"არ უშველის არც ავსტრიაში გაქცევა და არც ნახევრად ლოთური საუბარი" - როგორ პასუხობს ზვიად რატიანის ბრალდებებს მამუკა ხაზარაძე?
"არ უშველის არც ავსტრიაში გაქცევა და არც ნახევრად ლოთური საუბარი" - როგორ პასუხობს ზვიად რატიანის ბრალდებებს მამუკა ხაზარაძე?
ზვიად რატიანმა მოიტანოს ის დოკუმენტაცია, სადაც ჩემი ხელმოწერით რაღაც არსებობს, თუ არადა მთელი სიმკაცრით აგებს პასუხს, არ უშველის არც ავსტრიაში გაქცევა და არც ნახევრად ლოთური საუბარი. გახარიას და რატიანს თუ ერთი ნარატივი ექნებოდა, ვერ წარმოვიდგენდი,- ასე პასუხობს საზოგადოებრივი მოძრაობა "ლელოს" დამფუძნებელი მამუკა ხაზარაძე, პოეტ ზვიად რატიანის მიერ "პალიტრანიუსის“ გადაცემაში "360 გრადუსი“ მის მიმართ წაყენებულ ბრალდებებს. რატიანის განცხადებების შემდეგ, მამუკა ხაზარაძემ პირდაპირ ეთერში დარეკა და ბრალდებებს პასუხი გასცა.

"ახლა მოვუსმინე ზვიად
რატიანის გამოსვლას - ყოვლად უსირცხვილო, უპასუხისმგებლო, ცილისმწამებლურ გამოსვლას. მთელი პასუხისმგებლობით მინდა განვაცხადო, ვიდრე საქართველოში გინდ პოეტი გერქვას, გინდ ბიზნესმენი, გინდ პოლიტიკოსი, ასეთი ბინძური ცილისწამებები არ დამთავრდება, ჩვენი ქვეყანა ამ ჭაობში იქნება. პოეტი მესმის კაცად, რომელიც სიმართლეს ამბობს და რომელსაც შეუძლია თქვას ის პოზიცია, რაც სინამდვილეში
არსებობს. საიდან მოიტანა ეს აბსოლუტური აბსურდი და რაში სჭირდება? გამიმძაფრდა ეჭვი, რომ ეს ძალიან სერიოზული პროვოკაციის ნაწილია და იმ დიდი მანქანის ნაწილი გახდა, სამწუხაროდ. იმ ტყუილების კასკადმა, რომელიც ახლა მოვისმინე, მთლიანად გადახაზა მთელი მისი პოეზია და შემოქმედება. გაოცებული ვარ, წარმოუდგენელი რაღაცაა. რა დონეზე მიიყვანეს ადამიანი. რომელი კალაძე, რომელი ღარიბაშვილი?! კეთილი ინებოს ყველა იმ ადამიანმა, ვინც ფრანკფურტში იყო ვახშამზე, ვინც იყო "საბას" დაჯილდოებაზე, ყველამ ამოიღოს ხმა. ასეთი განცხადებები ადამიანისგან, რომლისთვისაც დახმარების და გვერდით დგომის მეტი არაფერი გაგვიკეთებია... არავის არაფერს ვამადლი. რომელი კომკავშირი, რომელი სალომე ზურაბიშვილის მოწოდება. რეებს ლაპარაკობს? როდის იყო მამუკა ხაზარაძე რაღაც კადრებზე და რაღაც წერილებს ხელს აწერდა. სასწრაფო წესით, კეთილი ინებოს და მოიტანოს ის დოკუმენტაცია, სადაც ჩემი ხელმოწერით რაღაც არსებობს, თუ არადა მთელი სიმკაცრით აგებს პასუხს და არ უშველის არც ავსტრიაში გაქცევა და არც ნახევრად ლოთური საუბარი. გახარიას და რატიანს თუ ერთი ნარატივი ექნებოდა ამას ვერ წარმოვიდგენდი. მოვითხოვ, ჩაჯდეს თვითმფრინავში, ჩამოვიდეს, მივიდეს პროკურატურაში ჩემს ადვოკატთან ერთად, წაიყვანოს ტელევიზიები, ამოიღოს ის დოკუმენტი და თუ ეს დოკუმენტი იქ არ იქნება, ძალიან მკაცრად აგებს პასუხს",- განაცხადა ხაზარაძემ.

"ინტერპრესნიუსი"
??????
17 სექტემბერი 2019 13:06
ახლა ესენი ებლაყუნებიან და ორივე რომ მართალია, რაოდენ არ უნდა გაგიკვირდნენ.
ჟანა დარკი.
17 სექტემბერი 2019 12:41
თამარ აბაშიძის შეცდომაც! სამწუხაროა. რა იცის თამარ აბაშიძემ.
თამარ აბაშიძე
17 სექტემბერი 2019 11:15
რატიანის საბედისწერო შეცდომა
სამწუხაროა

რუბრიკის სხვა სიახლეები
თქვენი აზრით,  მოაგვარებს თუ არა პრობლემას აზარტული თამაშების რეკლამის აკრძალვა?
თქვენი აზრი მნიშვნელოვანია!
თქვენი აზრით, მოაგვარებს თუ არა პრობლემას აზარტული თამაშების რეკლამის აკრძალვა?