გამოკითხულთა უმრავლესობის აზრით, ხელისუფლებამ 20 ივნისის საპროტესტო აქციის დასაშლელად გადამეტებული ძალა გამოიყენა - NDI-ის კვლევის შედეგები
გამოკითხულთა უმრავლესობის აზრით, ხელისუფლებამ 20 ივნისის საპროტესტო აქციის დასაშლელად გადამეტებული ძალა გამოიყენა - NDI-ის კვლევის შედეგები
NDI-ის კვლევის თანახმად, გამოკითხულთა უმრავლესობა მიიჩნევს, რომ ხელისუფლებამ 20 ივნისის საპროტესტო აქციის დასაშლელად გადამეტებული ძალა გამოიყენა.

კერძოდ, რესპონდენტთა 68 % აცხადებს, რომ ხელისუფულებამ 20 ივნისს გადამეტებული ძალა გამოიყენა, 22 % მიიჩნევს, რომ ხელისუფლების მიერ გამოყენებული ძალა აქციის მონაწილეების დასაშლელად სათანადო იყო, 4% არცერთ მოსაზრებას არ ეთანხმება, 6% კი ამ კითვაზე პასუხს "არ ვიცი" აფიქსირებს.

იმავე კვლევის თანახმად, გამოკითხულთა უმრავლესობა მიიჩნევს, რომ 20 ივნისის აქციის დაშლისას, იმ პირების მიმართ, ვინც ძალას
გადაამეტა, სათანადო ღონისძიებები არ გატარებულა.

კერძოდ, იმ რესპონდენტების 71%, ვინც მიიჩნევს, რომ ხელისუფლებამ გადამეტებული ძალა გამოიყენა 20 ივნისის საპროტესტო აქციის მონაწილეების დასაშლელად, ამბობს, რომ იმ პირების მიმართ არ გატარებულა სათანადო ღონისძიებები, ვინც ძალას გადაამეტა.

გამოკითხულთა 16% ამბობს, რომ ძალის გადამეტების გამო შესაბამისი პირების მიმართ სათანადო
ღონისძიებები გატარდა, კითხვაზე პასუხი "არ ვიცი" კი რესპონდენტთა 14%-მა დააფიქსირა.

გამოკითხულთა 43% მიიჩნევს, რომ იმ ძალადობაზე, რომელსაც ადგილი ჰქონდა 20 ივნისს ხელისუფლებაა პასუხისმგებელი, 14% მიიჩნევს, რომ პასუხისმგებლობა ყველას ერთნაირად ეკისრება, 9% ამბობს, რომ ძალადობაზე პასუხისმგებელი პირადად გიორგი გახარიაა, 8% მიიჩნევს, რომ პასუხისმგებლობა "ნაციონალურ მოძრაობას" ეკისრება, 7% ოპოზიციას ასახელებს, 4% ბიძინა ივანიშვილს, 2% მიიჩნევს, რომ ძალადობაზე პასუხისმგებლობა თვითონ აქციის მონაწილეებს ეკისრებათ, 1-1% კი შსს-ს და პოლიციას ასახელებს.

NDI-ის კვლევის საველე სამუშაოები 13-დან 29 ივლისამდე პერიოდს მოიცავს. სულ კვლევაში შედის 2132 დასრულებული ინტერვიუ და კვლევის საშუალო ცდომილება არის 1.7%. კვლევა ჩატარებულია NDI-ის დაკვეთით CRRC -საქართველოს მიერ.

"ინტერპრესნიუსი"

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
თქვენი აზრით, უნდა აიკრძალოს თუ არა აზარტული თამაშების რეკლამა საქართველოში?
თქვენი აზრი მნიშვნელოვანია!
თქვენი აზრით, უნდა აიკრძალოს თუ არა აზარტული თამაშების რეკლამა საქართველოში?