. ამ კვერცხის ამარადაც დარჩებიან....", - წერს გია ხუხაშვილი "ფეისბუკში". (წყარო)