"გიორგი გახარიამ ეს ქვეყანა კიდევ უფრო დიდი უბედურებისგან - სახელმწიფო გადატრიალების მცდელობისგან დაიცვა"
25-06-2019
"გიორგი გახარიამ ეს ქვეყანა კიდევ უფრო დიდი უბედურებისგან - სახელმწიფო გადატრიალების მცდელობისგან დაიცვა"
თქვენ როგორ გგონიათ, ბრძანება იყო გაცემული, რომ დამიზნებით ახლოდან ესროლეთ ადამიანებს? - როგორ გეკადრებათ, - ამის შესახებ უმრავლესობის დეპუტატმა აკაკი ზოიძემ ჟურნალისტებს განუცხადა. მისი თქმით, ყველამ უნდა აიღოს პასუხისმგებლობა 20 ივნისის ღამის მოვლენებზე, მათ შორის ოპოზიციამ.

"ჩვენ ყველა ვგრძნობთ და ყველამ უნდა აიღოს თავისი პასუხისმგებლობა იმაზე, რაც მოხდა 20 ივნისს და ეს პასუხისმგებლობა, როგორც პოლიტიკური, ისე სისხლის სამართლებრივი უნდა იყოს სამართლიანობის აღდგენის საფუძველი. ჩვენ გვყავს დასახიჩრებული ახალგაზრდები და ამისთვის პასუხი
კონკრეტულმა ადამიანებმა უნდა აგონ, მათ შორის ე.წ ოპოზიციიდან", - განაცხადა ზოიძემ.

ამასთან, ზოიძე ამბობს, რომ შს მინისტრმა 20 ივნისის ღამეს ქვეყანა უფრო დიდი უბედურებისგან დაიცვა.

"გახარიამ ეს ქვეყანა კიდევ უფრო დიდი უბედურებისგან დაიცვა - სახელმწიფო გადატრიალების მცდელობისგან. გულანთებული ახალგაზრდების აღშფოთებით ისარგებლეს "ნაციონალური მოძრაობის" ლიდერებმა.

რა
თქმა უნდა, ძალის გადამეტება იყო, აუცილებლად უნდა დაისაჯონ ისინიც, ვინც ძალის გადამეტებით ესროდა. სადისტების ადგილი მართლა გმირი პოლიციელების გვერდით არ არის",-განაცხადა ზოიძემ.

მისივე თქმით, ის მოითხოვს "პოლიტიკური დამნაშავის დაკავებას".

"ინტერპრესნიუსი"

ნანა
25 ივნისი 2019 14:46
ძალიან მაინტერესებს ვინმეს თეთრ სახლში ამავე ფორმით შესვლა რომ მოენდომებინა მაშIნ რა რეაქცია ექნებოდა ამერიკის სამართალდამცავ ორგანოებს? ის რაზეც აღშფოთდა ხალხი გასაგებია და მისაღები, მაგრამ შემდგომში განვითარებული მოვლენა პარლამენტში იძულებით შესვლასთან დაკავშირებით იყო და არის მიუღებელი. როდის ვისწავლით კანონის პატივისცემას. რისთვის გვინდა მაშინ კანონი და სამართალი? თუ კი დავამკვიდრებთ პრაქტიკას ვინც მეტ არეულობას მოახდენს გამარჯვებულიც ის არის მაშIნ დემოკრატიული სახელმწიფოს აღმშენებლობას დავემშვიდობოთ. 30 წელია ძალადობას ვერ გავცდით. ხედავთ პოლიციელს რომელიც დამიზნებით ესროდა ხალხს, მაგრამ ამავე დროს არ ხედავთ იმ პოლიციელს რომელმაც ხელი აუკრა დამიზნებულ სასროლზე, ასევე იმ პოლიციელს რომელმაც თავისი ხარჯით იყიდა წყალი და დაურიგა აქციის მონაწილეებს, პოლიციელებს რომელიც მომიტინგეებს ეფარებოდნენ და ა.შ. ისინიც ხომ გახარიას უწყების თანამშრომლები არიან. ის ვინც გადაამეტა თავის უფლებებს კანონის შესაბამისად უნდა დაისაჯოს. მაგრამ გახარიას ედავო რატომ აღკვეთა პარლამენტის დარბევის მცდელობა, როცა ეს მისი ძირითადი მოვალეობაა, ყოველგვარსაფუძველს მოკლებულია.

რედაქტორის რჩევით
როგორ აფასებთ სტრასბურგის ადამიანის უფლებათა ევროპული სასამართლოს გადაწყვეტილებას „რუსთავი 2“-ის საქმეზე?
თქვენი აზრი მნიშვნელოვანია!
როგორ აფასებთ სტრასბურგის ადამიანის უფლებათა ევროპული სასამართლოს გადაწყვეტილებას „რუსთავი 2“-ის საქმეზე?