"მას შეუძლია პრობლემის ცარიელ ადგილას შექმნა" - როგორ შეიძლება შეფასდეს სალომე ზურაბიშვილის პრეზიდენტობის 6 თვე?
"მას შეუძლია პრობლემის ცარიელ ადგილას შექმნა" - როგორ შეიძლება შეფასდეს სალომე ზურაბიშვილის პრეზიდენტობის 6 თვე?
პრაქტიკაში დამკვიდრებულია სახელმწიფოს მეთაურის მუშაობის შეფასებითი ანალიზი. მნიშვნელოვანია პერიოდულად აჯამებდეს ამომრჩეველი წარმომადგენლობით დემოკრატიას. თუ გავითვალისწინებთ ფაქტს, რომ საქართველოს მე-5 პრეზიდენტის არჩევიდან 6 თვე გავიდა, საინტერესო იქნება, თუ ვისაუბრებთ ძირითად მნიშვნელოვან ფაქტებზე, რაც სალომე ზურაბიშვილის პრეზიდენტობას უკავშირდება.

ბოლოდროინდელ მოვლებებსაც თუ გადავხედავთ, საზოგადოებაში აზრთა სხვადასხვაობა გამოიწვია პირველ ივნისს საქართველოს პრეზიდენტისა და პრემიერის მონაწილეობამ წმინდა ნინოს საქართველოში შემოსვლის 1700 წლისადმი მიძღვნილ მსვლელობაში. საზოგადოებაში გამყარდა შეხედულება, რომ მთავრობისა და პრეზიდენტის ინსტიტუტის მსგავსი აქტიურობა დაკავშირებული
უნდა იყოს რელიგიური სეგმენტის ხმების მოპოვებასთან მომავალ არჩევნებში.


თუმცა, პილიგრიმულ მსვლელობაში მონაწილე საქართველოს მე-5 პრეზიდენტი საუბრობს საქართველოს რეგიონების განვითარების შესაძლებლობაზე და მსგავსი სიმბოლური მსვლელობებით თანხვედრაში მოყავს ის ევროპულ ანალოგიასთან. "ეს არის რეგიონების პირდაპირი და სწორი განვითარების გზა. ამ მარშრუტების მნიშვნელოვანი ნაწილი უნდა იყოს არქეოლოგიის, ტრადიციების,
რელიგიის მიმართულება, რადგან დღეს ევროპაში პილიგრიმობის გზით ბევრი ადამიანია დაინტერესებული", -
აღნიშნა სალომე ზურაბიშვილმა.

კონსოლიდაციის მცდელობის ამ ერთ კონკრეტულ შემთხვევას რომ გავცდეთ და განვიხილოთ სალომე ზურაბიშვილის მმართველობის პირველი თვეები, საჭიროა მოვლენათა ანალიზის ქრონოლოგიურად განხილვა. სწორედ ამიტომ, დავუკავშირდით ექსპერტ მამუკა არეშიძეს საზოგადოებაში პრეზიდენტის ინსტიტუტისადმი დაგროვებულ მწვავე კითხვებზე პასუხების მოსასმენად:

- წინასაარჩევნოდ სალომე ზურაბიშვილის განცახდების შემდეგ, რომ 2008 წლის ომი მიხეილ სააკაშვილმა დაიწყო, ოპონენტებისთვის გახდა საფუძველი იმისა, რომ ის კრემლზე მომუშავე პოლიტიკოსად გამოეცხადებინა, რაზე მეტყველებს უკვე მისი პრეზიდენტობა, როდესაც ის საკამაოდ უკომპრომისო განცახდებებს აკეთებს რუსეთის მიმართ?
- ეს არის ჩვენი ჟურნალისტიკის უბედურება. არ უნდა ვმსჯელობდეთ მხოლოდ არსებული დღის ფაქტებით. ყურადღების მიღმა რჩება საკვანძო დეტალი - სალომე ზურაბიშვილი არის მაღალი რანგის დიპლომატი. შეიძლება ითქვას, რომ მსგავსი მაღალი რანიგის დიპლომატი საქართველოში ცოტაა. პიროვნულად სალომეს აქვს უმძიმესი ხასიათი, აქაც ცალსახად ერთია პიროვნული თვისებები და მეორეა მისი დიპლომატიური გამოცდილება და ცოდნა... და რაც ყველაზე დიდ ყურადღებას იმსახურებს, ზურაბიშვილი ერთადერთია საქართველოში, რომელიც არის დასავლური პოლიტიკის ნაწილი.

