"ვემიჯნები მათ, ვინც "ტროას ცხენით" შემოიპარა პარტიაში და დაიწყო ნგრევა"
"ვემიჯნები მათ, ვინც "ტროას ცხენით" შემოიპარა პარტიაში და დაიწყო ნგრევა"
"ჩემი დაკვირვებით, ბოლო ორი წლის განმავლობაში პარტიაში ყველაფერი პარლამენტის თავმჯდომარის ხელშია", - ამბობს "კვირის პალიტრასთან" "ქართული ოცნების" აწ უკვე ყოფილი წევრი ზვიად კვაჭანტირაძე, რომელმაც უმრავლესობა სულ ცოტა ხნის წინ დატოვა.

- პარტიის დატოვებაზე დიდი ხანია, ვფიქრობდი და საბოლოოდ გადაწყვეტილე­ბა­ სასამა­რ­თ­ლოს რეფორმასთან დაკავშირე­ბულმა პროცესმა მიმაღებინა. ლაპარაკია უზენაესი სასამართლოს მოსამართლეთა არჩევის წესზე. ეს იყო წითელი ხაზი, სადაც გამოიკვეთა­ უმრავლესობის სულისკვე­თება, რომ საყოვე­ლ­თაოდ ცნობილ სასამართლო კლანს, პრაქ­ტიკულად, განუსაზღვრე­ლი ძალაუფლება უნარჩუნდება. ამას წინ უძღოდა
ჩემი დამოკიდებულ­ების შეცვლა მმართველობის სტილისადმი. ჩემი აზრით, ყველ­აფერს ერთი ადამიანი, პარტიის თავმ­ჯ­დომარე მართავს, მით უმეტეს, მაშინ, თუ საკითხი­ აინტერ­ესებს, სხვა საკითხები კი აბსოლუტურად მიშვებულია და ყველაფერი ივანიშვილს ჰბრალდება. ეს არასწორი­ მმართველობის ბრალია და ამიტომაც გადავწყვიტე ბრძოლის გაგრძელება იმ ადამიანებთან ერთად, რომლებთან ერთადაც დავიწყე 2012 წლის
დეკემბერში და ინიცირება გავუკეთე კანონპროექტს ამნისტიის შესახებ.

- პარტიაში რა ვითარებაა­? განაგებს თუ არა ამ პროცესებს ირაკლი კობახიძე?
- ჩემი დაკვირვებით, ბოლო ორი წლის განმავლობაში პარტიაში ყველაფერი­ პარლამენტის თავმჯდომარის ხელშია.

- რატომ აღმოჩნდა ბიძინა ივანიშვილი ირაკლი კობახიძის მხარეს?
- ივანიშვილმა ვითარების გამოსასწორებლად გადადგა ნაბიჯები, თუმცა დაგვი­ანებული. გულწრფელად მწყდება გული, პირველივე დღიდან ვიყავი ამ პარტიაში...
ერთი-ორი ადამიანის გარდა, არ ვემიჯ­ნები იმ თანამებრძოლებს, რომლებთან ერთადაც ეს ყველაფერი დავიწყე. ვემიჯნები მათ, ვინც "ტროას ცხენით" შემოიპარა პარტიაში და დაიწყო ნგრევა.

- მოსამართლეთა შერჩევის კრიტერიუმების შესახებ უმრავლესობის კანონპროექტის მიღება ნიშნავს­ თუ არა, რომ "ოცნება" ხალხს ჯიბრში ჩაუდგა?
- ვენე­ციის­ კომისიასთან კი არ უნდა ვიკეკლუცოთ, არამედ მის მოსაზ­რებებს უნდა დაველოდოთ. როგორც უმრავლესობას, ჩვენც გაგზავნილი გვაქვს ჩვენი­ ვარიანტი,­ მაგრამ მათ კომისიის დასკვნამდე­ ტაშ-ფანდურით მიიღეს კანონპროექტი.

- სადამდე მიგვიყვანს ეს პროცესები?
- ეს არის კანონი, რომელსაც გზაჯვარ­ედინზე გავყავართ, როგორი იქნება ჩვენი მართლმსაჯულება და სასამართლო სისტემა. ვფიქრობ, ეს არის საშიშროების შემცველი კანონპროექტი და იუსტიციის საბჭოს, პრაქტიკულად, ყველა სადავეს უტოვებს, აძლევს მას საშუალებას, ჩაჭრას ნებისმიერი პირი, რომლებიც მათ არ აწყობთ­. სწორედ ამისთვის დააწესეს 5-საფეხურიანი ფილტრი, ჩვენს კანონპროექტში კი პარლამენტს ეძლევა მთავარი გადაწყვეტილების მიღების უფლება.

- დიასპორისა და კავკასიის საკითხთა­ საპა­რლამენტო კომიტეტის თავმჯდომარის პოსტი­ საკუთარი ნებით დატოვეთ, თუმცა მანამდე­ თქვენი გადაყენება კოლეგებმა სცადეს და ვერ მოახერ­ხეს. იზიარებთ თუ არა განმარტებას, რომ თქვენს კოლეგებს ღილაკები აერიათ?
- პარლამენტში თავაშვებული მმართ­ვე­ლობაა. შეიძლებოდა სხვა გადაწყვეტილებაც მიმეღო, მაგრამ პარლამენტის თავმ­ჯდომარის ყოვლად უსირცხვილო გამოსვ­ლამ და იმ პოსტულატებმა, რომლებიც სამარცხვინო გამოსვლაში წამოაყენა, მიმაღებინა გადაწყვეტილება, დავმდგარიყავი მედგრად და არ გამეკეთებინა გადადგომის განცხადება, თუმცა საბოლოოდ მაინც გადავდექი.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
როგორ შეაფასებთ ტაქსების მიმდინარე რეფორმას?
თქვენი აზრი მნიშვნელოვანია!
როგორ შეაფასებთ ტაქსების მიმიდინარე რეფორმას?
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა