"შეწყალება არ არის ვინმეს გამართლება - საერთოდ, შეწყალება ეხება არა ანგელოზებს, არამედ დამნაშავე პირებს"
28-09-2019
"შეწყალება არ არის ვინმეს გამართლება - საერთოდ, შეწყალება ეხება არა ანგელოზებს, არამედ დამნაშავე პირებს"
შეწყალება ეხება არა ანგელოზებს, არამედ დამნაშავე პირებს, - ამის შესახებ საქართველოს პრეზიდენტმა სალომე ზურაბიშვილმა გაერო-ში ვიზიტის შეჯამებისას ქართველ ჟურნალისტებს განუცხადა.

აღნიშნულით ზურაბიშვილი მძიმე დანაშაულებში მსჯავრდებულთა შეწყალებას გამოეხმაურა და განმარტა, მის მიერ გამოცხადებული მორატორიუმი არის ფრთხილი გადაწყვეტილება.

"გადაწყვეტილება ჩემით მივიღე. კიდევ ერთხელ ვამბობ, რომ შეწყალება არ არის ახალი სასამართლო, რომელიც ექვემდებარება ობიექტურ კრიტერიუმებს, ეს არის შეფასება ერთი ადამიანის მიერ, რომელიც არის პრეზიდენტი და რომელსაც აქვს ეს უფლება, რომ შეაფასოს გარემოებები და
არა, გამართოს ახალი სასამართლო. ეს მე მგონი, ცოტა ცნებების არევაა. კიდევ ერთხელ ვიტყვი ძალიან ხაზგასმით, შეწყალება არ არის ვინმეს გამართლება. საერთოდ, შეწყალება ეხება არა ანგელოზებს, არამედ დამნაშავე პირებს. ეს არის სიტუაცია, რომელშიც ვიმყოფებით.

კიდევ ერთხელ გავიმეორებ, მე გამოვედი ინიციატივით, რომ წესების სხვანაირად ჩამოყალიბება და დახვეწა
დაიწყოს. ეს სამუშაო დაწყებულია, მიმდინარეობს. მეორეს მხრივ, რადგან იყო ცილისმწამებლური წამოძახილები, პროკურატურა ამ კუთხითაც მუშაობს, დაველოდოთ მათ დასკვნებს. საზოგადოებაში ამდენი ვნებათაღელვა რომ ატყდა ამ საკითხების შესახებ, ამიტომ გამოვაცხადე მორატორიუმი.
რადგან ამაზეც იყო რეაქციები, მინდა ხაზგასმით ვთქვა, რომ არ არსებობს უფლება, იყო შეწყალებული და მორატორიუმი არ არის არავის უფლებების ამ კუთხით დარღვევა. ეს არის ფრთხილი გადაწყვეტილება იქიდან გამომდინარე, რაც მოხდა. გამოძიება მიდის, დაველოდოთ გამოძიებას, მე მაქვს სრული ნდობა გამოძიების მიმართ", - განაცხადა სალომე ზურაბიშვილმა.

შეგახსენებთ, პრეზიდენტმა სალომე ზურაბიშვილმა მარიამობის დღესასწაულთან დაკავშირებით გამოცემული შეწყალების აქტით, მკვლელობისთვის მსჯავრდებული რამდენიმე პირი შეიწყალა, მათ შორის 22 წლის პოლიციელის, თარაშ მუკბანიანის, ისტორიკოს გიორგი ოთხმეზურის შვილის, დავით ოთხმეზურისა და სოსო ქოიავას მკვლელობისთვის მსჯავრდებული პირები.

"ევროპული საქართველოს" ინფორმაციით, შეწყალების პროცესში კორუფციულ გარიგებებს აქვს ადგილი, რომელშიც პრეზიდენტის საპარლამენტო მდივანი დიმიტრი გაბუნიაა ჩართული, თუმცა თავად გაბუნიას განცხადებით, შესასწყალებელ პატიმართა სიის შედგენას ადმინისტრაციის უფროსის მოადგილე ანგი ხუციშვილი კურირებდა.

სკანდალური შეწყალების შემდეგ პროკურატურამ მსჯავრდებულების: რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე გამოძიება დაიწყო.

შეწყალების საქმეზე უკვე გამოიკითხნენ პრეზიდენტის საპარლამენტო მდივანი დიმიტრი გაბუნია და პრეზიდენტის ადმინისტრაციის უფროსის მოვალეობის შემსრულებელი ანგი ხუციშვილი და პრეზიდენტის ადმინისტრაციის 5 თანამშრომელი.

"ინტერპრესნიუსი"

?????///
29 სექტემბერი 2019 16:57
არ იცით ნარკომანებს და ქურდებს ვინ ბალეშიკობს თუ თავს იბლაყვებთ.
სიმართლე
28 სექტემბერი 2019 23:15
დამნაშავეს გააჩნია, ქალბატონო პრეზიდენტო. შეწყალებას გააჩნია კრიტერიუმები და ეს ჩვენზე კარგად უნდა იცოდეთ თქვენ! ამ ბოლო კომენტარით კიდევ ერთხელ უსვამთ ხაზს თქვენს უუნარობას, თქვენს ზედაპირულობას და არაპროფესიონალიზმს.
არდევანი
28 სექტემბერი 2019 16:10
პრეზიდენტმა მისი უფლება უნდა გამიოყენოს სამართლიანად და შეიწყალის ის ვინც საბუთებით შესაწყალებელია და არა მისი სიმპატიით, შეადარონ პატიმართა პირადი საქმეები და გამოარკვიონ ვინ იყო შესაწყალებელი ან ვინ იყო ციხეში დასატოვებელი, ეს არის უსამართლობა და არაკომპეტეტურობა სხვა მიზეზს ჯერ ვარ დავასახრლებთ ეს პროკურატურის მოვალეობაა, ამ ინციდენტით საქართველოში გზა მიეცა კიდევ ერთ საშინელებას რომელსაც დედამიწაზე ვერ ნახავ. ასეთ რამე ზოოპარკშიც კი არ ხდება.

რედაქტორის რჩევით
თქვენი აზრით,  მოაგვარებს თუ არა პრობლემას აზარტული თამაშების რეკლამის აკრძალვა?
თქვენი აზრი მნიშვნელოვანია!
თქვენი აზრით, მოაგვარებს თუ არა პრობლემას აზარტული თამაშების რეკლამის აკრძალვა?