დიპლომატიური კარიერის პროცესში სალომე მხოლოდ საფრანგეთის საგარეო უწყების წარმომადგენელი არ ყოფილა, იყო ძალიან ახლოს ფრანგულ უსაფრთხოების სისტემასთან.
ვიზიტით საფრანგეთსი, შეხვედრა პრეზიდენტ ემანუელ მაკრონთან
აქედან გამომდინარე, მისი პოლიტიკური სვლები არ შეიძლება განხილული იყოს, როგორც პრორუსული, შეგვიძლია ვუწოდოთ კომპრომისი ან და, დიპლომატიური უკან დახევა. თქვენი კითხვის პირდაპირი პასუხი კი იქნება შემდეგი - საქართველოს პრეზიდენტის პოზიცია არ შეცვლილა, არც არჩევნებამდე და არც მას შემდეგ. ვინაიდან არის უკომპრომისო რუსეთთან ბრძოლაში როგორც პიროვნება, ჩრდილოელი მეზობლის იმპერიალიზმის სიძულვილი ბავშვობიდან აქვს, მოგეხსენებათ, მისი წინაპრების ევროპაში წასვლაც სწორედ რუსულ ოკუპაციას უკავშირდება. - ეს როგორც ადამიანის პოზიცია, და როგორც დიპლომატს - აქვს უფლება და უნარიც რომ იმუშაოს მანევრის რეჟიმში.

- დიდი რეზონანსი მოჰყვა მის ვიზიტებს სომხეთსა და აზერბაიჯანში, სადაც საკამოდ მკაცრად დასვა ერთი მხრივ აფხაზეთში სომხური ეკლესიის საკითხი, მეორე მხრივ საქართველო-აზრებიაჯნის საზღვრის დადგენის თემა წამოსწია, რის გამოც მას აკრიტიკებდნენ კიდეც, რამდენად შედეგიანი იქნება საერთაშორისო ურთიერთობებში ზურაბიშვილის პიროვნული სიმტკიცე?
- ზურაბიშვილი რომ იყოს შედარებით გავლენიანი სახელმწიფოს პრეზიდენტი, ვიდრე საქართველოა, რომელსაც ტერიტორიული კონფლიქტები არ ექნებოდა, პრეზიდენტობის პირველ თვეებსაც კი შევაფასებდით როგორც ეფექტიანს, მაგრამ აშკარაა, რომ სალომეს თავისუფლად შეუძლია ცარიელ ადგილას პრობლემის შექმნა. თუმცა პრობლემა, რომელზეც ახლა ვსაუბრობთ, რეზონანსულია. მისმა გამოსვლამ ბაქოში, რასაკვირველია, პრობლემა წინა ფლანგზე წამოწია, თუმცა ეს იყო ძველი პრობლემის გაცოცხლება, რომელიც საჭიროებდა ოდესმე გადაწყვეტას.
აზერბაიჯანის პრეზიდენტ ილჰამ ალიევთან ერთად
არც ყარაბაღთან მიმართებაში გაკეთებული განცხადება მიკვირს, ნათქვამის გაცილებით რბილად თქმა შეიძლებოდა, თუმცა როგორც აღვნიშნეთ ეს არის ადამიანი, რომელსაც ამ ტიპის კომპრომისები არა ახასიათებს. ამ ნაწილში შეიძლება მე არ ვამართლებდე, მაგრამ წინასწარ ვერ ვიტყვით როგორი რეზულტატი შეიძლება გამოიღოს წლების შემდეგ. ზურაბიშვილის მოქმედების ლოგიკა რომ გავიაზროთ, საჭიროა მისი ბიოგრაფიის კარგად ცოდნა. განსაკუთრებით იმ ეპიზოდების, როცა მოღვაწეობდა ჩადში. დასავლურ დიპლომატიურ წრეებში დღესაც ლაპარაკობენ, რომ სალომემ თავის დროზე ჩადში საფრანგეთისა და ზოგარად დასავლეთის პრესტიჟი გადაარჩინა.

ამ და სხვა ცხოვრებისეულმა გამოცდილებამ საქართველოს მე-5 პრეზიდენტი ჩამოაყალიბა უკომპრომისო პერსონად რუსული პოლიტიკის მიმართ და საკმაოდ ხისტ პოლიტიკოსად რეგიონალური პოლიტიკის მიმართ ძირითადად მოქმედებს პრინციპით - "სადაც ვიწროა იქ გაწყდეს". მიუხედავად იმისა, რომ ქართული პოლიტიკა არ არის მიჩვეული საკუთარი პოლიტიკოსების აგრესიულ გამოსვლებს (სააკაშვილს თუ არ ჩავთვლით), უნდა შევეჩვიოთ ფაქტს, თუ გვინდა რომ საერთაშორისო ასპარეზზე გვისმენდნენ, უნდა ვქმნიდეთ პრობლემას და ამ პრობლემას აქტიურად ვუსვამდეთ ხაზს.

სალომე ზურაბიშვილის ინაუგურაციაზე გასაგებად და მკაფიოდ ითქვა რეგიონალური პოლიტიკის პრიორიტეტები, მათ შორის კავკასიური პოლიტიკის, განხორციელება კი ბაქოდან დაიწყო. ზურაბიშვილი იქ პარიზიდან ჩავიდა. საქართველოს ახლადარჩეული პრეზიდენტის პარიზში მიღების დონემ გვიჩვენა არა მარტო საფრანგეთში მოღვაწეობის მნიშვნელობა, არამედ ისიც, რომ მას გარკვეული ფუნქცია მიენიჭა დასავლური პოლიტიკის მხრიდან კავკასიის რეგიონალური პოლიტიკის საქმეში. გზავნილი კი ჩაიტანა ბაქოში, სადაც ანალოგიურად, მსგავსი მაღალი დონის შეხვერა გაიმართა. ცხადია აზერბაიჯანული მხარისთვისაც ცნობილია სალომე ზურაბიშვილისადმი ევროპის პოზიცია.

- თქვენი აზრით, ევროსტრუქტურებში გაწევრების გზაზე, როგორი შეიძლება იყოს საქართველოს პრეზიდენტის როლი , როგორც საერთაშორისო რანგის დიპლომატისა?
- ამ საქმეში სალომე ზურაბიშვილს ბევრის გაკეთება შეუძლია. გაცილებით მეტის, ვიდრე ნებისმიერ სხვა ქართველ დიპლომატს. თუნდაც თავისი კავშირების გამო. ფრანგული პოლიტიკის კულუარებში მას ჯერ კიდევ ნებისმიერი კარის შეღება შეუძლია და ეს ხდება მისი ძველი კავშირების გამო; ენდობიან, ცნობენ. ამიტომაც, შეუძლია კიდევ უფრო გააქტიურება საგარეო პოლიტიკის წარმოების კუთხით, როგორი შედეგის მომტანი იქნება ამას პროცესში ბევრი ობიექტური და სუბიექტური მიზეზი განსაზღვრავს. ვგულისხმობ ევროსტრუქტურებში საქართველოს გაწევრიანებას და არა ნატოში, იქ კიდევ სხვა გარემოებები არსებობს.

- ზურაბიშვლი რამდენადაც აქტიურია საგარეო პოლიტიკის მიმართულებით, იმდენად პასიურია, როცა საქმე საშინაო პოლიტიკას შეეხება. როგორ შეაფასებდით საქართველოს პრეზიდენტის უფლება-მოვალეობებს ადრე და ახლა.
- სააკაშვილის პერიოდში პრეზიდენტს სხვა ფუნქციები ქონდა კონსტიტუციურად განსაზღვრული, ეხლა სხვა ფუნქცია აქვს. სალომე ცდილობს მისდიოს ზუსტად კონსტიტუციის ნორმას, რომელიც მის ფუნქციებს ზღუდავს.
არის რამდენიმე გამონაკლისიც, მე ვერავითარ შემთხვევაში გავამართლებ პრეზიდენტის ინიციატივას შეწყალების კომისიიის ფუნქციონირების იუსტიციის სამინისტროს დაქვემდებარებაში გადასვლასთან დაკავშირებით. ვინაიდან ეს არის გარკვეული ტიპის ტრადიცია მსოფლიოში, რომლის მიხედვითაც პრეზიდენტს აქვს უფლება გადაწყვეტილება მიიღოს ამა თუ იმ პატიმრის შეწყალება არ შეწყალებასთან დაკავშირებით. ამ მოვალეობისგან თავის არიდებას მე არ მოვუწონებ, ეს პირადად მითქვამს კიდეც. საშინაო პოლიტიკაში ჩარევას მას კონსტიტუცია უზღუდავს, თუმცა გარკვეული ფუნქციები აქვს, თუნდაც ცერემონიალური და ამ ფუნქციებისგან გამიჯნვა არავითარ შემთხვევაში სწორი არ იქნება.

რაც შეეხება 6 თვეს, 6 თვე ძალიან ცოტა დროა რეალური რეზულტატების მისაღებად. შთაბეჭდილება მრჩება, რომ სალომე ზურაბიშვილი ცდილობს ბაზისი შექმნას მომავალი მოქმედებებისთვის, ამიტომაც მისი ვიზიტები საკმაოდ ხშირია, რაც მთავარია არ არის უსაგნო, ყველგან სადაც კი მიდის, არის ვიზიტის საჭიროება, რაც შეეხება მის აქტიურობას კავკასიურ რეგიონალური პოლიტიკის კეთების საქმეში, კიდევ ერთხელ ვიტყვი, რომ კიდევ მეტის გაკეთების შესაძლებლობა აქვს - ამ თვალსაზრისით კარგი იქნება თუ ის ჰუმანიტარულ შემადგენელს გაააქტიურებს, განსაკუთრებით ჩრდილოეთ კავკასიის მიმართ. ამ ბაზისის შექმნის საქმეში თუ ვაცდით და ხელს არ შევუშლით, მაინც მგონია, რომ სერიოზული პერსპექტივების განსაზღვრა შეუძლია, მითუმეტეს, უნდა ითქვას რომ რეგიონალური პოლიტიკის თვალსაზრისით ზურაბიშვილის პოზიცია უნისონშია პრემიერის პოზიციასთან, რაც სასიამოვნოა, ვინაიდან წინა პრეზიდენტისა და მთავრობის პერიოდში თანამშრომლობა მუდმივი კონფრონტაციის რეჟიმში იყო გადასული.

გოჩა პაპიძე (სპეციალურად საიტისთვის)

მკითხველის კომენტარი (20)
gocha
05 ივნისი 2019 15:30
NONA-ს საქართველომ ტერიტორიები დაკარგა მას შემდეგ რაც მოსკოვმა დასვა თავისი კაცი შევარდნაძის სახით და დააქცია ქვეყანა და დღესაც მისი პოლიტიკური შვილები არიან ხელისუფლების სათავეში გარეგნულად მტრობენ მაგრამ ტერიტორიებს კოდორის ხეობა ახალგორი და ეკონომიკა დღეს რუსეთის ხელშია
მაია
05 ივნისი 2019 14:44
საფრანგეთში დაბადებული და გაზრდილი, შემდეგ კი მშობლიურ მიწაზე დაბრუნებული უფრო ეროვნულს აწვება და უფრო

დიდი პატრიოტია, ვიდრე საქართველოში დაბადებული და გაზრდილი , ეროვნების უარმყოფი , უცხო მიწებზე მოხეტიალე

"რაინდი'. გამგებმა გაიგოს........

მარკი
05 ივნისი 2019 11:40
თანამედროვე საქართველოს პოლიტიკოსთა შორის უძლიერესი და მსოფლიო პოლიტიკოსთა თანამედროვე პლეადის ჩინებული წარმომადგენელი. წარმატებებს უსურვებ ჩვენი ქვეყნის საკეთლდღეოდ.
tngh
05 ივნისი 2019 10:26
იმედია, ქ-ნი სალომე შეძლებს იმას, რაც მარგველაშვილმა ვერ გაბედა. შეხვდება რუსეთის ხელისუფლების წარმომადგენლებს და საქართველოს გამთლიანებაზე ისაუბრებს...
soxumeli veterani
05 ივნისი 2019 10:23
საქართველოს ერთადერთი პრეზიდენტია, რომელმაც ღიად, ყოველგვარი მიკიბ-მოკიბვის გარეშე თავისი პოზიცია დააფიქსირა ძირძველი ქართული, ისტორიული ტერიტორიის და იქ განლაგებული სამონასტრო კომპლექსის დავით გარეჯის მიმართ, როდესაც იქ მივიდა და ქართველ მესაზღვრეებს გვერდით დაუდგა! ვენაცვალე მარტო ამისთვის!!! არ ამოვიდა ყელში ყველას მიმართ ყველა დროს ლამის ბოდიშების მოხდა იმაზე, რაც ყოველთვის შენი ოყო და დღესაც შენია(და ეს ყველაფერი იმათაც კარგად იციან ვინც რაღაც აფსურდებში გედავება) ყველანაერი გადმოსახედიდან. გენაცვალეთ ქალბატონო სალომე!!!
JimUK
05 ივნისი 2019 04:08
ქართველებს თუნდაც ამ პატარ-პატარა ინტერნეტ ფორუმებზე არ გვაქვს ერთობა და სულ ვცდილობთ მთელი ცხოვრება, რომ მსოფლიო გავაოცოთ ხაჭაპურ-საცივ-ხინკალ ჭამიაობით -:)... სულ ერთმანეთის კრიტიკა, ძაგება, ლანძღვა, გინება, შური, ზიზღი, პირველობა, ყველას პრეზიდენტობა და მეფობა სურს, რაც იმის მანიშნებელია, რომ უვიცობის ჭაობში ვიხჩობით, რადგან მე, მე, მეს ძახილში პირდაპირ მყინვარწვერს ურტყამს ჩვენი ეგო-ამბიცია!

აქ ყველა ჩვენთაგანი პრეზიდენტია! შევეკითხოთ ყველა ჩვენთაგანმა საკუთარ თავს თუ რა გაგვიკეთებია ყველაზა კარგი ამ ცხოვრებაში, და ყველაზე დიდი ჩვენი ქვეყნისთვის! კრიტიკას ჯობია ყოველთვის რჩევა-დარიგებები, მოწონება ან არმოწონება, მაგარამ არა ლანძღვა-გინება და წყევლა-კრულვა! ეს არის ჩვენი დიდი პრობლემა, რომ გაჭირვების გამო დავკარგეთ ღირსება, და ვეღარ ვიტანთ ერთმანეთს! კაცი გასაჭირში თუ არ გატყდება და ღირსებას არ დაკარგავს, მაშინ არის ის კაცი! პრეზიდენტი არ არის ზე-ადამიანი, ისიც ერთი ჩვენისთანა უბრალო მომაკდავი არსებაა.

ჩვენ ყველას გვმართებს ერთმანეთისადმი, ლმობიერება, სითბო, სიყვარული და პატივისცემა. ჩვენი ყველაზე დიდი მტერია სიამაყე და ტრაბახი, და სანამ არ ვისწავლით თავმდაბლობას, რომელიც მეფეა ყველაფრის, მანამ ვიქნებით ტრაბახ-ბატი-ბუტია!!! თავმდაბლობა და თავაზიანობა არ არის სისუსტე. სისუსტე არის ის, როდესაც კუნთები გასკდება, მაგრამ გული გაქვს კაცს თაგვის! ამოვიღოთ გონიდან, სულიდან და გულიდან ზიზღი, ბრაზი და ეჭვი, გავერთიანდეთ, ვაპატიოთ ყველამ ერთმანეთს ის, თუ ვის რა შეეშალა და გააფუჭა - მათი, ჩვენი დიდი პრობლემაა ეგეც, რადგან ღმერთთან და ერთან ექნებათ ბოლოს მაინც ყველას საქმე (ვის რა წაუღია = ჩვენ, რომ წავიღოთ)! დროა მიტევების, პატიების, გადავეხვიოთ ერთმანეთს, თვალები ავუხსნათ სიბოროტეს, სიძუნწეს, სიძულვილს, რომ მათ შერცხვეთ თავიანთი ქმედებების! გულრწფელად მოვინანიოთ.

დავდგეთ ყველამ ერთად და გავძლიერდეთ, და ვაჩვენოთ ყველას ჩვენი ერთობა და ძალა! მაშინ დაგვაფასებს ყველა და ქედს მოიხრის ჩვენი ერთიანობის, ძლიერების, სამართლიანობის, ღირსების, ერთგულების, გულრწფელობის და ვაჟკაცობის წინაშე!

* შევარდნაძე, გამსახურდია, სააკაშვილი, ზურაბიშვილი, ივანიშვილი ყველა ადამიანი ამ პლანეტაზე, ჩვენ, ყველა არსება არის ღმერთის გაჩენილი ერთეულები! ისინი ჩვენი სარკეა, ჩვენი ხელებით იქმნება ცუდიც და კარგიც, და ამიტომაც ნუ გვიკვირს მათი სწორიც და მცდარიც! მოვრჩეთ თითების იქეთ-აქეთ შვერას. მხოლოდ წმინდანებია ცაში, და აქ მათ შემჩნევას ჩვენ ვერ ვახერხებთ, რაც არის მხოლოდ ჩვენი პრობლემა.

გამოსავალი?! საკუთარი თავი უნდა შეცვალოს ადამიანმა, გაიზარდოს, ღმერთს მიუახლოვდეს გონებით, სულით და სხეულით, კეთილშობილი ქმედებებით, რომ თავად მისი უზენაესობა - სამყარო შეიცვალოს ჩვენს ირგვლივ! ჩვენი უსასტიკესი და უბოროტესი მტერი არის ტყუილი, უპირველეს ყოვლისა საკუთარი თავის წინაშე! ატყუებს კაცი ჯერ საკუთარ თავს, შემდეგ სხვას (და ამ დროს სხვა არ არსებობს = ყველა ერთნი ვართ), და ბოლოს ღმერთს ვატყუებთ!

ღრმა ფიქრია საჭირო ხალხო, შემდეგ მონანიება, შემდეგ ღმერთის მცნებებით და კანონებით ცხოვრება, და სწორი, ჭეშმარიტი ქმედებები თუ სვლები გვმართებს. სიბრძნე გვაკლია, რომელიც ცოდნის გარეშე შეუძლებელია, ცოდნა კი შრომის გარეშე შეუძლებელია, მარტო წიგნების კითხვაც პრაკტიკის გარეშეც ფუჭია, ვერ გვიშველის (საერთოდ დღეს თუ კიდევ ვინმე რამეს კითხულობს და სწავლობს ხარისხიანს, ისიც ძნელი დასაჯერებალია -:))...

* მამა და დედა ზეციერო მოგვიტევე, შეგვიწყალე, გაგვაძლიერე, გაგვაერთიანე და ამოიღე ჩვენი გონიდან, სულიდან და გულიდა ყველა ბოროტება! გაგვინათე გზა სამშვიდობოს, სიყვარულის, ერთობის და საქართველოს ძლიერების!

მივიღოთ სალომე ზ. და სხვები როგორებიც არიან (ოღონდ შეცდომები და შეგნებული სიბოროტე არ ვაპატიოთ არც მოძმეს და არც გარეს!). დანარჩენი ყველაფერი არის ჩვენი შესაცვლელი, საკეთებელი, საომარიც და სალხინოც! ჯონი, ვანია და მანია არ გააკეთებს ჩვენს საკეთებელს! ჩვენს საომარს = სხვა არ იომებს! ჩვენი ბრძოლა საკუთარ ბოროტებაზე არის ჩვენი მოსაგები. ვეძებოთ ხალხი, ადამიანები, ერთგულება ჩვენში, და დავუდგეთ ერთმანეთს გვერდში, და ვიმოქმედოთ დღეს, რადგან მეტი აღარაფერი დაგვრჩენია ჩვენ! გადავარჩინოთ ერთმანეთი დღეს, თორემ ხვალ უკვე გვიანია და შეგვიტანენ წითელ წიგნში.

ღმერთო გამოგვისწორე ჩვენ და მთლიანად კაცობრიობას გონება და გვიჩვენე გზა სინათლისკენ მავალი. გაგვიმარჯოს ჩვენ, საქართველოს, დედამიწას, ღმერთს, ქრისტეს და ყველა წმინდანებს.

გაუმარჯოს სალომე ზურაბიშვილს, მიეცი ღმერთო მას ისეთი ძალა და გონიერება, რომ დიდი სიკეთე მოუტანოს ჩვენს სამშობლოს, და კეთილი კვალი დატოვოს ჩვენს ისტორიაში. სამყაროს უნივერსალური საიდუმლობა მდგომარეობს იმაში, რომ "რასაც გასცემს ჩვენი გონის იმპულსები - იმასვე ღებულობს უკან სივრციდან"! ხოდა, და გავცეთ დალოცვილებო წარმატება, სიკეთე და სიყვარულის მრწამსი!!! გეხვევით ყველას და სალომესტან ერთად გპატიჟებთ ყავაზე, ხოლო შემდეგ სპორტულ დარბაზში, რომ კუნთები და ძალები აღვიდგინოთ -:::))) დიდი და ბუმბერაზი საქმეების საკეთებლად! ამინ!

პ.ს.
პრეზიდენტმა სულ ცოტა სახე გვიჩვენა ოპონენტის!
ისინი მდგომარეობიდან გამოვიდნენ!
მერედა რა, რომ გზა გაჰყავთ სწრაფი ტემპებით?!
ჩვენც გავიყვანთ გზას სწრაფი ტემპით!
კეთილი! გვექნება გზა ორივე მხარეს -;)...
მერედა რა, რომ ჯერ ტანკებით არ მივსულვართ?
მთავარია პირველი არ გავისროლოთ!!!
თუ თვალებს დავხუჭავთ, მაშინ დავრჩეთ სირაქლემად!!!

* მერედა, რა რომ ერთ დღეს დაგვარტყამს თავში და გადავკეტავთ ნავთის ონკანს და ტრანზიტს?!
- ვოვასთან გაიქცევიან?! გაიქცნენ! სხვამ რა დაიჭირა, რომ მაგათ დაიჭირონ?!
- ყარაბახის ცეცხლზეც ნავთს დაასხამენ საკუთარი ხელებით!
- კორუპციონერი და ტოტალური რეჟიმი ვერ გვაჯობებს!!!
- რითი გვაჯობებს? ფულით, კუნთებით, რაოდენობით?
- მაშინ დავთმოთ ყველაფერი და გავყიდოთ ყველა კუთხე ჩვენი ქვეყნის!

იგებს ცივ-სისხლიანობა! საღი და მშვიდი გონი!
მათ სახე გამოაჩინეს!
ჩვენ ვუთხარით, რომ სულელები არ ვართ!
დროა გავარკვიოთ დიდი ხნის გაურკვევლობა!
მივცეთ მათ მეტი შეცდომების დაშვების უფლება!
მაგარმ უნდა ვემზადებოდეთ რინგზე გასასვლელად!
შიში არ არის ჩვენი მეგობარი! სიდინჯე - არის!!!

ჯერ მეტს ვერაფერს ვერ იტყვის კაცი და ვერც ვითარება...
მ. არეშიძის ანალიზი ლოგიკურია, ის მიმოხილველია, და ასევე სწორად მოაზროვნე ქართველი კაცი.
კულუარებში რა ხდება ჩვენ არ ვიცით!
გაყიდვით ჩვენს გარეშე ვერაფერს ვერ გაყიდნენ წარსულში!
და თუ გაყიდეს, ყველა შემთხვევაში ჩაითვლება კრიმინალურ გარიგებად!
შიში, ბრახაბრუხი, ლანძღვა-გინება, იმას ვიზამ და ამას ვიზამ, მშიშარას ხვედრია.
ვინც აკეთებს ის დუმს. ჩვენ უნდა გვჯეროდეს ჩვენი თავის! და ასევე იქეთ აქეთ ყურებას მოვრჩეთ, თუ ვისი იმედი გვექნება?! არავის! მხოლოდ საკუთარი თავის და მეომრული სულის!!! თუ საჭიროა ავდგებით ყველა და დავდგებით იქ სადაც ჩვენი პრეზიდენტი და ჯარი დადგება, და თუ საჭირო დარჩება ვიომებთ კიდევაც! თუ ცამდე მართლები ვართ, ღმერთი მოიგებს ყველა ჩვენს ბრძოლებს!!!!!!!
nona მე ვამაყობ სალომე ზურაბიშვილით!!!
04 ივნისი 2019 23:26
ერთ დროს ზვიად გამსახურდიათიც ამაყობდა საქართველო სანამ რუსეთმა ერთი მეოთხედი არ ჩამოგვაჭრა. ეს რუსეთს ვერაფერს გაუბედავს მაგრამ აი დარჩენილ მეგობარ ქვეყნებს საერთოდ დაგვაკარგინებს,
04 ივნისი 2019 22:19
ძალიან.ძლიერია.საწყენია.რომ.ძალა.უფლებას არ.აძლევს.კონსტიტუცია
ლეილა
04 ივნისი 2019 21:20
საოცრებაა , რას უწუნებთ ვითომ მეგობარი ქვეყნის ნამდვილი სახე რომ დაგვანახა. ჩავყოთ აბა თავი ქვიშაში ვითომ არაფერი არ ხდება და დავკარგოთ გარეჯი უმტკივნეულოდ. ერთადერთი აზრიანი პრეზიდენტია და აცალეთ აკეთოს თავისი საქმე
კახა
04 ივნისი 2019 20:34
მეც ვაფასებ სალომე ზურაბიშვილს. ვთვლი რომ გლობალურად აზროვნებს. მომწონს მისი პირდაპირობა. პრობლემებს თვალი უნდა გავუსწოროთ და გადავწყვიტოთ.

რუბრიკის სხვა სიახლეები
ბოლო ერთი წლის განმავლობაში როგორ შეიცვალა თქვენი ოჯახის ეკონომიკური მდგომარეობა?
თქვენი აზრი მნიშვნელოვანია!
ბოლო ერთი წლის განმავლობაში როგორ შეიცვალა თქვენი ოჯახის ეკონომიკური მდგომარეობა?
დღის კითხვადი სტატიები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები